[Mission 2022] ದೈನಂದಿನ ಪ್ರಚಲಿತ ಘಟನೆಗಳು ದಿನಾಂಕ – 24ನೇ ನವೆಂಬರ 2021 – PuuchoIAS


 

 

ಪರಿವಿಡಿ:

 ಸಾಮಾನ್ಯ ಅಧ್ಯಯನ ಪತ್ರಿಕೆ 1:

1. ರಾಣಿ ಗಾಯಿದಿನ್ಲ್ಯು.

 

ಸಾಮಾನ್ಯ ಜ್ಞಾನ ಪತ್ರಿಕೆ 2:

1. ವಾಹನ ಗುಜರಿ ನೀತಿ.

2. ಫಿಲಿಪೈನ್ಸ್ ಮತ್ತು ಚೀನಾ-ದಕ್ಷಿಣ ಚೀನಾ ಸಮುದ್ರ ವಿವಾದ.

 

ಸಾಮಾನ್ಯ ಜ್ಞಾನ ಪತ್ರಿಕೆ 3:

1. ಕಾರ್ಯತಂತ್ರದ ತೈಲ ನಿಕ್ಷೇಪಗಳು.

2. ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕ.

3. ಹೊಸ ಕ್ರಿಪ್ಟೋ ಮಸೂದೆ.

 

ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ಸಂಗತಿಗಳು:

1. ಎಲ್ ಸಾಲ್ವಡಾರ್‌ನ ಬಿಟ್‌ಕಾಯಿನ್ ನಗರ.

2. ತೈವಾನ್ ಜಲಸಂಧಿ.

3. ‘ಭಾರತ ಗೌರವ’ ಯೋಜನೆ.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 1


 

ವಿಷಯಗಳು: ಸ್ವಾತಂತ್ರ್ಯ ಹೋರಾಟ –  ಅದರ ವಿವಿಧ ಹಂತಗಳು ಮತ್ತು ದೇಶದ ವಿವಿಧ ಭಾಗಗಳಿಂದ ಪ್ರಮುಖ ಕೊಡುಗೆದಾರರು ಮತ್ತು ಅವರ ಕೊಡುಗೆಗಳು.

ರಾಣಿ ಗಾಯಿದಿನ್ಲ್ಯು.


(Rani Gaidinliu)

ಸಂದರ್ಭ:

ಮಣಿಪುರದ ತಮೆಂಗ್ಲಾಂಗ್ ಜಿಲ್ಲೆಯ ಲುವಾಂಗ್ಕಾವೊ ಗ್ರಾಮದಲ್ಲಿ (ಪ್ರಸಿದ್ಧ ಸ್ವಾತಂತ್ರ್ಯ ಹೋರಾಟಗಾರ್ತಿ ರಾಣಿ ಗಾಯಿದಿನ್ಲ್ಯು ಅವರ ಜನ್ಮಸ್ಥಳ) ರಾಣಿ ಗಾಯಿದಿನ್ಲ್ಯು ಬುಡಕಟ್ಟು ಸ್ವಾತಂತ್ರ್ಯ ಹೋರಾಟಗಾರರ ವಸ್ತುಸಂಗ್ರಹಾಲಯ (Rani Gaidinliu Tribal Freedom Fighters Museum) ವನ್ನು ನಿರ್ಮಿಸಲಾಗುತ್ತಿದೆ.

ಈ ವಸ್ತುಸಂಗ್ರಹಾಲಯದಲ್ಲಿ, ಆಂಗ್ಲೋ-ಮಣಿಪುರಿ ಯುದ್ಧ, ಕುಕಿ-ದಂಗೆ, ನಾಗಾ-ರಾಜ್ ಚಳುವಳಿಗಳಂತಹ ಬ್ರಿಟಿಷ್ ವಸಾಹತುಶಾಹಿ ಆಡಳಿತದ ವಿರುದ್ಧದ ಹೋರಾಟದ ವಿವಿಧ ಹಂತಗಳಲ್ಲಿ ಭಾಗವಹಿಸಿದ ಮಣಿಪುರದ ಬುಡಕಟ್ಟು ಸಮುದಾಯದ ಸ್ವಾತಂತ್ರ್ಯ ಹೋರಾಟಗಾರರಿಗೆ ಸಂಬಂಧಿಸಿದ ವಸ್ತುಗಳನ್ನು, ಕಲಾಕೃತಿಗಳನ್ನು ಸಂರಕ್ಷಿಸಿ ಪ್ರದರ್ಶಿಸಲಾಗುತ್ತದೆ.

ರಾಣಿ ಗಾಯಿದಿನ್ಲ್ಯು ಅವರ ಕುರಿತು:

ರಾಣಿ ಗಾಯಿದಿನ್ಲ್ಯು (Rani Gaidinliu) ನಾಗಾ ಆಧ್ಯಾತ್ಮಿಕ ಮತ್ತು ರಾಜಕೀಯ ನಾಯಕಿ.

  1. ರಾಣಿ ಗಾಯಿದಿನ್ಲ್ಯು 26 ಜನವರಿ 1915 ರಂದು ಜನಿಸಿದರು ಮತ್ತು ಮಣಿಪುರದ ತಮೆಂಗ್ಲಾಂಗ್ ಜಿಲ್ಲೆಯ ಜೆಲಿಯಾಂಗ್ರಾಂಗ್ ಬುಡಕಟ್ಟಿನ ರೊಂಗ್ಮೆಯ್ ಕುಲಕ್ಕೆ ಸೇರಿದವರು.
  2. ಕೇವಲ 13 ನೇ ವಯಸ್ಸಿನಲ್ಲಿ, ಅವರು ಪ್ರಸಿದ್ಧ ಸ್ವಾತಂತ್ರ್ಯ ಹೋರಾಟಗಾರ ಮತ್ತು ಧಾರ್ಮಿಕ ನಾಯಕ ಹೈಪೂ ಜಡೋನಾಂಗ್ ಅವರೊಂದಿಗೆ ನಿಕಟ ಒಡನಾಟವನ್ನು ಹೊಂದಿದ್ದರು ಮತ್ತು ಅವರ ಸಾಮಾಜಿಕ, ಧಾರ್ಮಿಕ ಮತ್ತು ರಾಜಕೀಯ ಚಳವಳಿಯಲ್ಲಿ ಅವರ ಲೆಫ್ಟಿನೆಂಟ್ ಆದರು.
  3. ಜಡೋನಾಂಗ್ ಕೂಡ ರೋಂಗ್‌ಮೇ ಕುಲದ ಸದಸ್ಯರಾಗಿದ್ದರು ಮತ್ತು ಅವರ ಸ್ಥಳೀಯ ನಾಗಾ ಧರ್ಮದ ಆಧಾರದ ಮೇಲೆ ಹೆರಕಾ ಚಳವಳಿ’ (Heraka Movement) ಯನ್ನು ಪ್ರಾರಂಭಿಸಿದರು. ಈ ಆಂದೋಲನದ ಗುರಿಯು ಈ ಪ್ರದೇಶದಲ್ಲಿ ಸ್ವತಂತ್ರ ನಾಗಾ ಸಾಮ್ರಾಜ್ಯವನ್ನು (ಅಥವಾ ನಾಗಾ-ರಾಜ್) ಮರುಸ್ಥಾಪಿಸುವುದು ಮತ್ತು ಬ್ರಿಟಿಷರನ್ನು ಅವರ ನೆಲದಿಂದ ಓಡಿಸುವುದು.
  4. ಜಡೊನಾಂಗ್‌ನೊಂದಿಗೆ ಸಂಪರ್ಕಕ್ಕೆ ಬಂದ ನಂತರ, ರಾಣಿ ಗೈಡಿನ್ಲಿಯು ಬ್ರಿಟಿಷರ ವಿರುದ್ಧ ಹೋರಾಡಲು ಸಂಪೂರ್ಣವಾಗಿ ಸಿದ್ಧಳಾದಳು. ಜಡೋನಾಂಗ್‌ನ ಮರಣದಂಡನೆಯ ನಂತರ, ಚಳುವಳಿಯ ನಿಯಂತ್ರಣವು ರಾಣಿಯ ಕೈಗೆ ಬಿದ್ದಿತು ಮತ್ತು ಚಳುವಳಿ ಕ್ರಮೇಣ ಧಾರ್ಮಿಕತೆಯಿಂದ ರಾಜಕೀಯಕ್ಕೆ ತಿರುಗಿತು.
  5. ರಾಣಿ ಗಾಯಿದಿನ್ಲ್ಯು ಬ್ರಿಟಿಷರ ವಿರುದ್ಧ ಪ್ರಮುಖ ಗೆರಿಲ್ಲಾ ಯುದ್ಧವನ್ನು ನಡೆಸಿದರು.
  6. ಅಕ್ಟೋಬರ್ 17, 1932 ರಂದು, ರಾಣಿ ಗಾಯಿದಿನ್ಲ್ಯು ಅವರನ್ನು ಬಂಧಿಸಲಾಯಿತು ಮತ್ತು ಕೊಲೆ, ಕೊಲೆಗೆ ಪಿತೂರಿ ಆರೋಪದ ಮೇಲೆ ಜೀವಾವಧಿ ಶಿಕ್ಷೆ ವಿಧಿಸಲಾಯಿತು.
  7. 14 ವರ್ಷಗಳ ನಂತರ, 1947 ರಲ್ಲಿ, ರಾಣಿ ಗಾಯಿದಿನ್ಲ್ಯು ಸೆರೆಯಿಂದ ಬಿಡುಗಡೆಯಾದರು.
  8. ಫೆಬ್ರವರಿ 17, 1993 ರಂದು, ರಾಣಿ ಗಾಯಿದಿನ್ಲ್ಯು ತನ್ನ ಸ್ಥಳೀಯ ಹಳ್ಳಿಯಾದ ಲುವಾಂಗ್ಕಾವೊದಲ್ಲಿ ನಿಧನರಾದರು.

ಆನುವಂಶಿಕತೆ:

ಬ್ರಿಟಿಷರ ವಿರುದ್ಧದ ಹೋರಾಟದಲ್ಲಿ ಆಕೆಯ ಪಾತ್ರವನ್ನು ಗುರುತಿಸಿದ ಜವಾಹರಲಾಲ್ ನೆಹರು ಅವರನ್ನು ಬೆಟ್ಟಗಳ ಮಗಳು” ಎಂದು ಕರೆದರು ಮತ್ತು “ರಾಣಿ” ಎಂಬ ಬಿರುದನ್ನು ನೀಡಿದರು.

  1. ವಸಾಹತುಶಾಹಿ ಅವಧಿಯಲ್ಲಿ ಮಿತಿಗಳ ಹೊರತಾಗಿಯೂ ಅತ್ಯುತ್ತಮ ಧೈರ್ಯವನ್ನು ಪ್ರದರ್ಶಿಸಿದ ಕೆಲವೇ ಮಹಿಳಾ ರಾಜಕೀಯ ನಾಯಕರಲ್ಲಿ ರಾಣಿ ಗಾಯಿದಿನ್ಲ್ಯು ಸಹ ಒಬ್ಬರು.
  2. ಜಡೋನಾಂಗ್ ಅವರ ಧಾರ್ಮಿಕ ದೃಷ್ಟಿಕೋನಕ್ಕೆ ವಿರುದ್ಧವಾಗಿ, ರಾಣಿ ಗೈಡಿನ್ಲಿಯು ವಸಾಹತುಶಾಹಿ ಆಳ್ವಿಕೆಯ ವಿರುದ್ಧ ಸಶಸ್ತ್ರ ಆಂದೋಲನಕ್ಕಾಗಿ ಯೋಜನಾಬದ್ಧವಾಗಿ ಹೋರಾಡಿದರು.

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 2


 

ವಿಷಯಗಳು: ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಗೆ ಸಂಬಂಧಿಸಿದ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಸಮಸ್ಯೆಗಳು.

ವಾಹನ ಗುಜರಿ ನೀತಿ:


(Vehicle Scrappage Policy)

ಸಂದರ್ಭ:

ತಮ್ಮ ಹಳೆಯ ವಾಹನಗಳನ್ನು ಗುಜರಿಗೆ ಹಾಕಿದ ನಂತರ ಹೊಸ ವಾಹನಗಳನ್ನು ಖರೀದಿಸಲು ಖರೀದಿದಾರರಿಗೆ ಹೆಚ್ಚುವರಿ ರಿಯಾಯಿತಿ ನೀಡುವ ಪ್ರಸ್ತಾಪವನ್ನು ಸರ್ಕಾರ ಪರಿಗಣಿಸುತ್ತಿದೆ.

ಈ ವಿಷಯದ ಅಂತಿಮ ನಿರ್ಧಾರವನ್ನು (‘ರಾಷ್ಟ್ರೀಯ ಆಟೋಮೊಬೈಲ್ ಗುಜರಿ ನೀತಿ’ ಯ ಅಡಿಯಲ್ಲಿ ಹೆಚ್ಚಿನ ಪ್ರೋತ್ಸಾಹವನ್ನು ನೀಡುವ ಕುರಿತು) ಹಣಕಾಸು ಸಚಿವಾಲಯ ಮತ್ತು GST ಕೌನ್ಸಿಲ್ ಮೂಲಕ ತೆಗೆದುಕೊಳ್ಳಲಾಗುತ್ತದೆ.

ವಾಹನಗಳ ಸ್ಕ್ರ್ಯಾಪೇಜ್ ನೀತಿ ಕುರಿತು:

  1. ಈ ನೀತಿಯ ಪ್ರಕಾರ, ಹಳೆಯ ವಾಹನಗಳನ್ನು ಮರು ನೋಂದಣಿ ಮಾಡುವ ಮೊದಲು ಅವುಗಳು ಫಿಟ್‌ನೆಸ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು ಮತ್ತು 15 ವರ್ಷಕ್ಕಿಂತ ಮೇಲ್ಪಟ್ಟ ಸರ್ಕಾರಿ ವಾಹನಗಳು ಮತ್ತು 20 ವರ್ಷಕ್ಕಿಂತ ಮೇಲ್ಪಟ್ಟ ಖಾಸಗಿ ವಾಹನಗಳನ್ನು ಗುಜರಿಗೆ ಹಾಕಲಾಗುತ್ತದೆ.
  2. ಈ ನೀತಿಯ ಪ್ರಕಾರ ಹಳೆಯ ವಾಹನಗಳ ಬಳಕೆಯನ್ನು ನಿರುತ್ಸಾಹ ಗೊಳಿಸುವ ನಿಟ್ಟಿನಲ್ಲಿ, 15 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ವಯಸ್ಸಿನ ವಾಹನಗಳ ಮರು-ನೋಂದಣಿಗೆ ಅವುಗಳ ಆರಂಭಿಕ ನೋಂದಣಿ ಶುಲ್ಕಕ್ಕಿಂತ ಹೆಚ್ಚಿನ ಶುಲ್ಕ ವಿಧಿಸಲಾಗುವುದು.
  3. ನೀತಿಯಡಿಯಲ್ಲಿ, ಹಳೆಯ ಮತ್ತು ಅದಕ್ಷ ವಾಹನಗಳನ್ನು ರಸ್ತೆಯಿಂದ ತೆಗೆದುಹಾಕಲು ಹಳೆಯ ವಾಹನಗಳ ಮಾಲೀಕರನ್ನು ಉತ್ತೇಜಿಸಲು ಅವರಿಗೆ ಪ್ರೋತ್ಸಾಹಧನ ನೀಡುವ ಸಲುವಾಗಿ ವೈಯಕ್ತಿಕ ಖಾಸಗಿ ವಾಹನಗಳಿಗೆ 25% ಮತ್ತು ವಾಣಿಜ್ಯ ವಾಹನಗಳಿಗೆ 15% ವರೆಗೆ ರಸ್ತೆ-ತೆರಿಗೆ ವಿನಾಯಿತಿ ನೀಡುವಂತೆ ರಾಜ್ಯ ಸರ್ಕಾರಗಳನ್ನು ಕೇಳಬಹುದು.

ಮಹತ್ವ:

  1. ವಾಹನ ಗುಜರಿ ನೀತಿ / ವಾಹನ ಸ್ಕ್ರ್ಯಾಪಿಂಗ್ ಪಾಲಿಸಿಯು ಪರಿಸರ ಸ್ನೇಹಿ ಮತ್ತು ಸುರಕ್ಷಿತ ರೀತಿಯಲ್ಲಿ ಸೂಕ್ತವಲ್ಲದ ಮತ್ತು ಮಾಲಿನ್ಯಕಾರಕ ವಾಹನಗಳನ್ನು ಹಂತ ಹಂತವಾಗಿ ತೆಗೆಯಲು ಪರಿಸರ ವ್ಯವಸ್ಥೆಯನ್ನು ರಚಿಸುವ ಗುರಿಯನ್ನು ಹೊಂದಿದೆ.
  2. ಈ ಉಪಕ್ರಮವು ವೃತ್ತಾಕಾರದ ಆರ್ಥಿಕತೆಯನ್ನು ಉತ್ತೇಜಿಸುತ್ತದೆ ಮತ್ತು ಆರ್ಥಿಕ ಅಭಿವೃದ್ಧಿ ಪ್ರಕ್ರಿಯೆಯನ್ನು ಹೆಚ್ಚು ಸಮರ್ಥನೀಯ ಮತ್ತು ಪರಿಸರ ಸ್ನೇಹಿಯಾಗಿ ಮಾಡುತ್ತದೆ.
  3. ಈ ನೀತಿಯು ಸುಮಾರು 10,000 ಕೋಟಿ ರೂಪಾಯಿಗಳ ಹೂಡಿಕೆಯನ್ನು ತರುತ್ತದೆ ಮತ್ತು 35,000 ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತದೆ.

ಹೊಸ ನೀತಿಯೊಂದಿಗಿನ ಸಮಸ್ಯೆಗಳು:

  1. ಟ್ರಕ್‌ಗಳಿಗೆ ಸೀಮಿತ ಪ್ರೋತ್ಸಾಹ ಮತ್ತು ಕಳಪೆ ವೆಚ್ಚದ ಅರ್ಥಶಾಸ್ತ್ರ / ಟ್ರಕ್‌ಗಳಿಗೆ ಕಡಿಮೆ ಮೊತ್ತದ ಬೆಲೆ ನೀಡುವ ವ್ಯವಹಾರವಾಗಿ ನೋಡಲಾಗುತ್ತಿದೆ.
  2. ಪತ್ತೆಹಚ್ಚಬಹುದಾದ ಇತರ ವರ್ಗದ ವಾಹನಗಳ ಸಂಖ್ಯೆ ಕಡಿಮೆಯಾಗಿದೆ.
  3. 15 ವರ್ಷ ಹಳೆಯದಾದ ಆರಂಭಿಕ ದರ್ಜೆಯ ಸಣ್ಣ ಕಾರನ್ನು ಸ್ಕ್ರ್ಯಾಪ್ ಮಾಡುವುದರಿಂದ ಸಿಗುವ ಲಾಭ ಸುಮಾರು 70,000 ರೂ., ಆದರೆ ಅದನ್ನು ಮರುಮಾರಾಟ ಮಾಡುವುದರಿಂದ ಸಿಗುವ ಹಣ ಸುಮಾರು 95,000 ರೂ. ಆಗಿರುವುದರಿಂದ ಇದು ಸ್ಕ್ರ್ಯಾಪಿಂಗ್ ಅನ್ನು ಆಕರ್ಷಕವಲ್ಲದಂತೆ ಮಾಡುತ್ತದೆ.

ಈ ಹೊತ್ತಿನ ಅವಶ್ಯಕತೆ:

ಈ ಎಲ್ಲಾ ಕಾರಣಗಳನ್ನು ಗಮನದಲ್ಲಿಟ್ಟುಕೊಂಡು, ಸ್ಕ್ರ್ಯಾಪಿಂಗ್ ನೀತಿಯನ್ನು ಸಂಪೂರ್ಣವಾಗಿ ಜಾರಿಗೆ ತರಲು, ನಾವು ಜೀವಿತಾವಧಿ ಮುಗಿದಿರುವ ವಾಹನಗಳನ್ನು ರಸ್ತೆಯಿಂದ ತೆಗೆದುಹಾಕಲು ಸಮಗ್ರ ಯೋಜನೆಯನ್ನು ರೂಪಿಸಬೇಕಾಗಿದೆ, ಅಂದರೆ ‘ಎಂಡ್ ಆಫ್ ಲೈಫ್ ವೆಹಿಕಲ್ಸ್’ (ELV). ಸರಕು ಸಾಗಣೆದಾರರಿಗೆ ಸಮರ್ಪಕ ಮತ್ತು ಉತ್ಸಾಹಭರಿತ ಆರ್ಥಿಕ ನೆರವು ನೀಡುವ ಅವಶ್ಯಕತೆಯಿದೆ. ಆದಾಗ್ಯೂ, ಹಳೆಯ ವಾಹನಗಳ ಸಮೂಹವನ್ನು ರಸ್ತೆಯಿಂದ ತೆಗೆದುಹಾಕುವವರೆಗೆ, ಬಿಎಸ್-6 (BS-VI) ವಾಹನಗಳನ್ನು ಕಾರ್ಯಗತಗೊಳಿಸುವುದರಿಂದ ಆಗುವ ಪ್ರಯೋಜನಗಳನ್ನು ಸಂಪೂರ್ಣವಾಗಿ ಪಡೆಯಲಾಗುವುದಿಲ್ಲ.

 

ವಿಷಯಗಳು:ಅನಿವಾಸಿ ಭಾರತೀಯರು ಮತ್ತು ಭಾರತದ ಹಿತಾಸಕ್ತಿಗಳ ಮೇಲೆ ಅಭಿವೃದ್ಧಿ ಹೊಂದಿದ ಮತ್ತು ಅಭಿವೃದ್ಧಿ ಹೊಂದುತ್ತಿರುವ ದೇಶಗಳ ನೀತಿಗಳು ಮತ್ತು ರಾಜಕೀಯದ ಪರಿಣಾಮಗಳು.

ಫಿಲಿಪೈನ್ಸ್ ಮತ್ತು ಚೀನಾ-ದಕ್ಷಿಣ ಚೀನಾ ಸಮುದ್ರ ವಿವಾದ:


(Philippines and China- South China Sea Dispute)

ಸಂದರ್ಭ:

ದಕ್ಷಿಣ ಚೀನಾ ಸಮುದ್ರ (South China Sea) ದಲ್ಲಿ ನೆಲೆಗೊಂಡಿರುವ ಕೃತಕ ದ್ವೀಪ’/’ಅಟಾಲ್’ (ಇನ್ನೊಂದು ಥಾಮಸ್ ಶೋಲ್, ಸ್ಥಳೀಯವಾಗಿ ಅಯುಂಗಿನ್ ಶೋಲ್ ಎಂದು ಕರೆಯಲಾಗುತ್ತದೆ) ಮೇಲೆ ಫಿಲಿಪೈನ್ಸ್‌ನಿಂದ ನೆಲೆಸಿರುವ ಪಡೆ ಗಳಿಗೆ ಮಿಲಿಟರಿ ಮರು-ಸರಬರಾಜು ಕಾರ್ಯಾಚರಣೆಯನ್ನು ಮರುಪ್ರಾರಂಭಿಸಲಾಗುತ್ತಿದೆ. ಕಳೆದ ವಾರ, ಚೀನಾದ ಕರಾವಳಿ ಕಾವಲುಗಾರ ಪಡೆಯು (ಕೋಸ್ಟ್ ಗಾರ್ಡ್) ದ್ವೀಪದ ಮೇಲೆ ನೆಲೆಸಿರುವ ಫಿಲಿಪೈನ್ಸ್ ಪಡೆಗಳಿಗೆ ಹಡಗು ಸರಬರಾಜುಗಳನ್ನು ನಿರ್ಬಂಧಿಸಿತ್ತು.

  1. ಫಿಲಿಪೈನ್ಸ್ ಈಗ ಯುನೈಟೆಡ್ ಸ್ಟೇಟ್ಸ್ ಸ್ಟೇಟ್ ಡಿಪಾರ್ಟ್ಮೆಂಟ್ನ ಬೆಂಬಲವನ್ನು ಹೊಂದಿದೆ. ಕೆಲವು ಸಮಯದ ಹಿಂದೆ, ಅಮೆರಿಕ ಬಿಡುಗಡೆ ಮಾಡಿದ, ಹೇಳಿಕೆಯಲ್ಲಿ, ದಕ್ಷಿಣ ಚೀನಾ ಸಮುದ್ರದಲ್ಲಿ ಚೀನಾದ ಕ್ರಮಗಳು ಪ್ರಾದೇಶಿಕ ಶಾಂತಿ ಮತ್ತು ಸ್ಥಿರತೆಗೆ ಬೆದರಿಕೆ, ಪ್ರಾದೇಶಿಕ ಉದ್ವಿಗ್ನತೆಯನ್ನು ಹೆಚ್ಚಿಸುವುದು ಮತ್ತು ನ್ಯಾವಿಗೇಷನ್ ಸ್ವಾತಂತ್ರ್ಯದ ಉಲ್ಲಂಘನೆ ಎಂದು ವಿವರಿಸಿದೆ.

ಕೃತಕ ದ್ವೀಪ/ಅಟಾಲ್ (Atoll) ಮಹತ್ವ:

1999 ರಲ್ಲಿ ಫಿಲಿಪೈನ್ಸ್ ನೌಕಾಪಡೆಯಿಂದ ಹೊರಠಾಣೆಯಾಗಿ ಬಳಸಲು ‘ಅಯುಂಗಿನ್ ಶೋಲ್’ (Ayungin Shoal) / ‘ಸೆಕೆಂಡ್ ಥಾಮಸ್ ಶೋಲ್’ ನಲ್ಲಿ ‘BRP ಸಿಯೆರಾ ಮಾಡ್ರೆ’ ಎಂಬ ಹೆಸರಿನ ವಿಶ್ವ ಸಮರ II ಲ್ಯಾಂಡಿಂಗ್ ಹಡಗನ್ನು ನಿಯೋಜಿಸಿದ ಸಮಯದಿಂದ, ಈ ’ಅಟಾಲ್’ ಫಿಲಿಪೈನ್ ಮೆರೈನ್ ಕಾರ್ಪ್ಸ್‌ನ ಸಣ್ಣ ತುಕಡಿಯಿಂದ ಆಕ್ರಮಿಸಲ್ಪಟ್ಟಿದೆ.

ಈ ಅಟಾಲ್ ಪಶ್ಚಿಮ ಫಿಲಿಪೈನ್ ಸಮುದ್ರದಲ್ಲಿ ‘ಪಲವಾನ್’ (Palawan)ನಿಂದ ಸುಮಾರು 105 ನಾಟಿಕಲ್ ಮೈಲುಗಳಷ್ಟು ದೂರದಲ್ಲಿದೆ. ಮನಿಲಾ ಪರಿಭಾಷೆಯಲ್ಲಿ ‘ಪಲವಾನ್’, ‘ದಕ್ಷಿಣ ಚೀನಾ ಸಮುದ್ರ’ದ ಪೂರ್ವ ಭಾಗವನ್ನು ಉಲ್ಲೇಖಿಸುತ್ತದೆ, ಈ ಪ್ರದೇಶವು ಫಿಲಿಪೈನ್ಸ್‌ನ ವಿಶೇಷ ಆರ್ಥಿಕ ವಲಯ (Exclusive Economic Zone – EEZ) ದ ಅಧೀನದಲ್ಲಿ ಬರುತ್ತದೆ.

ಏನಿದು ಪ್ರಕರಣ?

ಬೀಜಿಂಗ್ ದಕ್ಷಿಣ ಚೀನಾ ಸಮುದ್ರದಲ್ಲಿನ ಹಲವಾರು ಆಗ್ನೇಯ ಏಷ್ಯಾದ ರಾಷ್ಟ್ರಗಳೊಂದಿಗೆ ಪ್ರಾದೇಶಿಕ ಹಕ್ಕುಗಳನ್ನು ಅತಿಕ್ರಮಿಸುತ್ತಿದೆ.

  1. ಬ್ರೂನಿ, ಮಲೇಷ್ಯಾ, ಫಿಲಿಪೈನ್ಸ್, ತೈವಾನ್ ಮತ್ತು ವಿಯೆಟ್ನಾಂನಿಂದ ಸ್ಪರ್ಧಾತ್ಮಕ ಹಕ್ಕುಗಳ ಜೊತೆಗೆ ಚೀನಾ ಬಹುತೇಕ ಸಂಪನ್ಮೂಲ-ಸಮೃದ್ಧ ಸಮುದ್ರದ ಮೇಲೆ ತನ್ನ ಹಕನ್ನು ಪ್ರತಿಪಾದಿಸುತ್ತದೆ, ಈ ಕಡಲ ಪ್ರದೇಶದಿಂದ ವಾರ್ಷಿಕವಾಗಿ ಶತಕೋಟಿ ಡಾಲರ್ ಮೌಲ್ಯದ ಸರಕು ಸಾಗಣೆ ವ್ಯಾಪಾರವು ನಡೆಯುತ್ತದೆ.
  2. ಬೀಜಿಂಗ್ ಅಲ್ಲಿ ಹಡಗು ವಿರೋಧಿ ಕ್ಷಿಪಣಿಗಳು ಮತ್ತು ಮೇಲ್ಮೈಯಿಂದ ಗಾಳಿಗೆ ಚಿಮ್ಮುವ ಕ್ಷಿಪಣಿಗಳು ಸೇರಿದಂತೆ ಹಲವಾರು ಮಿಲಿಟರಿ ಯಂತ್ರೋಪಕರಣಗಳನ್ನು ನಿಯೋಜಿಸಿದೆ ಎಂದು ಆರೋಪಿಸಲಾಗಿದೆ ಮತ್ತು ಚೀನಾ 2016 ರ ಅಂತರರಾಷ್ಟ್ರೀಯ ನ್ಯಾಯಮಂಡಳಿಯು ನೀಡಿದ ತೀರ್ಪನ್ನು ನಿರ್ಲಕ್ಷಿಸಿದೆ, ಈ ತೀರ್ಪಿನಲ್ಲಿ, ಅಂತರರಾಷ್ಟ್ರೀಯ ನ್ಯಾಯಮಂಡಳಿಯು ಈ ಕಡಲ ಪ್ರದೇಶದಲ್ಲಿ ಚೀನಾ ಪ್ರತಿಪಾದಿಸುತ್ತಿರುವ ಐತಿಹಾಸಿಕ ಹಕ್ಕುಗಳಿಗೆ ಯಾವುದೇ ಆಧಾರವಿಲ್ಲ ಎಂದು ಘೋಷಿಸಿದೆ.

ದಕ್ಷಿಣ ಚೀನಾ ಸಮುದ್ರದ ವಿವಾದದ ಕುರಿತು:

ದಕ್ಷಿಣ ಚೀನಾ ಸಮುದ್ರ ಮತ್ತು ಈ ಪ್ರದೇಶದಲ್ಲಿ ನೆಲೆಗೊಂಡಿರುವ ಇತರ ದೇಶಗಳೊಂದಿಗೆ ಚೀನಾದ ಗಡಿ ಮತ್ತು ಕಡಲ ವಿವಾದವು ಕಡಲ ಪ್ರದೇಶಗಳ ಮೇಲೆ ಚೀನಾ ತನ್ನ ಸಾರ್ವಭೌಮತ್ವವನ್ನು ಸ್ಥಾಪಿಸುವುದಕ್ಕೆ ಸಂಬಂಧಿಸಿದೆ.

  1. ಈ ಪ್ರದೇಶವು ‘ಪ್ಯಾರಾಸೆಲ್ ದ್ವೀಪಗಳು’ (Paracels Islands) ಮತ್ತು ‘ಸ್ಪ್ರಾಟ್ಲಿ ದ್ವೀಪಗಳು’ (Spratley Islands) ಎಂಬ ಎರಡು ದ್ವೀಪ ಸರಣಿಗಳನ್ನು ಒಳಗೊಂಡಿದೆ, ದ್ವೀಪಗಳು ಅನೇಕ ದೇಶಗಳ ಕಡಲ ಗಡಿಯಲ್ಲಿ ಹರಡಿಕೊಂಡಿವೆ, ಇದು ಈ ಪ್ರದೇಶದಲ್ಲಿನ ವಿವಾದಕ್ಕೆ ಪ್ರಮುಖ ಕಾರಣವಾಗಿದೆ.
  2. ಸಂಪೂರ್ಣ ಅಭಿವೃದ್ಧಿ ಹೊಂದಿದ ದ್ವೀಪಗಳ ಜೊತೆಗೆ, ಡಜನ್ ಗಟ್ಟಲೆ ಬಂಡೆಗಳು, ಅಟಾಲ್ಗಳು, ಮರಳು ತೀರಗಳು ಮತ್ತು ಸ್ಕಾರ್ಬರೋ ಶೋಲ್‌ನಂತಹ (Scarborough Shoal) ಬಂಡೆಗಳು ಸಹ ವಿವಾದಕ್ಕೆ ಕಾರಣವಾಗಿವೆ.
  3. ದಕ್ಷಿಣ ಚೀನಾ ಸಮುದ್ರದ ಬಹುಪಾಲು ಪ್ರದೇಶದ ಮೇಲೆ ತನ್ನ ಐತಿಹಾಸಿಕ ಹಕ್ಕುಗಳನ್ನು ಸಾಧಿಸಲು ಬೀಜಿಂಗ್ ಸಾಮಾನ್ಯವಾಗಿ 9 ಡ್ಯಾಶ್ ಲೈನ್ ಎಂಬ ವಿಚಾರವನ್ನು ಪ್ರಚೋದಿಸುತ್ತದೆ, ಅದೇ ರೀತಿ ಈ ಸಮುದ್ರದ ಕೆಲವು ಭಾಗಗಳ ಮೇಲೆ ತೈವಾನ್ ಮಲೇಷ್ಯಾ ಫಿಲಿಫೈನ್ಸ್ ಮತ್ತು ಬ್ರೂನೈ ದೇಶಗಳು ಸಹ ತಮ್ಮ ತಮ್ಮ ಹಕ್ಕುಗಳನ್ನು ಪ್ರತಿಪಾದಿಸುತ್ತವೆ.
  4. ದಕ್ಷಿಣ ಚೀನಾ ಸಮುದ್ರದ ಮೇಲೆ ಚೀನಾ ಪ್ರತಿಪಾದಿಸುತ್ತಿರುವ ಹಕ್ಕನ್ನು ಆಧಾರರಹಿತವೆಂದು ಹೇಳಿದ ಅಂತರರಾಷ್ಟ್ರೀಯ ನ್ಯಾಯಮಂಡಳಿಯ 2016 ರ ನಿರ್ಧಾರವನ್ನು ಚೀನಾ ನಿರ್ಲಕ್ಷಿಸಿದೆ.

ದಕ್ಷಿಣ ಚೀನಾ ಸಮುದ್ರ ಎಲ್ಲಿದೆ?

  1. ದಕ್ಷಿಣ ಚೀನಾ ಸಮುದ್ರವು ಆಗ್ನೇಯ ಏಷ್ಯಾದ ಪಶ್ಚಿಮ ಪೆಸಿಫಿಕ್ ಮಹಾಸಾಗರದ ಒಂದು ಭಾಗವಾಗಿದೆ.
  2. ಇದು ಚೀನಾದ ದಕ್ಷಿಣಕ್ಕೆ, ವಿಯೆಟ್ನಾಂನ ಪೂರ್ವ ಮತ್ತು ದಕ್ಷಿಣಕ್ಕೆ, ಫಿಲಿಪೈನ್ಸ್‌ನ ಪಶ್ಚಿಮಕ್ಕೆ ಮತ್ತು ಬೊರ್ನಿಯೊ ದ್ವೀಪದ ಉತ್ತರಕ್ಕೆ ಇದೆ.
  3. ಇದು ತೈವಾನ್ ಜಲಸಂಧಿಯಿಂದ ‘ಪೂರ್ವ ಚೀನಾ ಸಮುದ್ರ’ಕ್ಕೆ ಮತ್ತು ಲುಝೋನ್ ಜಲಸಂಧಿಯ ಮೂಲಕ’ ಫಿಲಿಪೈನ್ ಸಮುದ್ರ’ಕ್ಕೆ ಸಂಪರ್ಕ ಹೊಂದಿದೆ.
  4. ಗಡಿ ದೇಶಗಳು ಮತ್ತು ಪ್ರಾಂತ್ಯಗಳು: ಪೀಪಲ್ಸ್ ರಿಪಬ್ಲಿಕ್ ಆಫ್ ಚೀನಾ, ರಿಪಬ್ಲಿಕ್ ಆಫ್ ಚೀನಾ (ತೈವಾನ್), ಫಿಲಿಪೈನ್ಸ್, ಮಲೇಷ್ಯಾ, ಬ್ರೂನಿ, ಇಂಡೋನೇಷ್ಯಾ, ಸಿಂಗಾಪುರ್ ಮತ್ತು ವಿಯೆಟ್ನಾಂ.

ಕಾರ್ಯತಂತ್ರದ ಪ್ರಮುಖ್ಯತೆ:

  1. ‘ದಕ್ಷಿಣ ಚೀನಾ ಸಮುದ್ರ’ ವು, ಹಿಂದೂ ಮಹಾಸಾಗರ ಮತ್ತು ಪೆಸಿಫಿಕ್ ಮಹಾಸಾಗರದ (ಮಲಕ್ಕಾ ಜಲಸಂಧಿ) ನಡುವಿನ ಕೊಂಡಿಯಾಗಿದ್ದು, ಅದರ ಆಯಕಟ್ಟಿನ ಸ್ಥಳದಿಂದಾಗಿ ಅಪಾರವಾದ ಕಾರ್ಯತಂತ್ರದ ಮಹತ್ವವನ್ನು ಹೊಂದಿದೆ.
  2. ‘ವಿಶ್ವಸಂಸ್ಥೆಯ ವ್ಯಾಪಾರ ಮತ್ತು ಅಭಿವೃದ್ಧಿ ಸಮಾವೇಶ’ ದ (United Nations Conference on Trade And Development- UNCTAD) ಪ್ರಕಾರ, ಜಾಗತಿಕ ಹಡಗು ಸಾಗಾಟದ ಮೂರನೇ ಒಂದು ಭಾಗವು ‘ದಕ್ಷಿಣ ಚೀನಾ ಸಮುದ್ರ’ದ ಮೂಲಕ ಹಾದುಹೋಗುತ್ತದೆ, ಇದರ ಮೂಲಕ $ ಟ್ರಿಲಿಯನ್ ಗಟ್ಟಲೆ ವ್ಯಾಪಾರ ನಡೆಯುವುದರಿಂದಾಗಿ ಇದು ಒಂದು ಪ್ರಮುಖ ಭೌಗೋಳಿಕ ರಾಜಕೀಯ ಜಲ (geopolitical water body) ಘಟಕವಾಗಿದೆ.

ದಕ್ಷಿಣ ಚೀನಾ ಸಮುದ್ರದಲ್ಲಿರುವ ದ್ವೀಪಗಳಮೇಲೆ ವಿವಿಧ ದೇಶಗಳ ಸ್ಪರ್ಧಾತ್ಮಕ ಹಕ್ಕುಗಳು:

  1. ‘ಪ್ಯಾರಾಸೆಲ್ ದ್ವೀಪಗಳ’ (Paracels Islands) ಮೇಲೆ ಚೀನಾ, ತೈವಾನ್ ಮತ್ತು ವಿಯೆಟ್ನಾಂ ಹಕ್ಕು ಸಾಧಿಸಿವೆ.
  2. ಸ್ಪ್ರಾಟ್ಲಿ ದ್ವೀಪಗಳನ್ನು (Spratley Islands) ಚೀನಾ, ತೈವಾನ್, ವಿಯೆಟ್ನಾಂ, ಬ್ರೂನಿ ಮತ್ತು ಫಿಲಿಪೈನ್ಸ್ ತಮ್ಮವೆಂದು ಹಕ್ಕು ಸಾಧಿಸಿವೆ.
  3. ಸ್ಕಾರ್ಬರೋ ಶೋಲ್ (Scarborough Shoal) ಮೇಲೆ ಫಿಲಿಪೈನ್ಸ್, ಚೀನಾ ಮತ್ತು ತೈವಾನ್ ಗಳು ಹಕ್ಕು ಸಾಧಿಸಿವೆ.

2010 ರಿಂದೀಚೆಗೆ, ಚೀನಾವು ನಿರ್ಜನ ದ್ವೀಪಗಳನ್ನು ವಿಶ್ವಸಂಸ್ಥೆಯ ಸಮುದ್ರ ಕಾನೂನಿನ (United Nations Convention on the Law of the Sea- UNCLOS) ಅಡಿಯಲ್ಲಿ ತರಲು ಅವುಗಳನ್ನು ಕೃತಕ ದ್ವೀಪಗಳನ್ನಾಗಿ ಪರಿವರ್ತಿಸುತ್ತಿದೆ. (ಉದಾಹರಣೆಗೆ, ಹೆವೆನ್ ರೀಫ್, ಜಾನ್ಸನ್ ಸೌತ್ ರೀಫ್ ಮತ್ತು ಫೈರಿ ಕ್ರಾಸ್ ರೀಫ್).

malaysia_brunei

 


ಸಾಮಾನ್ಯ ಅಧ್ಯಯನ ಪತ್ರಿಕೆ : 3


 

ವಿಷಯಗಳು: ಮೂಲಸೌಕರ್ಯ- ಇಂಧನ.

ಕಾರ್ಯತಂತ್ರದ ತೈಲ ನಿಕ್ಷೇಪಗಳು:


(Strategic petroleum reserves (SPR) programme)

ಸಂದರ್ಭ:

ತೈಲ ಬೆಲೆಗಳನ್ನು ಕಡಿಮೆ ಮಾಡಲು ಯುಎಸ್, ಚೀನಾ, ಜಪಾನ್ ಮತ್ತು ಇತರ ಪ್ರಮುಖ ಆರ್ಥಿಕತೆಗಳ ನಂತರ ಭಾರತವು ತನ್ನ ತುರ್ತು ಸಂಗ್ರಹಾರಗಳಿಂದ 5 ಮಿಲಿಯನ್ ಬ್ಯಾರೆಲ್ ಕಚ್ಚಾ ತೈಲವನ್ನು ಬಿಡುಗಡೆ ಮಾಡಲಿದೆ.

ಭಾರತದಲ್ಲಿ, 5.33 ಮಿಲಿಯನ್ ಟನ್ ಅಥವಾ ಸುಮಾರು 38 ಮಿಲಿಯನ್ ಬ್ಯಾರೆಲ್ ಕಚ್ಚಾ ತೈಲವನ್ನು ಪೂರ್ವ ಮತ್ತು ಪಶ್ಚಿಮ ಕರಾವಳಿಯಲ್ಲಿ ಮೂರು ಸ್ಥಳಗಳಲ್ಲಿರುವ ಭೂಗತ ನಿಕ್ಷೇಪಗಳಲ್ಲಿ/ ತೈಲ ಸಂಗ್ರಹಾರಗಳಲ್ಲಿ ಸಂಗ್ರಹಿಸಲಾಗಿದೆ. ಮೊದಲ ಬಾರಿಗೆ, ಅಂತಹ ಉದ್ದೇಶಕ್ಕಾಗಿ ಭಾರತವು ತನ್ನ ‘ಕಾರ್ಯತಂತ್ರದ ಪೆಟ್ರೋಲಿಯಂ ನಿಕ್ಷೇಪಗಳಿಂದ’ ತೈಲವನ್ನು ಹೊರತೆಗೆಯುತ್ತಿದೆ.

ಹಿನ್ನೆಲೆ:

  1. ಜಾಗತಿಕ ಇಂಧನ ಬೆಲೆಗಳನ್ನು ಕಡಿಮೆ ಮಾಡುವ ಸಂಘಟಿತ ಪ್ರಯತ್ನದಲ್ಲಿ ಯುಎಸ್ ಕಳೆದ ವಾರ ಚೀನಾ, ಭಾರತ ಮತ್ತು ಜಪಾನ್ ಸೇರಿದಂತೆ ಕೆಲವು ದೊಡ್ಡ ತೈಲ ಗ್ರಾಹಕ ದೇಶಗಳಿಗೆ ತಮ್ಮ ತಮ್ಮ ಕಚ್ಚಾ ತೈಲ ದಾಸ್ತಾನುಗಳಿಂದ ಸ್ವಲ್ಪ ತೈಲವನ್ನು ಹೊರತೆಗೆಯುವುದನ್ನು ಪರಿಗಣಿಸುವಂತೆ ಅಸಾಮಾನ್ಯ ವಿನಂತಿಯನ್ನು ಮಾಡಿತ್ತು.
  2. ಪೆಟ್ರೋಲಿಯಂ ರಫ್ತು ಮಾಡುವ ದೇಶಗಳ ಸಂಘಟನೆ (OPEC) ಮತ್ತು ಅದರ ಮಿತ್ರ ರಾಷ್ಟ್ರಗಳಿಗೆ, ಇಂಧನ ಉತ್ಪಾದನೆಯನ್ನು ವೇಗಗೊಳಿಸುವಂತೆ ಮಾಡಿದ ಪುನರಾವರ್ತಿತ ವಿನಂತಿಗಳನ್ನು ತಿರಸ್ಕರಿಸಿದ ನಂತರ US ಈ ಕ್ರಮವನ್ನು ತೆಗೆದುಕೊಂಡಿತು.

 

ಆಯಕಟ್ಟಿನ ಖನಿಜ ತೈಲ ನಿಕ್ಷೇಪಗಳ ಮೀಸಲು ಕುರಿತು ಭಾರತದ ಯೋಜನೆ:

ಕಾರ್ಯತಂತ್ರದ ಪೆಟ್ರೋಲಿಯಂ ನಿಕ್ಷೇಪಗಳು ನೈಸರ್ಗಿಕ ವಿಪತ್ತುಗಳು, ಯುದ್ಧ ಅಥವಾ ಇತರ ವಿಪತ್ತುಗಳಿಂದಾಗಿ ಕಚ್ಚಾ ತೈಲದ ಪೂರೈಕೆಯಲ್ಲಿ ಅಡಚಣೆಯ ಅಪಾಯದಂತಹ ಯಾವುದೇ ಬಿಕ್ಕಟ್ಟನ್ನು ಎದುರಿಸಲು ಇರುವ ಕಚ್ಚಾ ತೈಲದ ಬೃಹತ್ ನಿಕ್ಷೇಪಗಳಾಗಿವೆ.

  1. ಈ ಪೆಟ್ರೋಲಿಯಂ ನಿಕ್ಷೇಪಗಳು ಕಾರ್ಯತಂತ್ರದ ಸ್ವರೂಪವನ್ನು ಹೊಂದಿರುತ್ತವೆ ಮತ್ತು ಈ ನಿಕ್ಷೇಪಗಳಲ್ಲಿ ಸಂಗ್ರಹವಾಗಿರುವ ಕಚ್ಚಾ ತೈಲವನ್ನು ತೈಲ ಕೊರತೆ ಪರಿಸ್ಥಿತಿ’ ಅಥವಾ ಅಂತಹ ಪರಿಸ್ಥಿತಿಯನ್ನು ಭಾರತ ಸರ್ಕಾರವು ಘೋಷಿಸಿದಾಗ ಬಳಸಲಾಗುತ್ತದೆ.
  2. ಕಾರ್ಯತಂತ್ರದ ಕಚ್ಚಾ ತೈಲ ಶೇಖರಣಾ ಸೌಲಭ್ಯಗಳ ನಿರ್ಮಾಣದ ನಿರ್ವಹಣೆ, ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ಅಡಿಯಲ್ಲಿನ ತೈಲ ಉದ್ಯಮ ಅಭಿವೃದ್ಧಿ ಮಂಡಳಿಯ (OIDB) ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ ಇಂಡಿಯನ್ ಸ್ಟ್ರಾಟೆಜಿಕ್ ಪೆಟ್ರೋಲಿಯಂ ರಿಸರ್ವ್ಸ್ ಲಿಮಿಟೆಡ್ (ISPRL)ಎಂಬ ವಿಶೇಷ ಉದ್ದೇಶದ ಕಂಪನಿಯಿಂದ ಇದನ್ನು ನಿರ್ವಹಣೆ ಮಾಡಲಾಗುತ್ತಿದೆ.
  3. ಇಂಡಿಯನ್ ಸ್ಟ್ರಾಟೆಜಿಕ್ ಪೆಟ್ರೋಲಿಯಂ ರಿಸರ್ವ್ ಲಿಮಿಟೆಡ್ (ISPRL) ಪೂರ್ವ ಕರಾವಳಿಯ ವಿಶಾಖಪಟ್ಟಣಂ (1.33 MMT) ಮತ್ತು ಪಶ್ಚಿಮ ಕರಾವಳಿಯ ಮಂಗಳೂರು (1.5 MMT) ಮತ್ತು ಪಾದೂರು (2.5 MMT) ಗಳ ಬೃಹತ್ ಭೂಗತ ಶಿಲಾ ಸಂಗ್ರಹಾರಗಳಲ್ಲಿ ಮೂರು ಕಾರ್ಯತಂತ್ರದ ಪೆಟ್ರೋಲಿಯಂ ನಿಕ್ಷೇಪಗಳನ್ನು ನಿರ್ಮಸಿದೆ.
  4. ISPRL ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ಅಧೀನದಲ್ಲಿರುವ ತೈಲ ಕೈಗಾರಿಕಾ ಅಭಿವೃದ್ಧಿ ಮಂಡಳಿಯ (Oil Industry Development Board– OIDB) ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದೆ.
  5. ಇತ್ತೀಚೆಗೆ ಅಂಗೀಕರಿಸಲ್ಪಟ್ಟ ಈ ಹೊಸ ಪೆಟ್ರೋಲಿಯಂ ನಿಕ್ಷೇಪಗಳು ಸುಮಾರು 12 ದಿನಗಳವರೆಗೆ ಹೆಚ್ಚುವರಿ ಪೂರೈಕೆಯನ್ನು ಒದಗಿಸಲು ಸಮರ್ಥವಾಗಿವೆ.
  6. ‘ಸಾರ್ವಜನಿಕ-ಖಾಸಗಿ ಸಹಭಾಗಿತ್ವ’ದ ಮೂಲಕ ಯೋಜನೆಯ ಎರಡನೇ ಹಂತದಲ್ಲಿ ಚಂಡಿಕೋಲ್ (ಒಡಿಶಾ) ಮತ್ತು ಉಡುಪಿ (ಕರ್ನಾಟಕ) ದಲ್ಲಿ ಇದೇ ರೀತಿಯ ಎರಡು ಭೂಗತ ಮೀಸಲುಗಳನ್ನು ನಿರ್ಮಿಸಲು ಯೋಜಿಸಲಾಗಿದೆ.
  7. ಹೀಗಾಗಿ, ISPR, ತೈಲವನ್ನು 22 ದಿನಗಳವರೆಗೆ (10 + 12) ಪೂರೈಸಬಲ್ಲದು.

 

ಸ್ಟ್ರಾಟೆಜಿಕ್ ಪೆಟ್ರೋಲಿಯಂ ರಿಸರ್ವ್ಸ್ ಕಾರ್ಯಕ್ರಮದ ಹಂತ I ಮತ್ತು II:

ಸ್ಟ್ರಾಟೆಜಿಕ್ ಪೆಟ್ರೋಲಿಯಂ ರಿಸರ್ವ್ಸ್ (SPR) ಕಾರ್ಯಕ್ರಮ’ದ ಮೊದಲ ಹಂತದ ಅಡಿಯಲ್ಲಿ, ಭಾರತ ಸರ್ಕಾರವು ತನ್ನ ವಿಶೇಷ ಉದ್ದೇಶದ ವಾಹನ (Special Purpose Vehicle- SPV) ‘ಇಂಡಿಯನ್ ಸ್ಟ್ರಾಟೆಜಿಕ್ ಪೆಟ್ರೋಲಿಯಂ ರಿಸರ್ವ್ ಲಿಮಿಟೆಡ್’ (ISPRL) ಮೂಲಕ ಮೂರು ಸ್ಥಳಗಳಲ್ಲಿ (i) ವಿಶಾಖಪಟ್ಟಣಂ ಅನ್ನು ಪ್ರಾರಂಭಿಸಿದೆ. (ii) ಮಂಗಳೂರು ಮತ್ತು (iii) ಪಾದೂರಿನಲ್ಲಿ (ಉಡುಪಿ ಬಳಿ) 5.33 ಮಿಲಿಯನ್ ಮೆಟ್ರಿಕ್ ಟನ್ (MMT) ಆಯಕಟ್ಟಿನ ಖನಿಜ ತೈಲ ನಿಕ್ಷೇಪಗಳನ್ನು ರಚಿಸಲು ನಿರ್ಧರಿಸಲಾಯಿತು.

‘ಎಸ್‌ಪಿಆರ್ ಕಾರ್ಯಕ್ರಮ’ದ ಎರಡನೇ ಹಂತದ ಅಡಿಯಲ್ಲಿ 6.5 ಮಿಲಿಯನ್ ಮೆಟ್ರಿಕ್ ಟನ್‌ಗಳ ಸಂಗ್ರಹಣಾ ಸಾಮರ್ಥ್ಯದೊಂದಿಗೆ ಚಂಡಿಖೋಲ್ (ಒಡಿಶಾ) ಮತ್ತು ಪಾದೂರ್ (ತಮಿಳುನಾಡು) ನಲ್ಲಿ ಸಾರ್ವಜನಿಕ – ಖಾಸಗಿ ಸಹಭಾಗಿತ್ವದ ಮಾದರಿಯಲ್ಲಿ ಇನ್ನೂ ಎರಡು ವಾಣಿಜ್ಯ ಮತ್ತು ಕಾರ್ಯತಂತ್ರದ ಸೌಲಭ್ಯಗಳನ್ನು ಸ್ಥಾಪಿಸಲಾಗುವುದು.

ಕಾರ್ಯತಂತ್ರದ ತೈಲ ನಿಕ್ಷೇಪಗಳ’ ಅವಶ್ಯಕತೆಗಳು:

  1. 1990 ರ ವರ್ಷದಲ್ಲಿ, ಇಡೀ ಪಶ್ಚಿಮ ಏಷ್ಯಾವು ಗಲ್ಫ್ ಯುದ್ಧದಲ್ಲಿ ಮುಳುಗಿದ್ದರಿಂದ ಭಾರತವು ಪ್ರಮುಖ ಇಂಧನ ಬಿಕ್ಕಟ್ಟನ್ನು ಎದುರಿಸುತ್ತಿತ್ತು. ಒಟ್ಟಾರೆಯಾಗಿ, ಆ ಸಮಯದಲ್ಲಿ ಭಾರತದ ತೈಲ ನಿಕ್ಷೇಪಗಳು ಕೇವಲ ಮೂರು ದಿನಗಳ ಪೂರೈಕೆಗೆ ಸಾಕಾಗುವಷ್ಟು ತೈಲವನ್ನು ಹೊಂದಿದ್ದವು. ಆ ಸಮಯದಲ್ಲಿ ಭಾರತವು ಬಿಕ್ಕಟ್ಟನ್ನು ತಪ್ಪಿಸುವಲ್ಲಿ ಯಶಸ್ವಿಯಾಗಿದ್ದರೂ, ಇಂಧನ ಅಡಚಣೆಯ ಬೆದರಿಕೆ ಇನ್ನೂ ನಿಜವಾದ ಬೆದರಿಕೆಯಾಗಿ ನಿಂತಿದೆ.
  2. ಇಂಧನ ಅಭದ್ರತೆಯನ್ನು ಪರಿಹರಿಸುವ ಸಲುವಾಗಿ, ಅಟಲ್ ಬಿಹಾರಿ ವಾಜಪೇಯಿ ಸರ್ಕಾರವು 1998 ರಲ್ಲಿ ಕಾರ್ಯತಂತ್ರದ ಪೆಟ್ರೋಲಿಯಂ ನಿಕ್ಷೇಪಗಳ ಪರಿಕಲ್ಪನೆಯನ್ನು ರೂಪಿಸಿತು. ಪ್ರಸ್ತುತ, ಭಾರತದಲ್ಲಿ ಹೆಚ್ಚುತ್ತಿರುವ ಪೆಟ್ರೋಲಿಯಂ ಉತ್ಪನ್ನಗಳ ಬಳಕೆಯೊಂದಿಗೆ, ಅಂತಹ ನಿಕ್ಷೇಪಗಳನ್ನು ನಿರ್ಮಾಣ ಮಾಡುವ ವಿಷಯಗಳು ಬಲಗೊಳ್ಳುತ್ತಿದೆ.

 

ವಿಷಯಗಳು: ಮಾಹಿತಿ ತಂತ್ರಜ್ಞಾನ, ಬಾಹ್ಯಾಕಾಶ, ಕಂಪ್ಯೂಟರ್, ರೊಬೊಟಿಕ್ಸ್, ನ್ಯಾನೊ-ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಮತ್ತು ಬೌದ್ಧಿಕ ಆಸ್ತಿ ಹಕ್ಕುಗಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಜಾಗೃತಿ.

ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕ:


(James Webb Space Telescope)

ಸಂದರ್ಭ:

ಫ್ರೆಂಚ್ ಗಯಾನಾದ ‘ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್’ನ ಉಡಾವಣಾ ಕೇಂದ್ರದಲ್ಲಿ ಸಂಭವಿಸಿದ ಅಪಘಾತದಿಂದಾಗಿ ಈ ‘ಟೆಲಿಸ್ಕೋಪ್’ ಉಡಾವಣೆಯನ್ನು ಡಿಸೆಂಬರ್ 22 ರ ವರೆಗೆ ಮುಂದೂಡಲಾಗಿದೆ. ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್ (JWST) ಉಡಾವಣೆಯೊಂದಿಗೆ, ಖಗೋಳಶಾಸ್ತ್ರಜ್ಞರು ಹೊಸ ಯುಗದ ಆರಂಭದ ನಿರೀಕ್ಷೆಯಲ್ಲಿದ್ದರು.

  1. ಈ ಬಾಹ್ಯಾಕಾಶ ದೂರದರ್ಶಕವನ್ನು ಪೂರ್ವನಿರ್ಧರಿತ ವೇಳಾಪಟ್ಟಿಯಂತೆ ಡಿಸೆಂಬರ್ 18 ರಂದು ಉಡಾವಣೆ ಮಾಡಬೇಕಿತ್ತು.

current affairs

 

ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್ (JWST) ಬಗ್ಗೆ:

ಜೆಡಬ್ಲ್ಯೂಎಸ್ಟಿ (JWST) ಯು ಅಮೆರಿಕನ್ ಸ್ಪೇಸ್ ಏಜೆನ್ಸಿ (NASA), ಯುರೋಪಿಯನ್ ಸ್ಪೇಸ್ ಏಜೆನ್ಸಿ (European Space Agency) ಮತ್ತು ಕೆನಡಿಯನ್ ಸ್ಪೇಸ್ ಏಜೆನ್ಸಿ (Canadian Space Agency) ಗಳ ಜಂಟಿ ಉಪಕ್ರಮವಾಗಿದೆ.

  1. ‘ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್’ ಬಾಹ್ಯಾಕಾಶದಲ್ಲಿ ಪರಿಭ್ರಮಿಸುತ್ತಿರುವ ಅವೆಗೆಂಪು ವೀಕ್ಷಣಾಲಯ(Infrared Observatory) ವಾಗಿದ್ದು, ದೀರ್ಘವಾದ ತರಂಗಾಂತರ ವ್ಯಾಪ್ತಿ ಮತ್ತು ಉತ್ತಮವಾದ ಸೂಕ್ಷ್ಮತೆಯನ್ನು ಹೊಂದಿದೆ, ಇದು ‘ಹಬಲ್ ಸ್ಪೇಸ್ ಟೆಲಿಸ್ಕೋಪ್’ (Hubble Space Telescope) ಮತ್ತು ಅದರ ಸಂಶೋಧನೆಗಳನ್ನು ಬೆಂಬಲಿಸುತ್ತದೆ.
  2. ಮೊದಲು, ಜೆಡಬ್ಲ್ಯೂಎಸ್‌ಟಿ (JWST)ಯನ್ನು ಎನ್‌ಜಿಎಸ್‌ಟಿ (New Generation Space Telescope – NGST) ಎಂದು ಕರೆಯಲಾಗುತ್ತಿತ್ತು, ನಂತರ 2002 ರಲ್ಲಿ ಇದನ್ನು ಹಿಂದಿನ ನಾಸಾ ಆಡಳಿತಾಧಿಕಾರಿ ‘ಜೇಮ್ಸ್ ವೆಬ್’ ಎಂದು ಮರುನಾಮಕರಣ ಮಾಡಲಾಯಿತು.
  3. ಇದು 6.5 ಮೀ ಪ್ರಾಥಮಿಕ ದರ್ಪಣವನ್ನು ಹೊಂದಿರುವ ದೊಡ್ಡ ಅತಿಗೆಂಪು ದೂರದರ್ಶಕವಾಗಿರುತ್ತದೆ.

current affairs

 

ಟೆಲಿಸ್ಕೋಪ್ ನ ಉದ್ದೇಶ ಮತ್ತು ಕಾರ್ಯಗಳು:

‘ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್’ (JWST) ಅನ್ನು ಬಿಗ್ ಬ್ಯಾಂಗ್ ನಂತರ ರೂಪುಗೊಂಡ ಮೊದಲ ನಕ್ಷತ್ರಗಳು ಮತ್ತು ಗೆಲಕ್ಸಿಗಳನ್ನು ಪತ್ತೆಹಚ್ಚಲು ಮತ್ತು ನಕ್ಷತ್ರಗಳ ಸುತ್ತಲಿನ ಗ್ರಹಗಳ ಪರಿಸರವನ್ನು ಅಧ್ಯಯನ ಮಾಡಲು ನಿರ್ಮಿಸಲಾಗಿದೆ.

  1. ಈ ದೂರದರ್ಶಕವು ಬ್ರಹ್ಮಾಂಡದ ಆಳವಾದ ಅವಲೋಕನಗಳನ್ನು ಮಾಡುತ್ತದೆ ಮತ್ತು ‘ಹಬಲ್ ಬಾಹ್ಯಾಕಾಶ ದೂರದರ್ಶಕ’ದೊಂದಿಗೆ ಕೆಲಸ ಮಾಡುತ್ತದೆ.
  2. ಟೆಲಿಸ್ಕೋಪ್ 22 ಮೀಟರ್ (ಟೆನಿಸ್ ಕೋರ್ಟ್ ಗಾತ್ರದ) ಸೋಲಾರ್ ಶೀಲ್ಡ್ / ಸೌರ-ಸುರಕ್ಷಾ ಕವಚ (Sunshield)ಮತ್ತು 6.5 ಮೀಟರ್ ಅಗಲದ ದರ್ಪಣ ಮತ್ತು ಇನ್ಫ್ರಾರೆಡ್ ಸಾಮರ್ಥ್ಯಗಳನ್ನು ಹೊಂದಿರುವ ಉಪಕರಣಗಳನ್ನು ಹೊಂದಿರುತ್ತದೆ.
  3. ಬ್ರಹ್ಮಾಂಡದ ಈ ‘ಸೆಟ-ಅಪ್’5 ಬಿಲಿಯನ್ ವರ್ಷಗಳ ಹಿಂದೆ ಸಂಭವಿಸಿದ ಬಿಗ್ ಬ್ಯಾಂಗ್ ಘಟನೆಯ ಪರಿಣಾಮವಾಗಿ ರೂಪುಗೊಂಡ ಮೊದಲ ಗೆಲಕ್ಸಿಗಳನ್ನು ನೋಡಲು ಸಾಧ್ಯವಾಗುತ್ತದೆ ಎಂದು ವಿಜ್ಞಾನಿಗಳು ಆಶಿಸಿದ್ದಾರೆ.

ಕಕ್ಷೀಯ ಪರಿಭ್ರಮಣೆ:

  1. ಹಬಲ್ ಬಾಹ್ಯಾಕಾಶ ದೂರದರ್ಶಕ ಸುಮಾರು 570 ಕಿಮೀ ಎತ್ತರದಲ್ಲಿ ಭೂಮಿಯ ಸುತ್ತ ಸುತ್ತುತ್ತದೆ.
  2. ‘ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್’ ವಾಸ್ತವವಾಗಿ ಭೂಮಿಯನ್ನು ಸುತ್ತುವುದಿಲ್ಲ, ಬದಲಾಗಿ 1.5 ಮಿಲಿಯನ್ ಕಿಮೀ ದೂರದಲ್ಲಿರುವ ಭೂಮಿ-ಸೂರ್ಯ ಲಾಗ್ ರೇಂಜ್ (Earth-Sun Lagrange Point 2) ಪಾಯಿಂಟ್ 2 ರಲ್ಲಿ ಸ್ಥಾಪಿತ ಗೊಳ್ಳುತ್ತದೆ.
  3. ಲಾಗ್ರೇಂಜ್ ಪಾಯಿಂಟ್ 2 (L2) ನಲ್ಲಿರುವ ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್ ನ ಸೋಲಾರ್ ಶೀಲ್ಡ್ ಸೂರ್ಯ, ಭೂಮಿ ಮತ್ತು ಚಂದ್ರನಿಂದ ಬರುವ ಬೆಳಕನ್ನು ತಡೆಯುತ್ತದೆ,ಇದು ಟೆಲಿಸ್ಕೋಪ್ ತಂಪಾಗಿರಲು ಸಹಾಯ ಮಾಡುತ್ತದೆ. ಯಾವುದೇ ‘ಅತಿಗೆಂಪು ದೂರದರ್ಶಕ’ಕ್ಕೆ ತಂಪಾಗಿರುವುದು ಬಹಳ ಮುಖ್ಯ.

 

ವಿಷಯಗಳು: ಮಾಹಿತಿ ತಂತ್ರಜ್ಞಾನ, ಬಾಹ್ಯಾಕಾಶ, ಕಂಪ್ಯೂಟರ್, ರೊಬೊಟಿಕ್ಸ್, ನ್ಯಾನೊ-ತಂತ್ರಜ್ಞಾನ, ಜೈವಿಕ ತಂತ್ರಜ್ಞಾನ ಮತ್ತು ಬೌದ್ಧಿಕ ಆಸ್ತಿ ಹಕ್ಕುಗಳಿಗೆ ಸಂಬಂಧಿಸಿದ ವಿಷಯಗಳಲ್ಲಿ ಜಾಗೃತಿ.

ಹೊಸ ಕ್ರಿಪ್ಟೋ ಮಸೂದೆ:


(New Crypto Bill)

ಸಂದರ್ಭ:

ಸಂಸತ್ತಿನ ಬಜೆಟ್ ಅಧಿವೇಶನದ ಚಳಿಗಾಲದ ಅಧಿವೇಶನದಲ್ಲಿ ಕ್ರಿಪ್ಟೋಕರೆನ್ಸಿ ಮತ್ತು ಅಧಿಕೃತ ಡಿಜಿಟಲ್ ಕರೆನ್ಸಿ ನಿಯಂತ್ರಣ ಮಸೂದೆ, 2021’ (Cryptocurrency and Regulation of Official Digital Currency Bill, 2021)ಅನ್ನು ಪರಿಚಯಿಸಲಾಗುವುದು.

ಪ್ರಮುಖ ನಿಬಂಧನೆಗಳು:

  1. ಮಸೂದೆಯಲ್ಲಿ, ಕ್ರಿಪ್ಟೋಕರೆನ್ಸಿಗಳನ್ನು ನಿಯಂತ್ರಿಸಲು ಮತ್ತು ಎಲ್ಲಾ ಖಾಸಗಿ ಕ್ರಿಪ್ಟೋಕರೆನ್ಸಿಗಳನ್ನು ನಿಷೇಧಿಸಲು ನಿಬಂಧನೆಗಳನ್ನು ಮಾಡಲಾಗಿದೆ.
  2. ಇದರಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಹೊರಡಿಸಿದ ಅಧಿಕೃತ ಡಿಜಿಟಲ್ ಕರೆನ್ಸಿಯ ರಚನೆಗೆ ಅನುಕೂಲಕರ ಚೌಕಟ್ಟನ್ನು ರಚಿಸಲು ಒಂದು ನಿಬಂಧನೆಯನ್ನು ಸೇರಿಸಲಾಗಿದೆ.

ಇಲ್ಲಿಯವರೆಗೆ, ಮಸೂದೆಯ ನಿಖರವಾದ ರೂಪರೇಖೆಯನ್ನು ಸಾರ್ವಜನಿಕಗೊಳಿಸಲಾಗಿಲ್ಲ ಮತ್ತು ವಿಷಯದ ಬಗ್ಗೆ ಯಾವುದೇ ಸಾರ್ವಜನಿಕ ಸಮಾಲೋಚನೆ ನಡೆದಿಲ್ಲ.

ಈ ಮಸೂದೆಯು ಭಾರತದಲ್ಲಿನ ಎಲ್ಲಾ ಖಾಸಗಿ ಕ್ರಿಪ್ಟೋಕರೆನ್ಸಿ ಗಳನ್ನು ನಿಷೇಧಿಸಲು ಪ್ರಯತ್ನಿಸುತ್ತದೆ, ಆದಾಗ್ಯೂ, ಮಸೂದೆಯಲ್ಲಿ, ಕ್ರಿಪ್ಟೋಕರೆನ್ಸಿಯ ಆಧಾರವಾಗಿರುವ ತಂತ್ರಜ್ಞಾನ ಮತ್ತು ಅದರ ಬಳಕೆಯನ್ನು ಉತ್ತೇಜಿಸಲು ಕೆಲವು ವಿನಾಯಿತಿಗಳನ್ನು ಅನುಮತಿಸಲಾಗಿದೆ.

ಮಸೂದೆಯ ಅವಲೋಕನ:

ಕ್ರಿಪ್ಟೋಕರೆನ್ಸಿ ಮತ್ತು ಅಧಿಕೃತ ಡಿಜಿಟಲ್ ಕರೆನ್ಸಿ ನಿಯಂತ್ರಣ ಮಸೂದೆ, 2021 ರ (Cryptocurrency and Regulation of Official Digital Currency Bill, 2021) ಅಡಿಯಲ್ಲಿ, ಎಲ್ಲಾ ಖಾಸಗಿ ಕ್ರಿಪ್ಟೋಕರೆನ್ಸಿಗಳನ್ನು ನಿಷೇಧಿಸಲು ಮತ್ತು ಭಾರತೀಯ ರಿಸರ್ವ್ ಬ್ಯಾಂಕ್ (RBI) ನಿಂದ ಅಧಿಕೃತ ಡಿಜಿಟಲ್ ಕರೆನ್ಸಿಯನ್ನು ಬಿಡುಗಡೆ ಮಾಡಲು ಅವಕಾಶ ನೀಡಲಾಗಿದೆ.

ಭಾರತದಲ್ಲಿ ಕ್ರಿಪ್ಟೋಕರೆನ್ಸಿಗಳ ಪ್ರಸ್ತುತ ಸ್ಥಿತಿ:

ಕ್ರಿಪ್ಟೋಕರೆನ್ಸಿಗಳ ಕುರಿತ ಅಂತರ್-ಮಿನಿಸ್ಟ್ರಿಯಲ್ ಸಮಿತಿಯು ಭಾರತದಲ್ಲಿ ರಾಜ್ಯದಿಂದ-ಬಿಡುಗಡೆ ಮಾಡಲಾದ ಯಾವುದೇ ವರ್ಚುವಲ್ ಕರೆನ್ಸಿಗಳನ್ನು ಹೊರತುಪಡಿಸಿ ಎಲ್ಲಾ ಖಾಸಗಿ ಕ್ರಿಪ್ಟೋಕರೆನ್ಸಿಗಳ ಮೇಲೆ ನಿಷೇಧವನ್ನು ಹೇರುವಂತೆ ಶಿಫಾರಸು ಮಾಡಿದೆ.

  1. ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ಕ್ರಿಪ್ಟೋಕರೆನ್ಸಿಗಳು ಮಾರುಕಟ್ಟೆಯಲ್ಲಿ ವಹಿವಾಟು ನಡೆಸುತ್ತಿರುವ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ ಮತ್ತು ಅದನ್ನು ಕೇಂದ್ರಕ್ಕೆ ತಿಳಿಸಿದೆ.
  2. ಮಾರ್ಚ್ 2020 ರಲ್ಲಿ, ಸುಪ್ರೀಂ ಕೋರ್ಟ್, 2018 ರಲ್ಲಿ RBI ಹೊರಡಿಸಿದ ಸುತ್ತೋಲೆಯನ್ನು ಅಸಿಂಧುಗೊಳಿಸುವ ಮೂಲಕಬ್ಯಾಂಕ್‌ಗಳು ಮತ್ತು ಹಣಕಾಸು ಸಂಸ್ಥೆಗಳಿಗೆ ಕ್ರಿಪ್ಟೋಕರೆನ್ಸಿ ಸಂಬಂಧಿತ ಸೇವೆಗಳನ್ನು ಪುನಃಸ್ಥಾಪಿಸಲು ಅನುಮತಿ ನೀಡಿತು, ಕ್ರಿಪ್ಟೋಕರೆನ್ಸಿಗಳನ್ನು ಆರ್ಬಿಐ ನಿಷೇಧಿಸಿದೆ (“ಅನುಸರಣೆ” ಆಧಾರದ ಮೇಲೆ”).

‘ಕ್ರಿಪ್ಟೋಕರೆನ್ಸಿ’ ಎಂದರೇನು?

ಕ್ರಿಪ್ಟೋಕರೆನ್ಸಿಗಳು (Cryptocurrencies) ಒಂದು ರೀತಿಯ ಡಿಜಿಟಲ್ ಕರೆನ್ಸಿಯಾಗಿದ್ದು, ಇದನ್ನು ಕ್ರಿಪ್ಟೋಗ್ರಫಿ ನಿಯಮಗಳ ಆಧಾರದ ಮೇಲೆ ನಿರ್ವಹಿಸಲಾಗುತ್ತದೆ ಮತ್ತು ರಚಿಸಲಾಗುತ್ತದೆ. ಕ್ರಿಪ್ಟೋಗ್ರಫಿ ಎನ್ನುವುದು ಕೋಡಿಂಗ್ ಭಾಷೆಯನ್ನು ಪರಿಹರಿಸುವ ಕಲೆ. ಇದು ಎಲೆಕ್ಟ್ರಾನಿಕ್ ನಗದು ವ್ಯವಸ್ಥೆಯಾಗಿದ್ದು, ಇದರಲ್ಲಿ ಯಾವುದೇ ಹಣಕಾಸು ಸಂಸ್ಥೆ ಇಲ್ಲದೆ ಒಂದು ಪಕ್ಷವು ಇನ್ನೊಂದು ಪಕ್ಷಕ್ಕೆ ಆನ್‌ಲೈನ್ ಪಾವತಿ ಮಾಡುತ್ತದೆ. ಅಥವಾ

ಕ್ರಿಪ್ಟೋಕರೆನ್ಸಿ ಎನ್ನುವುದು ಸದ್ಯ ಚಲಾವಣೆಯಲ್ಲಿರುವ ಸ್ವತಂತ್ರ ಡಿಜಿಟಲ್ ದುಡ್ಡುಗಳಲ್ಲಿ ಒಂದಾಗಿದ್ದು, ಈ ದುಡ್ಡಿಗೆ ಯಾವುದೇ ದೇಶದ ಕೇಂದ್ರೀಯ ಬ್ಯಾಂಕ್ ನ ಖಾತರಿ ಇರುವುದಿಲ್ಲ. ಬಳಕೆದಾರರ ಸಮುದಾಯವೇ ಇದಕ್ಕೆ ಖಾತರಿ ನೀಡುತ್ತದೆ.ಸರಳವಾಗಿ ಹೇಳುವುದಾದರೆ ಇದು ಯಾವುದೇ ಸರ್ಕಾರದ ನಿಯಂತ್ರಣದಲ್ಲಿಲ್ಲದ ಪ್ರಪಂಚದ ಯಾವುದೇ ಭಾಗದಲ್ಲಿಯೂ ಚಲಾವಣೆ ಮಾಡಬಹುದಾದ ದುಡ್ಡು ಆಗಿದೆ.

ಉದಾಹರಣೆ: ಬಿಟ್‌ಕಾಯಿನ್, ಎಥೆರಿಯಮ್ (Ethereum) ಇತ್ಯಾದಿಗಳು.

ಕ್ರಿಪ್ಟೋಕರೆನ್ಸಿ ಬೇಡಿಕೆಗೆ ಕಾರಣಗಳು:

  1. ಕ್ರೆಡಿಟ್ / ಡೆಬಿಟ್ ಕಾರ್ಡ್ ಅಥವಾ ಬ್ಯಾಂಕುಗಳಂತಹ ಮೂರನೇ ವ್ಯಕ್ತಿಯ ಅಗತ್ಯವಿಲ್ಲದೆ ಎರಡು ಪಕ್ಷಗಳ ನಡುವೆ ಸುಲಭವಾಗಿ ಹಣದ ವರ್ಗಾವಣೆಯನ್ನು ಮಾಡಬಹುದು.
  2. ಇತರ ಆನ್‌ಲೈನ್ ವಹಿವಾಟುಗಳಿಗಿಂತ ಅಗ್ಗದ ಆಯ್ಕೆಯಾಗಿದೆ.
  3. ಪಾವತಿಗಳನ್ನು ಸುರಕ್ಷಿತ ಮತ್ತು ಖಾತರಿಪಡಿಸಲಾಗುತ್ತದೆ ಮತ್ತು ಅನಾಮಧೇಯತೆಯ ವಿಶಿಷ್ಟ ಸೌಲಭ್ಯವಿದೆ.
  4. ಆಧುನಿಕ ಕ್ರಿಪ್ಟೋಕರೆನ್ಸಿ ವ್ಯವಸ್ಥೆಗಳು ಬಳಕೆದಾರರ “ವ್ಯಾಲೆಟ್” ಅಥವಾ ಖಾತೆ ವಿಳಾಸದ ಆಯ್ಕೆಯನ್ನು ಹೊಂದಿವೆ, ಇದನ್ನು ಸಾರ್ವಜನಿಕ ಕೀ ಮತ್ತು ಪೈರೇಟ್ ಕೀಲಿಯಿಂದ ಮಾತ್ರ ತೆರೆಯಬಹುದಾಗಿದೆ.
  5. ಖಾಸಗಿ ಕೀಲಿಯು ವ್ಯಾಲೆಟ್ ಮಾಲೀಕರಿಗೆ ಮಾತ್ರ ತಿಳಿದಿರುತ್ತದೆ.
  6. ಹಣದ ವರ್ಗಾವಣೆಗೆ ಸಂಸ್ಕರಣಾ ಶುಲ್ಕಗಳು ಕಡಿಮೆ.

ಕ್ರಿಪ್ಟೋಕರೆನ್ಸಿಯ ಅನನುಕೂಲಗಳು:

  1. ಕ್ರಿಪ್ಟೋಕರೆನ್ಸಿ ವಹಿವಾಟಿನ ಬಹುತೇಕ ರಹಸ್ಯ ಸ್ವರೂಪದಿಂದಾಗಿ, ಇದು ಅಕ್ರಮ ಹಣದ ವರ್ಗಾವಣೆ, ತೆರಿಗೆ-ವಂಚನೆ ಮತ್ತು ಭಯೋತ್ಪಾದಕ-ಹಣಕಾಸು ಮುಂತಾದ ಕಾನೂನುಬಾಹಿರ ಚಟುವಟಿಕೆಗಳಿಗೆ ಸುಲಭವಾಗಿಸುತ್ತದೆ.
  2. ಇದರ ಅಡಿಯಲ್ಲಿ ಮಾಡಿದ ಪಾವತಿಗಳನ್ನು ಬದಲಾಯಿಸಲಾಗುವುದಿಲ್ಲ / ಹಿಂಪಡೆಯಲಾಗುವುದಿಲ್ಲ.
  3. ಕ್ರಿಪ್ಟೋಕರೆನ್ಸಿಯನ್ನು ಎಲ್ಲೆಡೆ ಸ್ವೀಕರಿಸಲಾಗುವುದಿಲ್ಲ ಮತ್ತು ಅದರ ಮೌಲ್ಯವು ಬೇರೆಡೆ ಸೀಮಿತವಾಗಿದೆ.
  4. ಈ ಬಿಟ್‌ಕಾಯಿನ್‌ನಂತಹ ಕ್ರಿಪ್ಟೋಕರೆನ್ಸಿಯು ಯಾವುದೇ ಭೌತಿಕ ವಸ್ತುವಿನೊಂದಿಗೆ ಸಂಬಂಧ ಹೊಂದಿಲ್ಲ ಎಂಬ ಕಳವಳವನ್ನು ವ್ಯಕ್ತಪಡಿಸಲಾಗಿದೆ, ಆದಾಗ್ಯೂ, ಕೆಲವು ಸಂಶೋಧನೆಗಳು ಹೆಚ್ಚಿನ ಪ್ರಮಾಣದ ಶಕ್ತಿಯ ಅಗತ್ಯವಿರುವ ಬಿಟ್‌ಕಾಯಿನ್‌ನ ಉತ್ಪಾದನಾ ವೆಚ್ಚವು ಅದರ ಮಾರುಕಟ್ಟೆ ಮೌಲ್ಯಕ್ಕೆ ನೇರವಾಗಿ ಸಂಬಂಧ ಹೊಂದಿದೆ ಎಂದು ಗುರುತಿಸಿದೆ.

 

ಸರ್ಕಾರದಿಂದ ಕ್ರಿಪ್ಟೋಕರೆನ್ಸಿಗಳನ್ನು ನಿಷೇಧಿಸಲು ಕಾರಣಗಳು:

  1. ಸಾರ್ವಭೌಮ ಗ್ಯಾರಂಟಿ(Sovereign guarantee): ಕ್ರಿಪ್ಟೋಕರೆನ್ಸಿಗಳು ಗ್ರಾಹಕರಿಗೆ ಅಪಾಯವನ್ನುಂಟುಮಾಡುತ್ತವೆ. ಅವರು ಯಾವುದೇ ಸಾರ್ವಭೌಮ ಗ್ಯಾರಂಟಿ ಹೊಂದಿಲ್ಲ ಮತ್ತು ಆದ್ದರಿಂದ ಅವುಗಳು ಕಾನೂನುಬದ್ಧವಲ್ಲ.
  2. ಮಾರುಕಟ್ಟೆ ಏರಿಳಿತ (Market volatility): ಕ್ರಿಪ್ಟೋಕರೆನ್ಸಿಗಳ ಊಹಿಸಬಹುದಾದ ಸ್ವಭಾವವು ಅವುಗಳನ್ನು ಹೆಚ್ಚು ಬಾಷ್ಪಶೀಲವಾಗಿಸುತ್ತದೆ. ಉದಾಹರಣೆಗೆ, ಬಿಟ್‌ಕಾಯಿನ್‌ನ ಮೌಲ್ಯವು ಡಿಸೆಂಬರ್ 2017 ರಲ್ಲಿ $ 20,000 ರಿಂದ ನವೆಂಬರ್ 2018 ರಲ್ಲಿ $ 3,800 ಕ್ಕೆ ಕುಸಿದಿದೆ.
  3. ಭದ್ರತಾ ಅಪಾಯ: ಬಳಕೆದಾರರು ತಮ್ಮ ಖಾಸಗಿ ಕೀಯನ್ನು ಕೆಲವು ರೀತಿಯಲ್ಲಿ ಕಳೆದುಕೊಂಡರೆ (ಸಾಂಪ್ರದಾಯಿಕ ಡಿಜಿಟಲ್ ಬ್ಯಾಂಕಿಂಗ್ ಖಾತೆಗಳಿಗಿಂತ ಭಿನ್ನವಾಗಿ, ಈ ಪಾಸ್‌ವರ್ಡ್ ಅನ್ನು ಮರುಹೊಂದಿಸಲು ಸಾಧ್ಯವಿಲ್ಲ) ಬಳಕೆದಾರರು ತಮ್ಮ ಕ್ರಿಪ್ಟೋ ಕರೆನ್ಸಿಗೆ ಪ್ರವೇಶವನ್ನು ಕಳೆದುಕೊಳ್ಳುತ್ತಾರೆ.
  4. ಮಾಲ್ವೇರ್ ಬೆದರಿಕೆಗಳು: ಕೆಲವು ಸಂದರ್ಭಗಳಲ್ಲಿ, ಈ ಖಾಸಗಿ ಕೀಲಿಗಳನ್ನು ತಾಂತ್ರಿಕ ಸೇವಾ ಪೂರೈಕೆದಾರರು (ಕ್ರಿಪ್ಟೋಕರೆನ್ಸಿ ಎಕ್ಸ್ಚೇಂಜ್ ಅಥವಾ ವ್ಯಾಲೆಟ್) ಸಂಗ್ರಹಿಸುತ್ತಾರೆ, ಅದು ಮಾಲ್ವೇರ್ ಅಥವಾ ಹ್ಯಾಕಿಂಗ್ ಗೆ ಗುರಿಯಾಗುತ್ತದೆ.
  5. ಮನಿ ಲಾಂಡರಿಂಗ್.

 


ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:


ಎಲ್ ಸಾಲ್ವಡಾರ್‌ನ ಬಿಟ್‌ಕಾಯಿನ್ ನಗರ:

ಬಿಟ್‌ಕಾಯಿನ್ ಅನ್ನು ಕಾನೂನುಬದ್ಧ ಟೆಂಡರ್ ಎಂದು ಗುರುತಿಸುವ ಏಕೈಕ ದೇಶ ಎಲ್ ಸಾಲ್ವಡಾರ್ ಆಗಿದ್ದು, ಅತಿದೊಡ್ಡ ಕ್ರಿಪ್ಟೋಕರೆನ್ಸಿ ಬಿಟ್‌ಕಾಯಿನ್ ಅನ್ನು ಆಧರಿಸಿ ಇಡೀ ನಗರವನ್ನು ನಿರ್ಮಿಸಲು ಯೋಜಿಸುತ್ತಿದೆ.

  1. ಎಲ್ ಸಾಲ್ವಡಾರ್‌ನ “ಬಿಟ್‌ಕಾಯಿನ್ ಸಿಟಿ” ಗೆ ಧನಸಹಾಯ ಮಾಡಲು $1 ಬಿಲಿಯನ್ ‘ಬಿಟ್‌ಕಾಯಿನ್ ಬಾಂಡ್‌ಗಳನ್ನು’ ನೀಡಲಾಗುವುದು.
  2. ಈ ನಗರವು, ‘ಕೊಂಚಗುವಾ ಜ್ವಾಲಾಮುಖಿ’ (Conchagua volcano) ಬಳಿ ‘ಗಲ್ಫ್ ಆಫ್ ಫೊನ್ಸೆಕಾ’ ದ (Gulf of Fonseca) ದಡದಲ್ಲಿದೆ.
  3. ಎಲ್ ಸಾಲ್ವಡಾರ್‌ನ ಟೆಕಾಪಾ ಜ್ವಾಲಾಮುಖಿಯ ಪಕ್ಕದಲ್ಲಿರುವ ಮತ್ತೊಂದು ಭೂಶಾಖದ ವಿದ್ಯುತ್ ಸ್ಥಾವರದಲ್ಲಿ ಪ್ರಾಯೋಗಿಕ ‘ಬಿಟ್‌ಕಾಯಿನ್ ಗಣಿಗಾರಿಕೆ ಕಾರ್ಯಕ್ರಮವು’ ಪೈಲೆಟ್ ಯೋಜನೆಯಾಗಿ ಈಗಾಗಲೇ ನಡೆಯುತ್ತಿದೆ.

current affairs

 

ತೈವಾನ್ ಜಲಸಂಧಿ:

  1. ತೈವಾನ್ ಜಲಸಂಧಿಯು (Taiwan Strait) 110 ಮೈಲಿ ಅಗಲದ ಸಾಗರ ಚಾನಲ್ ಆಗಿದ್ದು, ತೈವಾನ್ ದ್ವೀಪವನ್ನು ಚೀನಾದ ಮುಖ್ಯ ಭೂಭಾಗದಿಂದ ಬೇರ್ಪಡಿಸುತ್ತದೆ.
  2. ಫಾರ್ಮೋಸಾ ಜಲಸಂಧಿ (the Formosa Strait) ಎಂದೂ ಕರೆಯಲ್ಪಡುವ ತೈವಾನ್ ಜಲಸಂಧಿಯು (the Taiwan Strait) 180 ಕಿ.ಮೀ ಅಗಲದ ಜಲಸಂಧಿಯಾಗಿದ್ದು, ತೈವಾನ್ ಮತ್ತು ಚೀನಾದ ಮುಖ್ಯ ಭೂಭಾಗವನ್ನು ಪ್ರತ್ಯೇಕಿಸುತ್ತದೆ.
  3. ಈ ಜಲಸಂಧಿಯು ಪ್ರಸ್ತುತ ದಕ್ಷಿಣ ಚೀನಾ ಸಮುದ್ರದ ಒಂದು ಭಾಗವಾಗಿದೆ ಮತ್ತು ಉತ್ತರದಲ್ಲಿ ಪೂರ್ವ ಚೀನಾ ಸಮುದ್ರಕ್ಕೆ ಸಂಪರ್ಕ ಕಲ್ಪಿಸುತ್ತದೆ. ಇದರ ಕಿರಿದಾದ ಅಗಲ 130 ಕಿ.ಮೀ.
  4. ತೈವಾನ್ ಜಲಸಂಧಿಯು ಸಂಪೂರ್ಣವಾಗಿ ಏಷ್ಯಾದ ಖಂಡಾವರಣ ಪ್ರದೇಶ (Continental shelf) ದಲ್ಲಿದೆ.

 

‘ಭಾರತ ಗೌರವ’ ಯೋಜನೆ:

ಭಾರತದ ಪ್ರವಾಸೋದ್ಯಮದ ಅಗಾಧವಾದ ಸಾಮರ್ಥ್ಯವನ್ನು ಬಳಸಿಕೊಳ್ಳುವ ಸಲುವಾಗಿ, ರೈಲ್ವೇ ಸಚಿವರು ‘ಭಾರತ್ ಗೌರವ’ (Bharat Gaurav) ಯೋಜನೆಯನ್ನು ಘೋಷಿಸಿದ್ದಾರೆ, ಇದರ ಅಡಿಯಲ್ಲಿ ಖಾಸಗಿ ಅಥವಾ ಸರ್ಕಾರಿ ಸ್ವಾಮ್ಯದ ನಿರ್ವಾಹಕರು ‘ರಾಮಾಯಣ ಎಕ್ಸ್‌ಪ್ರೆಸ್’ ಮಾದರಿಯಲ್ಲಿ ‘ಥೀಮ್ ಆಧಾರಿತ ಪ್ರವಾಸಿ’ ‘ಸರ್ಕ್ಯೂಟ್ ರೈಲುಗಳನ್ನು’ ಓಡಿಸಬಹುದಾಗಿದೆ.

  1. ಸಿಖ್ ಸಂಸ್ಕೃತಿಯ ಪ್ರಮುಖ ಸ್ಥಳಗಳನ್ನು ಕವರ್ ಮಾಡಲು ಗುರು ಕೃಪಾ ರೈಲು, ಭಗವಾನ್ ಶ್ರೀರಾಮನಿಗೆ ಸಂಬಂಧಿಸಿದ ಸ್ಥಳಗಳಿಗೆ ರಾಮಾಯಣ ರೈಲು ಮುಂತಾದ ಥೀಮ್‌ಗಳು ಮತ್ತು ಸರ್ಕ್ಯೂಟ್‌ಗಳನ್ನು ನಿಗದಿಪಡಿಸಲು ಸೇವಾ ಪೂರೈಕೆದಾರರು ಮುಕ್ತರಾಗಿರುತ್ತಾರೆ.
  2. ಯಾವುದೇ ವ್ಯಕ್ತಿ, ಕಂಪನಿ, ಸಮಾಜ, ಟ್ರಸ್ಟ್, ಜಂಟಿ ಉದ್ಯಮ ಅಥವಾ ಸಂಘವು ಸೇವಾ ಪೂರೈಕೆದಾರರಾಗಿ ಭಾಗವಹಿಸಬಹುದು.

 


  • Join our Official Telegram Channel HERE for Motivation and Fast Updates
  • Subscribe to our YouTube Channel HERE to watch Motivational and New analysis videos

Leave a Comment