[Mission 2022] ದೈನಂದಿನ ಪ್ರಚಲಿತ ಘಟನೆಗಳು ದಿನಾಂಕ – 8ನೇ ಏಪ್ರಿಲ್ 2022 – INSIGHTSIAS

ಪರಿವಿಡಿ:

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

1. ದಿ ವೆಪನ್ಸ್ ಆಫ್ ಮಾಸ್ ಡಿಸ್ಟ್ರಕ್ಷನ್ ತಿದ್ದುಪಡಿ ಮಸೂದೆ, 2022.
2. ಅಣೆಕಟ್ಟು ಸುರಕ್ಷತಾ ಕಾಯಿದೆ.
3. ಸ್ಟ್ಯಾಂಡ್ ಅಪ್ ಇಂಡಿಯಾ ಯೋಜನೆ.
4. ಚುನಾವಣಾ ಬಾಂಡ್‌ಗಳು.
5. ಕೇಂದ್ರ ಟಿಬೆಟಿಯನ್ ಪರಿಹಾರ ಸಮಿತಿ (CTRC).
6. ಮಾನವ ಹಕ್ಕುಗಳ ಮಂಡಳಿ.

ಪ್ರಿಲಿಮ್ಸ್‌ಗೆ ಸಂಬಂಧಿಸಿದ ಸಂಗತಿಗಳು:

1. ಏಷ್ಯಾದ ಅತಿ ದೊಡ್ಡ ಕೊಳಚೆ ನೀರು ಸಂಸ್ಕರಣಾ ಘಟಕ.
2. ವಿಶ್ವ ಆರೋಗ್ಯ ದಿನ.
3. ಅಶ್ವಿನಿ ವೈಷ್ಣವ ಸಮಿತಿ
4. ಇಂಟರ್ನ್ಯಾಷನಲ್ ಎನರ್ಜಿ ಏಜೆನ್ಸಿ (IEA).

 

---

ಸಾಮಾನ್ಯ ಅಧ್ಯಯನ ಪತ್ರಿಕೆ 2:

---

 

ವಿಷಯಗಳು: ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಯ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಪ್ರಮುಖ ಸಮಸ್ಯೆಗಳು.

 

ದಿ ವೆಪನ್ಸ್ ಆಫ್ ಮಾಸ್ ಡಿಸ್ಟ್ರಕ್ಷನ್ ತಿದ್ದುಪಡಿ ಮಸೂದೆ, 2022:

(The Weapons of Mass Destruction Amendment Bill, 2022)

 

ಸಂದರ್ಭ:

ಇತ್ತೀಚೆಗೆ ಲೋಕಸಭೆಯಲ್ಲಿ ಈ ಮಸೂದೆಗೆ ಅಂಗೀಕಾರ ದೊರೆಯಿತು…

 

1. 2005 ರಲ್ಲಿ ಅಂಗೀಕರಿಸಲ್ಪಟ್ಟ ಸಾಮೂಹಿಕ ವಿನಾಶದ ಶಸ್ತ್ರಾಸ್ತ್ರಗಳು ಮತ್ತು ಅವುಗಳ ವಿತರಣಾ ವ್ಯವಸ್ಥೆಗಳ (ಕಾನೂನುಬಾಹಿರ ಚಟುವಟಿಕೆಗಳ ನಿಷೇಧ) ಕಾಯಿದೆಯು ಸಾಮೂಹಿಕ ವಿನಾಶದ ಶಸ್ತ್ರಾಸ್ತ್ರಗಳ ತಯಾರಿಕೆಯನ್ನು ಮಾತ್ರ ನಿಷೇಧಿಸಿತು. 
2. ಆದರೆ ಈ ತಿದ್ದುಪಡಿ ಮಸೂದೆಯು ತನ್ನ ವ್ಯಾಪ್ತಿಯನ್ನು ವಿಸ್ತರಿಸುವ ಗುರಿಯನ್ನು ಹೊಂದಿದೆ.

 

ಈ ತಿದ್ದುಪಡಿಯ ಅಗತ್ಯತೆ:

 

1. WMD ಗಳನ್ನು ಬೆಂಬಲಿಸುವ ಚಟುವಟಿಕೆಗಳ ಹಣಕಾಸಿನ ಬಿಟ್ ಮೇಲೆ ಕೇಂದ್ರೀಕರಿಸಲು. ಸಾಮೂಹಿಕ ವಿನಾಶದ ಆಯುಧಗಳಿಗೆ ಹಣಕಾಸು ನೀಡುವುದನ್ನು ನಿಷೇಧಿಸುವ ತುರ್ತು ಅಗತ್ಯವಿತ್ತು. ಆದರೆ ಈಗ ಅಸ್ತಿತ್ವದಲ್ಲಿರುವ ಶಾಸನವು ಈ ಅಂಶದ ಬಗ್ಗೆ ಮೌನವಾಗಿದೆ.
2. ಭಯೋತ್ಪಾದಕ ಚಟುವಟಿಕೆಗಳಿಗೆ ಹಣ ಒದಗಿಸುವುದರ ವಿರುದ್ಧ ಕ್ರಮ ಕೈಗೊಳ್ಳಲು ಸರ್ಕಾರಕ್ಕೆ ಹೆಚ್ಚಿನ ಅಧಿಕಾರಗಳನ್ನು ಒದಗಿಸುವುದು. ಪ್ರಸ್ತುತ ಮಸೂದೆಯು ಅಂತಹ ಹಣಕಾಸು ನೆರವನ್ನು ತಡೆಗಟ್ಟಲು ನಿಧಿಗಳು ಅಥವಾ ಇತರ ಹಣಕಾಸಿನ ಆಸ್ತಿಗಳು ಅಥವಾ ಆರ್ಥಿಕ ಸಂಪನ್ಮೂಲಗಳನ್ನು ಫ್ರೀಜ್ ಮಾಡಲು, ವಶಪಡಿಸಿಕೊಳ್ಳಲು ಅಥವಾ ಲಗತ್ತಿಸಲು ಸರ್ಕಾರಕ್ಕೆ ಅಧಿಕಾರ ನೀಡುತ್ತದೆ.

 

ಮಸೂದೆಯ ಮುಖ್ಯಾಂಶಗಳು:

1. ಕೆಲವು ಚಟುವಟಿಕೆಗಳಿಗೆ ಹಣಕಾಸು ನೆರವಿನ ನಿಷೇಧ: ಸಾಮೂಹಿಕ ವಿನಾಶದ ಆಯುಧಗಳು ಮತ್ತು ಅವುಗಳ ವಿತರಣಾ ವ್ಯವಸ್ಥೆಗಳಿಗೆ ಸಂಬಂಧಿಸಿದ ಯಾವುದೇ ನಿಷೇಧಿತ ಚಟುವಟಿಕೆಗಳಿಗೆ ಹಣಕಾಸು ಒದಗಿಸುವುದರಿಂದ ಈ  ಬಿಲ್ ನಿರ್ಬಂಧಿಸುತ್ತದೆ.
2. ಇದು ಕೇಂದ್ರ ಸರ್ಕಾರಕ್ಕೆ ಹೆಚ್ಚಿನ ಅಧಿಕಾರವನ್ನು ನೀಡುತ್ತದೆ: ವ್ಯಕ್ತಿಗಳು ಅಂತಹ ಚಟುವಟಿಕೆಗಳಿಗೆ ಹಣಕಾಸು ಒದಗಿಸುವುದನ್ನು ತಡೆಯಲು, ಕೇಂದ್ರ ಸರ್ಕಾರವು ಅವರ ನಿಧಿಗಳು, ಹಣಕಾಸಿನ ಆಸ್ತಿಗಳು ಅಥವಾ ಆರ್ಥಿಕ ಸಂಪನ್ಮೂಲಗಳನ್ನು ಸ್ಥಗಿತಗೊಳಿಸಬಹುದು, ವಶಪಡಿಸಿಕೊಳ್ಳಬಹುದು ಅಥವಾ ಲಗತ್ತಿಸಬಹುದು.
3. ನಿಷೇಧಿಸಲಾದ ಯಾವುದೇ ಚಟುವಟಿಕೆಗೆ ಸಂಬಂಧಿಸಿದಂತೆ ಇತರ ವ್ಯಕ್ತಿಗಳ ಪ್ರಯೋಜನಕ್ಕಾಗಿ ಹಣಕಾಸು ಅಥವಾ ಸಂಬಂಧಿತ ಸೇವೆಗಳನ್ನು ಲಭ್ಯವಾಗುವಂತೆ ಮಾಡುವುದನ್ನು ಇದು ನಿಷೇಧಿಸಬಹುದು. 

 

ಸಾಮೂಹಿಕ ವಿನಾಶದ ಆಯುಧಗಳು ಯಾವುವು?

ಇವುಗಳು, ಬೃಹತ್ ಪ್ರಮಾಣದಲ್ಲಿ ಸಾವು ಮತ್ತು ವಿನಾಶವನ್ನು ಉಂಟುಮಾಡುವಂತಹ ಸಾಮರ್ಥ್ಯವನ್ನು ಹೊಂದಿರುವ ಆಯುಧಗಳಾಗಿವೆ ಮತ್ತು ಇವುಗಳನ್ನು ವಿವೇಚನಾರಹಿತವಾಗಿ ಬಳಸುವ ಉಗ್ರರ ಕೈಯಲ್ಲಿ ಅವುಗಳ ಉಪಸ್ಥಿತಿಯನ್ನು ಘೋರ ಬೆದರಿಕೆ ಎಂದು ಪರಿಗಣಿಸಬಹುದಾಗಿದೆ.

1. ಭಾರತದ 2005 ರ WMD ಕಾಯಿದೆಯು ಸಾಮೂಹಿಕ ವಿನಾಶದ ಶಸ್ತ್ರಾಸ್ತ್ರಗಳನ್ನು ಜೈವಿಕ, ರಾಸಾಯನಿಕ ಅಥವಾ ಪರಮಾಣು ಶಸ್ತ್ರಾಸ್ತ್ರಗಳೆಂದು ವ್ಯಾಖ್ಯಾನಿಸುತ್ತದೆ.
2. USA ನಲ್ಲಿ, WMD ಪರಮಾಣು, ವಿಕಿರಣಶಾಸ್ತ್ರ, ರಾಸಾಯನಿಕ, ಜೈವಿಕ ಅಥವಾ ಇತರ ಸಾಧನವನ್ನು ಒಳಗೊಂಡಿರುತ್ತದೆ, ಇದು ಹೆಚ್ಚಿನ ಸಂಖ್ಯೆಯ ಜನರಿಗೆ ಹಾನಿ ಮಾಡುವ ಉದ್ದೇಶವನ್ನು ಹೊಂದಿರುತ್ತದೆ. 

 

WMDಗಳಿಗೆ ಸಂಬಂಧಿಸಿದಂತೆ ಅಂತರರಾಷ್ಟ್ರೀಯ ಆಡಳಿತ ವ್ಯವಸ್ಥೆಯಲ್ಲಿ ಭಾರತದ ಸ್ಥಾನ:

 

ಭಾರತವು ಈ ಕೆಳಗಿನ ಎರಡೂ ಸಮಾವೇಶಕ್ಕೂ ಸಹಿ ಹಾಕಿದೆ ಮತ್ತು ಅನುಮೋದಿಸಿದೆ:

 

1. ಜೈವಿಕ ಶಸ್ತ್ರಾಸ್ತ್ರಗಳ ಸಮಾವೇಶ, 1972.
2. ರಾಸಾಯನಿಕ ಶಸ್ತ್ರಾಸ್ತ್ರಗಳ ಸಮಾವೇಶ, 1992.

 

ಆದಾಗ್ಯೂ, ಪರಮಾಣು ಶಸ್ತ್ರಾಸ್ತ್ರಗಳ ಬಳಕೆ ಮತ್ತು ಪ್ರಸರಣವನ್ನು ನಿಯಂತ್ರಿಸುವ ಒಪ್ಪಂದಗಳಿಗೆ ಭಾರತವು ಸಹಿ ಹಾಕಿಲ್ಲ (ಇದರಲ್ಲಿ NPT ಮತ್ತು CTBT ಒಪ್ಪಂದಗಳು ಸೇರಿವೆ).

 

ವಿಷಯಗಳು: ಸರ್ಕಾರದ ನೀತಿಗಳು ಮತ್ತು ವಿವಿಧ ಕ್ಷೇತ್ರಗಳಲ್ಲಿನ ಅಭಿವೃದ್ಧಿಯ ಅಡಚಣೆಗಳು ಮತ್ತು ಅವುಗಳ ವಿನ್ಯಾಸ ಮತ್ತು ಅನುಷ್ಠಾನದಿಂದ ಉಂಟಾಗುವ ಸಮಸ್ಯೆಗಳು.

 

ಅಣೆಕಟ್ಟು ಸುರಕ್ಷತಾ ಕಾಯ್ದೆ:

(Dam Safety Act)

 

ಸಂದರ್ಭ:

ಮುಲ್ಲಪೆರಿಯಾರ್ ಅಣೆಕಟ್ಟಿನ ಕುರಿತು ತಮಿಳುನಾಡು ಮತ್ತು ಕೇರಳದ ನಡುವಿನ “ಸಾರ್ವಕಾಲಿಕ” ಕಾನೂನು ಹೋರಾಟವನ್ನು ಕೊನೆಗೊಳಿಸಲು 2021 ರ ಅಣೆಕಟ್ಟು ಸುರಕ್ಷತಾ ಕಾಯಿದೆಯಲ್ಲಿ ಸುಪ್ರೀಂ ಕೋರ್ಟ್ ಒಂದು ಪರಿಹಾರವನ್ನು ಕಂಡುಕೊಂಡಿದೆ.

 

ಸಮಸ್ಯೆ ಏನು?

1. ಮುಲ್ಲಪೆರಿಯಾರ್ ಅಣೆಕಟ್ಟಿನ ಸುರಕ್ಷತೆ, ಕಾರ್ಯಾಚರಣೆ ಮತ್ತು ನಿರ್ವಹಣೆಗೆ ಸಂಬಂಧಿಸಿದಂತೆ ಕೇರಳ ಮತ್ತು ತಮಿಳುನಾಡು ಪರಸ್ಪರ ಆರೋಪ ಪ್ರತ್ಯಾರೋಪಗಳನ್ನು  ಮಾಡುತ್ತಿವೆ.
2. 126 ವರ್ಷಗಳಷ್ಟು ಹಳೆಯದಾದ ಅಣೆಕಟ್ಟು ಅಸುರಕ್ಷಿತವಾಗಿದೆ, ಕಳಪೆಯಾಗಿ ನಿರ್ವಹಿಸಲ್ಪಟ್ಟಿದೆ ಮತ್ತು ಕೆಳಭಾಗದಲ್ಲಿ ವಾಸಿಸುವ ಸಾವಿರಾರು ಜನರಿಗೆ ಅಪಾಯಕಾರಿಯಾಗಿದೆ ಎಂದು ಕೇರಳ ಹೇಳಿದರೆ, ತಮಿಳುನಾಡು ಈ ಆರೋಪಗಳನ್ನು ನಿರಾಕರಿಸುತ್ತದೆ.
3. ಕೇರಳವು ಈಗಿರುವ ಅಣೆಕಟ್ಟಿನ ಸ್ಥಳದಲ್ಲಿ ಹೊಸ ಅಣೆಕಟ್ಟು ನಿರ್ಮಿಸಲು ಯೋಜಿಸುತ್ತಿದೆ, ಆದರೆ ಜಲಾಶಯವನ್ನು ನೋಡಿಕೊಳ್ಳುವ ಮತ್ತು ನಿರ್ವಹಿಸುವ ತಮಿಳುನಾಡು, ಅಣೆಕಟ್ಟು ಉತ್ತಮವಾಗಿ ಸಂರಕ್ಷಿಸಲ್ಪಟ್ಟಿದೆ ಮತ್ತು ನೀರು ಸಂಗ್ರಹದ ಗರಿಷ್ಠ ಮಟ್ಟವನ್ನು 152 ಅಡಿಗಳಿಗೆ ಹೆಚ್ಚಿಸಬಹುದು ಎಂದು ವಾದಿಸುತ್ತದೆ.

 

ಅಣೆಕಟ್ಟು ಸುರಕ್ಷತಾ ಕಾಯಿದೆ ಮತ್ತು ಮುಲ್ಲಪೆರಿಯಾರ್ ಅಣೆಕಟ್ಟಿನ ನಡುವಿನ ಸಹ ಸಂಬಂಧ:

1. ಈ ಕಾಯಿದೆಯ ಪ್ರಕಾರ, NDSA ಯು ಒಂದು ರಾಜ್ಯದಲ್ಲಿ ನೆಲೆಗೊಂಡಿರುವ ಮತ್ತು ಇನ್ನೊಂದು ರಾಜ್ಯದಿಂದ ಬಳಕೆಯಾಗುವ ಅಣೆಕಟ್ಟೆಯನ್ನು ನಿಯಂತ್ರಿಸುವ ರಾಜ್ಯ ಅಣೆಕಟ್ಟು ಸುರಕ್ಷತಾ ಸಂಸ್ಥೆಯ ಪಾತ್ರವನ್ನು ನಿರ್ವಹಿಸುತ್ತದೆ.ಆದ್ದರಿಂದ, ಮುಲ್ಲಪೆರಿಯಾರ್ ಅಣೆಕಟ್ಟು NDSA ವ್ಯಾಪ್ತಿಗೆ ಬರುತ್ತದೆ.
2. NDSA ಯು ಮೇಲ್ವಿಚಾರಣಾ ಸಮಿತಿಯ ಕಾರ್ಯಗಳನ್ನು ನಿರ್ವಹಿಸಬಹುದು ಎಂದು ಕೇಂದ್ರ ಸರ್ಕಾರವು ನ್ಯಾಯಾಲಯಕ್ಕೆ ತಿಳಿಸುವ ಎಲ್ಲಾ ಸಾಧ್ಯತೆಗಳಿವೆ ಎಂದು ತಜ್ಞರು ನಂಬುತ್ತಾರೆ.

 

ಅಣೆಕಟ್ಟು ಸುರಕ್ಷತಾ ಕಾಯ್ದೆ 2021ರ ಪ್ರಮುಖ ಅಂಶಗಳು:

 

1. ‘ಅಣೆಕಟ್ಟು ಸುರಕ್ಷತಾ ಮಸೂದೆ’ಯು ದೇಶದ ಎಲ್ಲಾ ಪ್ರಮುಖ ಅಣೆಕಟ್ಟುಗಳ ಮೇಲ್ವಿಚಾರಣೆ, ತಪಾಸಣೆ, ಕಾರ್ಯಾಚರಣೆ ಮತ್ತು ನಿರ್ವಹಣೆಗೆ ಸಾಕಷ್ಟು ಸೌಲಭ್ಯಗಳನ್ನು ಒದಗಿಸುತ್ತದೆ, ಇದರಿಂದಾಗಿ ಅಣೆಕಟ್ಟು ವೈಫಲ್ಯದ ಸಂದರ್ಭದಲ್ಲಿ ಉಂಟಾಗುವ ಅನಾಹುತವನ್ನು ತಡೆಯುತ್ತದೆ.
2. ಅಣೆಕಟ್ಟುಗಳ ಸುರಕ್ಷಿತ ಕಾರ್ಯಾಚರಣೆಯನ್ನು ಖಚಿತಪಡಿಸಿಕೊಳ್ಳಲು ಅಗತ್ಯವಾದ ರಚನಾತ್ಮಕ ಮತ್ತು ರಚನಾತ್ಮಕವಲ್ಲದ ಕ್ರಮಗಳ ಕಡೆಗೆ ಕೇಂದ್ರ ಮತ್ತು ರಾಜ್ಯ ಮಟ್ಟದಲ್ಲಿ ಸಾಂಸ್ಥಿಕ ಕಾರ್ಯವಿಧಾನವನ್ನು ಈ ಮಸೂದೆಯು ಒದಗಿಸುತ್ತದೆ.
3. ಮಸೂದೆಯ ನಿಬಂಧನೆಯ ಪ್ರಕಾರ, ಏಕರೂಪದ ಅಣೆಕಟ್ಟು ಸುರಕ್ಷತೆ ನೀತಿಗಳು, ಪ್ರೋಟೋಕಾಲ್‌ / ಮಾರ್ಗಸೂಚಿಗಳು ಮತ್ತು ಕಾರ್ಯವಿಧಾನಗಳನ್ನು ಹಾಗೂ ಮಾನದಂಡಗಳನ್ನು ಅಭಿವೃದ್ಧಿಪಡಿಸಲು ಸಹಾಯ ಮಾಡಲು ‘ಅಣೆಕಟ್ಟು ಸುರಕ್ಷತೆಯ ರಾಷ್ಟ್ರೀಯ ಸಮಿತಿ’ (NCDS) ಯನ್ನು ರಚಿಸಲಾಗುತ್ತದೆ.
4. ಅಣೆಕಟ್ಟು ಸುರಕ್ಷತಾ ನೀತಿಗಳು ಮತ್ತು ಮಾನದಂಡಗಳ ರಾಷ್ಟ್ರವ್ಯಾಪಿ ಅನುಷ್ಠಾನವನ್ನು ಖಚಿತಪಡಿಸಿಕೊಳ್ಳಲು ನಿಯಂತ್ರಕ ಸಂಸ್ಥೆಯಾಗಿ ‘ರಾಷ್ಟ್ರೀಯ ಅಣೆಕಟ್ಟು ಸುರಕ್ಷತಾ ಪ್ರಾಧಿಕಾರ’ (NDSA) ಅನ್ನು ಸ್ಥಾಪಿಸಲು ಮಸೂದೆಯು ಒದಗಿಸುತ್ತದೆ.
5. ಈ ಮಸೂದೆಯು ರಾಜ್ಯ ಮಟ್ಟದಲ್ಲಿ ‘ರಾಜ್ಯ ಅಣೆಕಟ್ಟು ಸುರಕ್ಷತೆಯ ಸಮಿತಿ’ (SCDS) ಮತ್ತು ರಾಜ್ಯ ಅಣೆಕಟ್ಟು ಸುರಕ್ಷತಾ ಸಂಸ್ಥೆಗಳನ್ನು ಸ್ಥಾಪಿಸಲು ಅವಕಾಶವನ್ನು ಒದಗಿಸುತ್ತದೆ.

 

ಪ್ರಾಮುಖ್ಯತೆ:

1. ಅಣೆಕಟ್ಟು ಸುರಕ್ಷತಾ ಮಸೂದೆಯು ಭಾರತದ ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಏಕರೂಪದ ಅಣೆಕಟ್ಟು ಸುರಕ್ಷತಾ ಕಾರ್ಯವಿಧಾನಗಳನ್ನು ಅಳವಡಿಸಿಕೊಳ್ಳಲು ಸಹಾಯ ಮಾಡುತ್ತದೆ, ಇದು ಅಣೆಕಟ್ಟುಗಳ ಸುರಕ್ಷತೆ ಮತ್ತು ಅಂತಹ ಅಣೆಕಟ್ಟುಗಳ ಪ್ರಯೋಜನಗಳನ್ನು ಖಚಿತಪಡಿಸುತ್ತದೆ. ಇದರಿಂದ ಮಾನವ ಜೀವ, ಜಾನುವಾರು, ಆಸ್ತಿ ರಕ್ಷಣೆಗೂ ಸಹ ಸಹಕಾರಿಯಾಗಲಿದೆ.
2. ಅಣೆಕಟ್ಟುಗಳ ನಿಯಮಿತ ತಪಾಸಣೆ, ತುರ್ತು ಕ್ರಿಯಾ ಯೋಜನೆ, ಸಮಗ್ರ ಅಣೆಕಟ್ಟು ಸುರಕ್ಷತೆ ಪರಿಶೀಲನೆ, ಅಣೆಕಟ್ಟು ಸುರಕ್ಷತೆ, ಉಪಕರಣಗಳು ಮತ್ತು ಸಾಕಷ್ಟು ದುರಸ್ತಿ ಮತ್ತು ನಿರ್ವಹಣೆ ನಿಧಿಗಳು, ಉಪಕರಣಗಳು ಮತ್ತು ಸುರಕ್ಷತಾ ಕೈಪಿಡಿಗಳು ಸೇರಿದಂತೆ ಅಣೆಕಟ್ಟು ಸುರಕ್ಷತೆಗೆ ಸಂಬಂಧಿಸಿದ ಎಲ್ಲಾ ವಿಷಯಗಳ ಮೇಲೆ ಅಣೆಕಟ್ಟು ಸುರಕ್ಷತೆಗಾಗಿ ಮಸೂದೆಯಲ್ಲಿ ನಿಬಂಧನೆಗಳನ್ನು ಮಾಡಲಾಗಿದೆ.
3. ಮಸೂದೆಯು ಅಣೆಕಟ್ಟಿನ ಮಾಲೀಕರ ಮೇಲೆ ‘ಅಣೆಕಟ್ಟು ಸುರಕ್ಷತೆ’ಯ ಜವಾಬ್ದಾರಿಯನ್ನು ಹೊರಿಸುತ್ತದೆ ಮತ್ತು ಕೆಲವು ಕಾರ್ಯಗಳನ್ನು ಮಾಡಲು ಮತ್ತು ಮಾಡಲಾದ ಯಾವುದೇ ಲೋಪಕ್ಕಾಗಿ ದಂಡದ ನಿಬಂಧನೆಗಳನ್ನು ಸಹ ಒದಗಿಸುತ್ತದೆ.

 

ಅವಶ್ಯಕತೆ:

1. ಕಳೆದ ಐವತ್ತು ವರ್ಷಗಳಲ್ಲಿ, ಭಾರತದಲ್ಲಿ ಅಣೆಕಟ್ಟುಗಳು ಮತ್ತು ಸಂಬಂಧಿತ ಮೂಲಸೌಕರ್ಯಗಳಲ್ಲಿ ಗಣನೀಯ ಹೂಡಿಕೆಯನ್ನು ಮಾಡಲಾಗಿದೆ ಮತ್ತು ಭಾರತವು ಪ್ರಸ್ತುತ ಯುನೈಟೆಡ್ ಸ್ಟೇಟ್ಸ್ ಮತ್ತು ಚೀನಾದ ನಂತರ ದೊಡ್ಡ ಅಣೆಕಟ್ಟುಗಳ ಸಂಖ್ಯೆಯಲ್ಲಿ ಮೂರನೇ ಸ್ಥಾನದಲ್ಲಿದೆ. ಪ್ರಸ್ತುತ, ದೇಶದಲ್ಲಿ 5254 ಪ್ರಮುಖ ಅಣೆಕಟ್ಟುಗಳು ಕಾರ್ಯನಿರ್ವಹಿಸುತ್ತಿವೆ ಮತ್ತು 447 ಇತರ ಪ್ರಮುಖ ಅಣೆಕಟ್ಟುಗಳು ನಿರ್ಮಾಣ ಹಂತದಲ್ಲಿವೆ.
2. ಇದಲ್ಲದೆ, ದೇಶದಲ್ಲಿ ಸಾವಿರಾರು ಮಧ್ಯಮ ಮತ್ತು ಸಣ್ಣ ಅಣೆಕಟ್ಟುಗಳಿವೆ.
3. ಭಾರತದಲ್ಲಿ ಕ್ಷಿಪ್ರ ಮತ್ತು ಸುಸ್ಥಿರ ಕೃಷಿ ಬೆಳವಣಿಗೆ ಮತ್ತು ಅಭಿವೃದ್ಧಿಯನ್ನು ಉತ್ತೇಜಿಸುವಲ್ಲಿ ಅಣೆಕಟ್ಟುಗಳು ಪ್ರಮುಖ ಪಾತ್ರವನ್ನುವಹಿಸಿವೆಯಾದರೂ, ಅಣೆಕಟ್ಟು ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಏಕರೂಪದ ಶಾಸನ ಮತ್ತು ಆಡಳಿತಾತ್ಮಕ ಚೌಕಟ್ಟಿನ ಅಗತ್ಯವು ಬಹಳ ಹಿಂದಿನಿಂದಲೂ ಇದೆ.
4. ಕೇಂದ್ರ ಜಲ ಆಯೋಗವು ‘ರಾಷ್ಟ್ರೀಯ ಅಣೆಕಟ್ಟು ಸುರಕ್ಷತಾ ಸಮಿತಿ’ (NCDS), ಕೇಂದ್ರ ಅಣೆಕಟ್ಟು ಸುರಕ್ಷತಾ ಸಂಸ್ಥೆ (CDSO) ಮತ್ತು ರಾಜ್ಯ ಅಣೆಕಟ್ಟು ಸುರಕ್ಷತಾ ಸಂಸ್ಥೆ (SDSO)ಗಳ ಮೂಲಕ ಈ ನಿಟ್ಟಿನಲ್ಲಿ ನಿರಂತರ ಪ್ರಯತ್ನಗಳನ್ನು ಮಾಡುತ್ತಿದೆ, ಆದರೆ ಈ ಸಂಸ್ಥೆಗಳಿಗೆ ಯಾವುದೇ ಶಾಸನಬದ್ಧ ಅಧಿಕಾರವಿಲ್ಲ ಮತ್ತು ಕೇವಲ ಸಲಹಾತ್ಮಕ ಸ್ವರೂಪದಲ್ಲಿವೆ. 
5. ಭಾರತದಲ್ಲಿ, ಸುಮಾರು 75 ಪ್ರತಿಶತದಷ್ಟು ಪ್ರಮುಖ ಅಣೆಕಟ್ಟುಗಳು 25 ವರ್ಷಗಳಿಗಿಂತ ಹೆಚ್ಚು ಹಳೆಯವು ಮತ್ತು ಸುಮಾರು 164 ಅಣೆಕಟ್ಟುಗಳು 100 ವರ್ಷಗಳಿಗಿಂತ ಹಳೆಯವು, ಆದ್ದರಿಂದ ಇದು ಕಳವಳಕಾರಿ ವಿಷಯವಾಗಿದೆ.
6. ಕಳಪೆ ನಿರ್ವಹಣೆ, ಅಸುರಕ್ಷಿತ ಅಣೆಕಟ್ಟುಗಳು ಮಾನವ ಜೀವನ, ಸಸ್ಯ ಮತ್ತು ಪ್ರಾಣಿ, ಸಾರ್ವಜನಿಕ ಮತ್ತು ಖಾಸಗಿ ಆಸ್ತಿ ಮತ್ತು ಪರಿಸರಕ್ಕೆ ಅಪಾಯವನ್ನುಂಟುಮಾಡುತ್ತವೆ.
7. ಈ ಹಿಂದೆ ಭಾರತದ 42 ಆಣೆಕಟ್ಟುಗಳು ವೈಫಲ್ಯತೆಯನ್ನು ಅನುಭವಿಸಿವೆ.

 

ಸಂಬಂಧಿತ ಕಾಳಜಿಗಳು:

1. ಈ ಕಾಯ್ದೆಯು ಅಣೆಕಟ್ಟುಗಳ ‘ಕಾರ್ಯಾಚರಣೆ ಸುರಕ್ಷತೆ’ಗಿಂತ ‘ರಚನಾತ್ಮಕ ಸುರಕ್ಷತೆ’ಗೆ ಹೆಚ್ಚಿನ ಗಮನವನ್ನು ನೀಡಿದೆ.
2. ಅಣೆಕಟ್ಟುಗಳಿಂದ ಸಂತ್ರಸ್ತರಾದ ಜನರಿಗೆ ಸಮರ್ಪಕ ಪರಿಹಾರವನ್ನು ನೀಡಲಾಗುತ್ತದೆ.
3. ಈ ಮಸೂದೆಯಲ್ಲಿ ಮಧ್ಯಸ್ಥಗಾರರ ನಿಖರವಾದ ವ್ಯಾಖ್ಯಾನಗಳೊಂದಿಗೆ ‘ಸ್ವತಂತ್ರ ನಿಯಂತ್ರಕ’ವನ್ನು ಒದಗಿಸುವ ಅಗತ್ಯವಿದೆ.
4. ಅನೇಕ ರಾಜ್ಯಗಳು ಇದು ತಮ್ಮ ಅಣೆಕಟ್ಟುಗಳ ನಿರ್ವಹಣೆಗೆ ಸಂಬಂಧಿಸಿದಂತೆ ರಾಜ್ಯಗಳ ಸಾರ್ವಭೌಮತ್ವವನ್ನು ಉಲ್ಲಂಘಿಸುತ್ತದೆ ಮತ್ತು ಸಂವಿಧಾನದಲ್ಲಿ ಪ್ರತಿಪಾದಿಸಲಾದ ಫೆಡರಲಿಸಂನ ಅಥವಾ ಸಂಯುಕ್ತ ವ್ಯವಸ್ಥೆಯ ತತ್ವಗಳನ್ನು ಉಲ್ಲಂಘಿಸುತ್ತದೆ ಎಂದು ಹೇಳುತ್ತವೆ.ಈ ರಾಜ್ಯಗಳು ಇದನ್ನು ಭದ್ರತೆಗೆ ಸಂಬಂಧಿಸಿದ ಕಾಳಜಿಗಳ ನೆಪದಲ್ಲಿ ಅಧಿಕಾರವನ್ನು ಕ್ರೋಢೀಕರಿಸುವ ಕೇಂದ್ರದ ಪ್ರಯತ್ನವಾಗಿ ನೋಡುತ್ತವೆ.

 

ವಿಷಯಗಳು: ಕೇಂದ್ರ ಮತ್ತು ರಾಜ್ಯಗಳಿಂದ  ದುರ್ಬಲ ವರ್ಗದ ಜನಸಮುದಾಯದವರಿಗೆ ಇರುವ ಕಲ್ಯಾಣ ಯೋಜನೆಗಳು ಮತ್ತು ಈ ಯೋಜನೆಗಳ ಕಾರ್ಯಕ್ಷಮತೆ.

 

ಸ್ಟ್ಯಾಂಡ್ ಅಪ್ ಇಂಡಿಯಾ ಯೋಜನೆ:

(Stand Up India Scheme)

 

ಸಂದರ್ಭ:

5ನೇ ಏಪ್ರಿಲ್ 2016 ರಂದು, ಸ್ಟ್ಯಾಂಡ್-ಅಪ್ ಇಂಡಿಯಾ ಯೋಜನೆಯನ್ನು ಭಾರತ ಸರ್ಕಾರವು ಪ್ರಾರಂಭಿಸಿತ್ತು. ಈ ಯೋಜನೆ ಆರಂಭವಾಗಿ ಈಗ ಅಂದರೆ 5ನೇ ಏಪ್ರಿಲ್ 2022 ರಂದು, ಆರು ವರ್ಷಗಳು ಪೂರ್ಣವಾಗಿವೆ.

 

ಈ ಯೋಜನೆಯ ಸಾಧನೆಗಳು:

1. ಈ ಯೋಜನೆಯಡಿಯಲ್ಲಿ 1.33 ಲಕ್ಷ ಹೊಸ ಉದ್ಯೋಗ ಸೃಷ್ಟಿಕರ್ತರು ಮತ್ತು ಉದ್ಯಮಿಗಳಿಗೆ ಅನುಕೂಲ ಕಲ್ಪಿಸಲಾಗಿದೆ.
2. ಕಳೆದ ಆರು ವರ್ಷಗಳಲ್ಲಿ 1 ಲಕ್ಷಕ್ಕೂ ಹೆಚ್ಚು ಮಹಿಳಾ ಉದ್ಯಮಿಗಳು ಈ ಯೋಜನೆಯಡಿ ಪ್ರಯೋಜನ ಪಡೆದಿದ್ದಾರೆ.
3. ಈ ಯೋಜನೆಯಡಿ ರೂ. 2022 ರ ಮಾರ್ಚ್ 21 ರವರೆಗೆ ಒಟ್ಟು 1,33,995 ಖಾತೆಗಳಿಗೆ 30,160 ಕೋಟಿಗಳನ್ನು ಸರ್ಕಾರವು ಮಂಜೂರು ಮಾಡಿದೆ.
4. ಒಟ್ಟು ಮಂಜೂರಾದ ಖಾತೆಗಳ ಪೈಕಿ 6,435 ಖಾತೆಗಳು ಎಸ್ಟಿ ಸಾಲಗಾರರಿಗೆ ಸೇರಿದ್ದು, 1373.71 ಕೋಟಿ ಮಂಜೂರಾಗಿದ್ದು, 19,310 ಖಾತೆಗಳು ಎಸ್ಸಿ ಸಾಲಗಾರರಿಗೆ ಸೇರಿದ್ದು, 3976.84 ಕೋಟಿ ರೂ. ಗಳನ್ನು ಮಂಜೂರು ಮಾಡಲಾಗಿದೆ.
5. ಖಾತೆಗಳನ್ನು ಹೊಂದಿರುವ 1,08,250 ಮಹಿಳಾ ಉದ್ಯಮಿಗಳಿಗೆ ರೂ. 24809.89 ಕೋಟಿ ರೂ. ಗಳನ್ನು ಮಂಜೂರು ಮಾಡಲಾಗಿದೆ.

 

‘ಸ್ಟ್ಯಾಂಡ್ ಅಪ್ ಇಂಡಿಯಾ’ ಯೋಜನೆಯ ಬಗ್ಗೆ:

 

1. ಆರ್ಥಿಕ ಸಬಲೀಕರಣ ಮತ್ತು ಉದ್ಯೋಗ ಸೃಷ್ಟಿಯ ಮೂಲಕ ತಳಮಟ್ಟದಲ್ಲಿ ಉದ್ಯಮಶೀಲತೆಯನ್ನು ಉತ್ತೇಜಿಸಲು ‘ಸ್ಟ್ಯಾಂಡ್ ಅಪ್ ಇಂಡಿಯಾ’ ಯೋಜನೆಯನ್ನು 2016 ರ ಏಪ್ರಿಲ್ 5ರಂದು ರಂದು ಪ್ರಾರಂಭಿಸಲಾಯಿತು.
2. ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಮತ್ತು ಮಹಿಳಾ ಉದ್ಯಮಿಗಳಂತಹ ಸೀಮಿತ ಸೇವಾ ಪ್ರಯೋಜನಗಳನ್ನು ಪಡೆಯುವವರಿಗೆ ಸಾಂಸ್ಥಿಕ ಸಾಲ ರಚನೆಗಳ ಪ್ರಯೋಜನವನ್ನು ವಿಸ್ತರಿಸುವುದು ಯೋಜನೆಯ ಉದ್ದೇಶವಾಗಿದೆ.
3. ಕನಿಷ್ಠ ಪಕ್ಷ ಓರ್ವ ಪರಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಮತ್ತು ಮಹಿಳಾ ಸಾಲಗಾರರಿಗೆ ಹೊಸ (Greenfield) ಉದ್ಯಮವನ್ನು ಸ್ಥಾಪಿಸಲು ಪ್ರತಿ ಬ್ಯಾಂಕ್ ಶಾಖೆಗೆ 10 ಲಕ್ಷದಿಂದ 1 ಕೋಟಿ ರೂಪಾಯಿಗಳವರೆಗೆ ಬ್ಯಾಂಕ್ ಸಾಲ ನೀಡುವುದು ಈ ಯೋಜನೆಯ ಉದ್ದೇಶ ವಾಗಿದೆ.
4. ಇದರ ಅಡಿಯಲ್ಲಿ, SIDBI ಮತ್ತು NABARD ಕಚೇರಿಗಳನ್ನು ಸ್ಟ್ಯಾಂಡ್ ಅಪ್ ಇಂಡಿಯಾ ಸಂಪರ್ಕ ಕೇಂದ್ರಗಳು (Stand-Up Connect Centres -SUCC)ಎಂದು ಹೆಸರಿಸಲಾಗುವುದು.

 

ಈ ಯೋಜನೆಯ ಉದ್ದೇಶ:

ಉತ್ಪಾದನೆ, ಸೇವೆ ಅಥವಾ ವ್ಯಾಪಾರ ವಲಯದಲ್ಲಿ ಗ್ರೀನ್ ಫೀಲ್ಡ್ ಉದ್ಯಮಗಳನ್ನು ಸ್ಥಾಪಿಸಲು ಶೆಡ್ಯೂಲ್ಡ್ ವಾಣಿಜ್ಯ ಬ್ಯಾಂಕ್‌ಗಳ (SCBs) ಪ್ರತಿ ಬ್ಯಾಂಕ್ ಶಾಖೆಯಿಂದ ಕನಿಷ್ಠ ಒಬ್ಬ SC ಅಥವಾ ST ಸಾಲಗಾರ ಮತ್ತು ಒಬ್ಬ ಮಹಿಳಾ ಸಾಲಗಾರರಿಗೆ ರೂ 10 ಲಕ್ಷದಿಂದ ರೂ 1 ಕೋಟಿ ಮೌಲ್ಯದ ಸಾಲವನ್ನು ಒದಗಿಸಬೇಕು. 

 

ಈ ಯೋಜನೆಯಡಿ ಅರ್ಹತೆ:

1. 18 ವರ್ಷಕ್ಕಿಂತ ಮೇಲ್ಪಟ್ಟ ಎಸ್‌ಸಿ / ಎಸ್‌ಟಿ ಮತ್ತು / ಮಹಿಳಾ ಉದ್ಯಮಿಗಳು.
2. ಗ್ರೀನ್‌ಫೀಲ್ಡ್ ಯೋಜನೆಗೆ ಮಾತ್ರ ಯೋಜನೆಯಡಿ ಸಾಲ ನೆರವು ನೀಡಲಾಗುವುದು.
3. ಸಾಲಗಾರ ವ್ಯಕ್ತಿಯು ಯಾವುದೇ ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಯಲ್ಲಿ ಸುಸ್ತಿದಾರನಾಗಿ (‘ಡೀಫಾಲ್ಟರ್’-ಬಾಕಿ) ಇರಬಾರದು.
4. ವೈಯಕ್ತಿಕವಲ್ಲದ ಉದ್ಯಮಗಳ ಸಂದರ್ಭದಲ್ಲಿ, SC / ST ಮತ್ತು / ಮಹಿಳಾ ಉದ್ಯಮಿಗಳು ಕನಿಷ್ಠ 51% ಷೇರುಪಾಲು ಮತ್ತು ನಿಯಂತ್ರಣವನ್ನು ಹೊಂದಿರಬೇಕು. 

 

ವಿಷಯಗಳು: ಆಡಳಿತ, ಪಾರದರ್ಶಕತೆ ಮತ್ತು ಹೊಣೆಗಾರಿಕೆ, ಇ-ಆಡಳಿತ – ಅನ್ವಯಗಳು, ಮಾದರಿಗಳು, ಯಶಸ್ಸುಗಳು, ಮಿತಿಗಳು ಮತ್ತು ಭವಿಷ್ಯದ ಪ್ರಮುಖ ಅಂಶಗಳು; ನಾಗರಿಕರ ಸನ್ನದುಗಳು, ಪಾರದರ್ಶಕತೆ ಮತ್ತು ಉತ್ತರದಾಯಿತ್ವ ಮತ್ತು ಸಾಂಸ್ಥಿಕ ಮತ್ತು ಇತರ ಕ್ರಮಗಳು.

 

ಚುನಾವಣಾ ಬಾಂಡ್ಗಳು:

(Electoral Bonds)

 

ಸಂದರ್ಭ:

 

ಚುನಾವಣಾ ಬಾಂಡ್ ಯೋಜನೆ, 2018 ಅನ್ನು ಪ್ರಶ್ನಿಸಿ ಸಲ್ಲಿಸಲಾಗಿರುವ ಬಾಕಿ ಉಳಿದಿರುವ ಅರ್ಜಿಗಳ ವಿಚಾರಣೆಯನ್ನು ಸುಪ್ರೀಂ ಕೋರ್ಟ್ ಕೈಗೆತ್ತಿಕೊಳ್ಳಲಿದೆ ಎಂದು ಭಾರತದ ಮುಖ್ಯ ನ್ಯಾಯಮೂರ್ತಿ ಎನ್ ವಿ ರಮಣ ಅರ್ಜಿದಾರರಿಗೆ ಭರವಸೆ ನೀಡಿದ್ದಾರೆ.

 

ಸಮಸ್ಯೆ ಏನು?

ಎರಡು ಎನ್‌ಜಿಒಗಳು – ಕಾಮನ್ ಕಾಸ್ ಮತ್ತು ಅಸೋಸಿಯೇಷನ್ ​​ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) – ಈ ಯೋಜನೆಯು “ಪ್ರಜಾಪ್ರಭುತ್ವವನ್ನು ವಿರೂಪಗೊಳಿಸುತ್ತಿದೆ” ಎಂದು ಆರೋಪಿಸಿ ಯೋಜನೆಯನ್ನು ಪ್ರಶ್ನಿಸಿವೆ. ಸಿಜೆಐ ವಿಚಾರಣೆಗೆ ಯಾವುದೇ ದಿನಾಂಕವನ್ನು ನಿರ್ದಿಷ್ಟಪಡಿಸಿಲ್ಲ.

ಚುನಾವಣಾ ಬಾಂಡುಗಳು ಎಂದರೇನು?

 

1. ಈ ಯೋಜನೆಯನ್ನು 2017 ರ ಕೇಂದ್ರ ಬಜೆಟ್ ನಲ್ಲಿ ಘೋಷಿಸಲಾಯಿತು. ಚುನಾವಣಾ ಬಾಂಡ್ (electoral bond) ಯೋಜನೆಯು ಬಡ್ಡಿರಹಿತ ಧಾರಕ ಹಣವನ್ನು (Interest-Free Bearer Instrument) ರಾಜಕೀಯ ಪಕ್ಷಗಳಿಗೆ ಅನಾಮಧೇಯವಾಗಿ ದೇಣಿಗೆ ನೀಡುವ ಆರ್ಥಿಕ ಸಾಧನವಾಗಿದೆ ಅಥವಾ ರಾಜಕೀಯ ಪಕ್ಷಗಳಿಗೆ ಅನಾಮಧೇಯವಾಗಿ ಹಣ ಒದಗಿಸಲು ಬಳಸುವ ಬಡ್ಡಿರಹಿತ ವಿಶೇಷ ಪಾವತಿ ಸಾಧನಗಳಾಗಿವೆ.
2. ಬಾಂಡ್‌ಗಳಲ್ಲಿ ದಾನಿಗಳ ಹೆಸರನ್ನಾಗಲಿ ಪಡೆಯುವವರ ಹೆಸರನ್ನಾಗಲಿ ಉಲ್ಲೇಖಿಸಲಾಗುವದಿಲ್ಲ.
3. ಬಾಂಡ್ ಗಳ ರೂಪದಲ್ಲಿ ಆರ್ಥಿಕ ಸಹಾಯ ಪಡೆಯುವವರನ್ನು (ಮುಖ್ಯವಾಗಿ ರಾಜಕೀಯ ಪಕ್ಷ) ಅದರ ಮಾಲೀಕರು ಎಂದು ಭಾವಿಸಲಾಗುತ್ತದೆ.
4. ಈ ಬಾಂಡ್‌ಗಳಿಗೆ 1,000 ರೂ, 10,000 ರೂ, 1 ಲಕ್ಷ, 10 ಲಕ್ಷ ಮತ್ತು 1 ಕೋಟಿ ರೂ.ಗಳಂತೆ ದ್ವಿಗುಣ ರೂಪದಲ್ಲಿ ನೀಡಲಾಗುತ್ತದೆ ಮತ್ತು ಇದಕ್ಕಾಗಿ ಗರಿಷ್ಠ ಮಿತಿಯನ್ನು ನಿಗದಿಪಡಿಸಲಾಗಿಲ್ಲ ಮತ್ತು ಭಾರತೀಯ ಸ್ಟೇಟ್ ಬ್ಯಾಂಕ್ (SBI) ಮಾತ್ರ ಈ ಬಾಂಡ್ ಗಳನ್ನು ಮಾರಾಟ ಮಾಡಲು ಅಧಿಕಾರ ಹೊಂದಿರುವ ಏಕೈಕ ಬ್ಯಾಂಕ್ ಆಗಿದೆ.
5. ಈ ಬಾಂಡ್‌ಗಳನ್ನು ವಿತರಿಸಲು ಮತ್ತು ಎನ್ ಕ್ಯಾಶ್ ಮಾಡಲು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾಕ್ಕೆ ಅಧಿಕಾರ ನೀಡಲಾಗಿದೆ.ಈ ಬಾಂಡ್‌ಗಳು ವಿತರಣೆಯ ದಿನಾಂಕದಿಂದ ಹದಿನೈದು ದಿನಗಳವರೆಗೆ ಮಾನ್ಯವಾಗಿರುತ್ತವೆ.
6. ದಾನಿಗಳು ಈ ಬಾಂಡ್ ಗಳನ್ನು ಖರೀದಿಸಿ ರಾಜಕೀಯ ಪಕ್ಷಗಳಿಗೆ ದಾನ ಮಾಡಬಹುದು ಮತ್ತು ದಾನವಾಗಿ ಪಡೆದ ರಾಜಕೀಯ ಪಕ್ಷವು ಅದರ ಅಧಿಕೃತ/ಗೊತ್ತುಪಡಿಸಿದ ಖಾತೆಯ ಮೂಲಕ 15 ದಿನಗಳೊಳಗೆ ಎನ್ ಕ್ಯಾಶ್ ಮಾಡಿಕೊಳ್ಳಬಹುದು ಅಥವಾ ಈ ಬಾಂಡ್‌ಗಳನ್ನು ನಗದೀಕರಿಸಿ ಕೊಳ್ಳಬಹುದಾಗಿದೆ.
7. ಒಬ್ಬ ವ್ಯಕ್ತಿ ಅಥವಾ ಒಂದು ಸಂಸ್ಥೆಯು ಎಷ್ಟು ಬೇಕಾದರೂ ಬಾಂಡ್ ಗಳನ್ನು ಖರೀದಿಸಬಹುದು ಇದಕ್ಕೆ ಯಾವುದೇ ಮಿತಿಯಿಲ್ಲ.
8. ಒಂದು ವೇಳೆ ರಾಜಕೀಯ ಪಕ್ಷವೂ 15 ದಿನಗಳೊಳಗಾಗಿ ಈ ಬಾಂಡುಗಳನ್ನು ನಗದೀಕರಿಸಿಕೊಳ್ಳದಿದ್ದರೆ ಭಾರತೀಯ ಸ್ಟೇಟ್ ಬ್ಯಾಂಕ್ ಇವುಗಳನ್ನು ಪ್ರಧಾನಮಂತ್ರಿಗಳ ಪರಿಹಾರ ನಿಧಿಗೆ ಜಮೆ ಮಾಡುತ್ತದೆ.

ಯೋಜನೆಗೆ ಸಂಬಂಧಿಸಿದ ಸಮಸ್ಯೆಗಳು:

‘ಎಲೆಕ್ಟೋರಲ್ ಬಾಂಡ್’ ಯೋಜನೆಯು ಸಾಂಪ್ರದಾಯಿಕ ‘ಮೇಜಿನ ಕೆಳಗಿನ’ ದೇಣಿಗೆಗೆ ಪ್ರತಿಬಂಧಕವಾಗಿ ಕಾರ್ಯನಿರ್ವಹಿಸುತ್ತದೆ, ಏಕೆಂದರೆ ವಹಿವಾಟುಗಳನ್ನು ಚೆಕ್ ಮತ್ತು ಡಿಜಿಟಲ್ ಮಾಧ್ಯಮದ ಮೂಲಕ ಮಾಡಲಾಗುತ್ತದೆ. ಆದಾಗ್ಯೂ, ಈ ಯೋಜನೆಯ ಹಲವಾರು ಪ್ರಮುಖ ನಿಬಂಧನೆಗಳು ಇದನ್ನು ಹೆಚ್ಚು ವಿವಾದಾತ್ಮಕವಾಗಿಸುತ್ತದೆ.

 

ಅನಾಮಧೇಯತೆ (Anonymity): ಯೋಜನೆಯ ಅಡಿಯಲ್ಲಿ, ಅನುದಾನ ನೀಡುವವರು/ದೇಣಿಗೆದಾರರು (ವ್ಯಕ್ತಿ ಅಥವಾ ಕಾರ್ಪೊರೇಟ್ ಆಗಿರಬಹುದು) ಅವರ ಮಾಹಿತಿಯನ್ನು ನೀಡಲು ಬಾಧ್ಯತೆ ಹೊಂದಿಲ್ಲ, ಮತ್ತು ರಾಜಕೀಯ ಪಕ್ಷವು ಯಾವ ವ್ಯಕ್ತಿ ಅಥವಾ ಸಂಸ್ಥೆಯಿಂದ ದೇಣಿಗೆ ಬಂದಿದೆ ಎಂಬುದನ್ನು ತಿಳಿಸಲು ಬಾಧ್ಯತೆ ಹೊಂದಿಲ್ಲ.

 

ಅಸಮಪಾರ್ಶ್ವವಾಗಿ ಅಪಾರದರ್ಶಕ (Asymmetrically Opaque): ಬಾಂಡ್‌ಗಳನ್ನು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಮೂಲಕ ಖರೀದಿಸುವುದರಿಂದ, ಸರ್ಕಾರವು ಯಾವಾಗಲೂ ದಾನಿ ಯಾರೆಂದು ತಿಳಿಯುವ ಸ್ಥಿತಿಯಲ್ಲಿರುತ್ತದೆ.

 

ಕಪ್ಪುಹಣದ ಮಾರ್ಗ: ಕಾರ್ಪೊರೇಟ್ ದೇಣಿಗೆಗಳ ಮೇಲಿನ 7.5% ಮಿತಿಯನ್ನು ತೆಗೆದುಹಾಕುವುದು, ಲಾಭ ಮತ್ತು ನಷ್ಟದ ಹೇಳಿಕೆಗಳಲ್ಲಿ ರಾಜಕೀಯ ಅನುದಾನವನ್ನು ಬಹಿರಂಗಪಡಿಸುವ ಅಗತ್ಯವನ್ನು ತೆಗೆದುಹಾಕುವುದು ಇತ್ಯಾದಿ. 

 

ವಿಷಯಗಳು: ಭಾರತ ಮತ್ತು ನೆರೆಹೊರೆಯ ದೇಶಗಳೊಂದಿಗೆ ಅದರ ಸಂಬಂಧಗಳು.

 

ಕೇಂದ್ರ ಟಿಬೆಟಿಯನ್ ಪರಿಹಾರ ಸಮಿತಿ (CTRC):

 

ಸಂದರ್ಭ:

 

ಕೇಂದ್ರ ಸರ್ಕಾರವು ದಲೈ ಲಾಮಾ ಅವರ ಸೆಂಟ್ರಲ್ ಟಿಬೆಟಿಯನ್ ರಿಲೀಫ್ ಕಮಿಟಿ (Central Tibetan Relief Committee (CTRC) ಗೆ ₹ 40 ಕೋಟಿ ಅನುದಾನವನ್ನು ಒದಗಿಸುವ ಯೋಜನೆಯನ್ನು ಇನ್ನೂ ಐದು ವರ್ಷಗಳವರೆಗೆ 2025-26 ರ ಆರ್ಥಿಕ ವರ್ಷದವರೆಗೆ ವಿಸ್ತರಿಸಿದೆ.

 

ಯೋಜನೆಯ ಮುಖ್ಯಾಂಶಗಳು:

1. ಈ ಯೋಜನೆಯನ್ನು 2015 ರಲ್ಲಿ ಪ್ರಾರಂಭಿಸಲಾಯಿತು.
2. ಇದು ವಿವಿಧ ರಾಜ್ಯಗಳಲ್ಲಿರುವ 36 ಟಿಬೆಟಿಯನ್ ವಸಾಹತು ಕಚೇರಿಗಳ ಆಡಳಿತಾತ್ಮಕ ಮತ್ತು ಸಮಾಜ ಕಲ್ಯಾಣ ಚಟುವಟಿಕೆಗಳ ವೆಚ್ಚವನ್ನು ಪೂರೈಸಲು CTRC ಗೆ ₹40 ಕೋಟಿ ಅನುದಾನವನ್ನು ಒದಗಿಸುವ ಯೋಜನೆಯಾಗಿದೆ.

 

ಭಾರತದಲ್ಲಿ ಟಿಬೆಟಿಯನ್ನರು:

 

ಒಂದು ಲಕ್ಷಕ್ಕೂ ಹೆಚ್ಚು ಟಿಬೆಟಿಯನ್ ನಿರಾಶ್ರಿತರು ಭಾರತದಲ್ಲಿ ನೆಲೆಸಿದ್ದಾರೆ.

1. ಟಿಬೆಟಿಯನ್ ನಿರಾಶ್ರಿತರ ಹೆಚ್ಚಿನ ಸಾಂದ್ರತೆಯು ಕರ್ನಾಟಕ, ಹಿಮಾಚಲ ಪ್ರದೇಶ, ಅರುಣಾಚಲ ಪ್ರದೇಶ, ಉತ್ತರಾಖಂಡ, ಪಶ್ಚಿಮ ಬಂಗಾಳ ಮತ್ತು ಜಮ್ಮು ಮತ್ತು ಕಾಶ್ಮೀರದಲ್ಲಿದೆ.
2. 1959 ರಲ್ಲಿ ಟಿಬೆಟ್‌ನಿಂದ ಆಶ್ರಯ ಬಯಸಿ ದಲೈ ಲಾಮಾ ಭಾರತಕ್ಕೆ ಬಂದ ಹಿನ್ನೆಲೆಯಲ್ಲಿ ಟಿಬೆಟಿಯನ್ ನಿರಾಶ್ರಿತರು ಸಹ ಭಾರತಕ್ಕೆ ಬರಲಾರಂಭಿಸಿದರು.
3. ಅವರಿಗೆ ಆಶ್ರಯ ನೀಡುವುದರ ಜೊತೆಗೆ ತಾತ್ಕಾಲಿಕ ನೆಲೆಗೆ ನೆರವು ನೀಡಲು ಅಂದಿನ ಸರ್ಕಾರ ನಿರ್ಧರಿಸಿತು.

 

ವಿದೇಶದಲ್ಲಿರುವ ಟಿಬೆಟಿಯನ್ನರು:

 

1 ಲಕ್ಷಕ್ಕೂ ಹೆಚ್ಚು ಟಿಬೆಟಿಯನ್ನರು ಭಾರತದಾದ್ಯಂತ ನೆಲೆಸಿದ್ದರೆ, ಉಳಿದವರು ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೆರಿಕ, ಆಸ್ಟ್ರೇಲಿಯಾ, ಬ್ರೆಜಿಲ್, ಕೆನಡಾ, ಕೋಸ್ಟರಿಕಾ, ಫ್ರಾನ್ಸ್, ಮೆಕ್ಸಿಕೋ, ಮಂಗೋಲಿಯಾ, ಜರ್ಮನಿ, ಯುನೈಟೆಡ್ ಕಿಂಗ್‌ಡಮ್, ಸ್ವಿಟ್ಜರ್ಲೆಂಡ್ ಮತ್ತು ಇತರ ದೇಶಗಳಲ್ಲಿ ನೆಲೆಸಿದ್ದಾರೆ.

 

ಟಿಬೆಟಿಯನ್ ಪಾರ್ಲಿಮೆಂಟ್-ಇನ್-ಎಕ್ಸೈಲ್ (TPiE) ಬಗ್ಗೆ ನಿಮಗೆ ತಿಳಿದಿದೆಯೇ?

ಸ್ಪೀಕರ್ ಮತ್ತು ಡೆಪ್ಯೂಟಿ ಸ್ಪೀಕರ್ ದೇಶಭ್ರಷ್ಟ ಟಿಬೆಟಿಯನ್ ಪಾರ್ಲಿಮೆಂಟ್ ನ ಮುಖ್ಯಸ್ಥರಾಗಿರುತ್ತಾರೆ.

16 ನೇ TPiE 45 ಸದಸ್ಯರನ್ನು ಹೊಂದಿತ್ತು:

 

1. ಟಿಬೆಟಿಯನ್‌ನ ಪ್ರತಿಯೊಂದು ಸಾಂಪ್ರದಾಯಿಕ ಪ್ರಾಂತ್ಯಗಳಾದ  ಯು-ತ್ಸಾಂಗ್, ಧೋಟೋ ಮತ್ತು ಧೋಮಿ ಗಳಿಂದ 10 ಪ್ರತಿನಿಧಿಗಳು.
2. ಟಿಬೆಟಿಯನ್ ಬೌದ್ಧಧರ್ಮದ ನಾಲ್ಕು ಶಾಲೆಗಳಿಂದ ತಲಾ ಇಬ್ಬರು ಪ್ರತಿನಿಧಿಗಳು ಮತ್ತು ಬೌದ್ಧರ ಪೂರ್ವ ಬಾನ್ ಧರ್ಮ ದಿಂದ ಇಬ್ಬರು ಪ್ರತಿನಿಧಿಗಳು.
3. ಉತ್ತರ ಅಮೇರಿಕಾ ಮತ್ತು ಯುರೋಪ್‌ನಲ್ಲಿರುವ ಪ್ರತಿ ಟಿಬೆಟಿಯನ್ ಸಮುದಾಯಗಳನ್ನು ಪ್ರತಿನಿಧಿಸುವ ಇಬ್ಬರು ಪ್ರತಿನಿಧಿಗಳು.
4. ಆಸ್ಟ್ರೇಲಿಯಾ ಮತ್ತು ಏಷ್ಯಾದಿಂದ ಒಬ್ಬ ಪ್ರತಿನಿಧಿ (ಭಾರತ, ನೇಪಾಳ ಮತ್ತು ಭೂತಾನ್ ಗಳನ್ನು ಹೊರತುಪಡಿಸಿ).

 

ಟಿಬೆಟಿಯನ್ ಸಂವಿಧಾನ ಏನು ಹೇಳುತ್ತದೆ?

 

ಕೇಂದ್ರ ಟಿಬೆಟಿಯನ್ ಆಡಳಿತವು ಟಿಬೆಟಿಯನ್ ಸರ್ಕಾರದ ಸಂವಿಧಾನದ ಆಧಾರದ ಮೇಲೆ ಅಸ್ತಿತ್ವದಲ್ಲಿದೆ ಮತ್ತು ಕಾರ್ಯನಿರ್ವಹಿಸುತ್ತದೆ, ಈ ಸಂವಿಧಾನವನ್ನು ‘ದಿ ಚಾರ್ಟರ್ ಆಫ್ ದಿ ಎಕ್ಸೈಲ್’ ಎಂದು ಕರೆಯಲಾಗುತ್ತದೆ.

1. 1991 ರಲ್ಲಿ, ದಲೈ ಲಾಮಾ ಸ್ಥಾಪಿಸಿದ ಸಂವಿಧಾನದ ಪುನರ್ರಚನೆ ಸಮಿತಿಯು ದೇಶಭ್ರಷ್ಟ ಟಿಬೆಟಿಯನ್ನರಿಗೆ ಚಾರ್ಟರ್ ಅನ್ನು ಸಿದ್ಧಪಡಿಸಿತು.
2. ಜೂನ್ 28, 1991 ರಂದು ದಲೈ ಲಾಮಾ ಇದನ್ನು ಅನುಮೋದಿಸಿದರು.

 

ಮತದಾನ ಮಾಡುವ ಅಧಿಕಾರ:

ಉಪಖಂಡದ ಹೊರಗೆ ವಾಸಿಸುವ ಟಿಬೆಟಿಯನ್ನರು ಮಾತ್ರ ತಮ್ಮ ಪ್ರಸ್ತುತ ಭೌಗೋಳಿಕ ಸ್ಥಳವನ್ನು ಆಧರಿಸಿ ತಮ್ಮ ಸಂಸದರನ್ನು ಆಯ್ಕೆ ಮಾಡುತ್ತಾರೆ. ಸಂಸದರ ಜೊತೆಗೆ ಮತದಾರರು ಅಧ್ಯಕ್ಷರ ಆಯ್ಕೆಯನ್ನೂ ಮಾಡುತ್ತಾರೆ.

 

ಚುನಾವಣಾ ವಿಧಾನ:

 

ಮತದಾನವು ಎರಡು ಸುತ್ತುಗಳಲ್ಲಿ ನಡೆಯಲಿದೆ.

 

1. ಪ್ರಾಥಮಿಕ ಸುತ್ತಿನಲ್ಲಿ, ಯಾವುದೇ ಅಧಿಕೃತ ಅಭ್ಯರ್ಥಿಗಳು ಇರುವುದಿಲ್ಲ, ಅಂದರೆ ಮತದಾರನು ತನ್ನ ಆಯ್ಕೆಯ ಯಾವುದೇ ವ್ಯಕ್ತಿಯನ್ನು ಆಯ್ಕೆ ಮಾಡಬಹುದು, ಇದು ಚುನಾವಣೆಯಲ್ಲಿ ಪ್ರಚಾರವನ್ನು ಪ್ರಾರಂಭಿಸಿದ ಹಲವಾರು ಅಭ್ಯರ್ಥಿಗಳಲ್ಲಿ ಒಬ್ಬರಾಗಿರುವ ನಿರೀಕ್ಷೆಯಿದೆ.
2. ಒಬ್ಬ ವ್ಯಕ್ತಿಯು ಶೇಕಡಾ 60 ರಷ್ಟು ಮತಗಳನ್ನು ಗಳಿಸದಿದ್ದರೆ, ಮೊದಲ ಸುತ್ತಿನ ಇಬ್ಬರು ಪ್ರಮುಖ ಸ್ಪರ್ಧಿಗಳು ಏಪ್ರಿಲ್ 11 ರಂದು ನಡೆಯಲಿರುವ ಎರಡನೇ ಸುತ್ತಿನ ಅಧಿಕೃತ ಅಭ್ಯರ್ಥಿಗಳಾಗುತ್ತಾರೆ.

 

ಏನಿದು ಕಶಾಗ್?

ಕಶಾಗ್ ಎಂಬುದು (ಕ್ಯಾಬಿನೆಟ್) ಕೇಂದ್ರ ಟಿಬೆಟಿಯನ್ ಆಡಳಿತದ ಅತ್ಯುನ್ನತ ಕಾರ್ಯನಿರ್ವಾಹಕ ಕಚೇರಿಯಾಗಿದೆ ಮತ್ತು ಇದು ಏಳು ಸದಸ್ಯರನ್ನು ಒಳಗೊಂಡಿದೆ.

ದೇಶಭ್ರಷ್ಟ ಟಿಬೆಟಿಯನ್ ಜನಸಂಖ್ಯೆಯಿಂದ ನೇರವಾಗಿ ಚುನಾಯಿತರಾದ ಸಿಕ್ಯೊಂಗ್ (Sikyong) (ರಾಜಕೀಯ ನಾಯಕ) ಇದರ ನೇತೃತ್ವ ವಹಿಸುತ್ತಾರೆ.

 

1. ಸಿಕ್ಯೊಂಗ್ ತರುವಾಯ ತನ್ನ ಏಳು ಕಾಲೋನ್‌ಗಳನ್ನು (ಮಂತ್ರಿಗಳನ್ನು) ನಾಮನಿರ್ದೇಶನ ಮಾಡುತ್ತಾನೆ ಮತ್ತು ಸಂಸತ್ತಿನ ಅನುಮೋದನೆಯನ್ನು ಪಡೆಯುತ್ತಾನೆ.
2. ಕಶಾಗ್‌ನ ಅಧಿಕಾರ ಅವಧಿ ಐದು ವರ್ಷಗಳು.

 

TPiE ಅನ್ನು ಅಧಿಕೃತವಾಗಿ ಯಾವುದೇ ದೇಶವು ಮಾನ್ಯ ಮಾಡಿದೆಯೇ?

 

ನಿಖರವಾಗಿ ಇಲ್ಲ, ಇದು ಭಾರತ ಸೇರಿದಂತೆ ಯಾವುದೇ ದೇಶದಿಂದ ಅಧಿಕೃತವಾಗಿ ಗುರುತಿಸಲ್ಪಟ್ಟಿಲ್ಲ/ಮಾನ್ಯತೆಯನ್ನು ಪಡೆದಿಲ್ಲ.

 

1. ಆದರೆ, ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾ ಮತ್ತು ಯುರೋಪಿಯನ್ ರಾಷ್ಟ್ರಗಳು ಸೇರಿದಂತೆ ಹಲವಾರು ದೇಶಗಳು ಸಿಕ್ಯಾಂಗ್ ಮತ್ತು ಇತರ ಟಿಬೆಟಿಯನ್ ನಾಯಕರೊಂದಿಗೆ ವಿವಿಧ ವೇದಿಕೆಗಳ ಮೂಲಕ ನೇರವಾಗಿ ವ್ಯವಹರಿಸುತ್ತವೆ.
2. TPiE ತನ್ನ ಪ್ರಜಾಸತ್ತಾತ್ಮಕವಾಗಿ-ಚುನಾಯಿತ ಸ್ವರೂಪವು ಟಿಬೆಟಿಯನ್ ವ್ಯವಹಾರಗಳನ್ನು ನಿರ್ವಹಿಸಲು ಮತ್ತು ಟಿಬೆಟಿಯನ್ ಸಮಸ್ಯೆಯನ್ನು ಪ್ರಪಂಚದಾದ್ಯಂತ ಪ್ರಚುರಪಡಿಸಲು ಸಹಾಯ ಮಾಡುತ್ತದೆ ಎಂದು ಹೇಳುತ್ತದೆ. 
3. ಮೇ 2014 ರಲ್ಲಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ ಭಾಗವಹಿಸಿದ ಅತಿಥಿಗಳಲ್ಲಿ ಸಿಕ್ಯಾಂಗ್, ಲೋಬ್ಸಾಂಗ್ ಸಂಗಯ್ ಅವರು ಬಹುಶಃ ಮೊದಲನೆಯ ಬಾರಿಗೆ ಬಂದಿದ್ದರು.

 

ವಿಷಯಗಳು: ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು, ಏಜೆನ್ಸಿಗಳು ಮತ್ತು ವೇದಿಕೆಗಳು, ಅವುಗಳ ರಚನೆ, ಮತ್ತು ಆದೇಶ.

 

ರಷ್ಯಾದ ಕ್ರಮಗಳ ಕುರಿತು ತನಿಖೆ ನಡೆಸಲು ಮಾನವ ಹಕ್ಕುಗಳ ಮಂಡಳಿಯ ಮತದಾನದಿಂದ ಭಾರತ ದೂರ ಉಳಿದಿದೆ:

(India abstains from Human Rights Council vote to probe Russian actions)

 

ಸಂದರ್ಭ:

ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯಿಂದ ರಷ್ಯಾವನ್ನು ಅಮಾನತು ಮಾಡಿ ವಿಶ್ವ ಸಂಸ್ಥೆಯ ಸಾಮಾನ್ಯ ಸಭೆಯು ಆದೇಶ ಹೊರಡಿಸಿದೆ. ಮಾನವ ಹಕ್ಕುಗಳ ಮಂಡಳಿಯಿಂದ ರಷ್ಯಾವನ್ನು ಅಮಾನತು ಮಾಡುವ ನಿರ್ಣಯವನ್ನು ಮಹಾ ಸಭೆಯಲ್ಲಿ ಮತಕ್ಕೆ ಹಾಕಲಾಗಿತ್ತು. ಅಮಾನತು ಮಾಡಬಹುದು ಎಂಬ ನಿರ್ಣಯಕ್ಕೆ ಹೆಚ್ಚಿನ ಮತಗಳು ಬಂದ ಕಾರಣ, ಸಾಮಾನ್ಯ ಸಭೆಯು ಈ ಕ್ರಮ ತೆಗೆದುಕೊಂಡಿದೆ.

 

1. 193 ಸದಸ್ಯ ರಾಷ್ಟ್ರಗಳ ಸಾಮಾನ್ಯ ಸಭೆಯಲ್ಲಿ ಈ ನಿರ್ಣಯವನ್ನು ಗುರುವಾರ ಮತಕ್ಕೆ ಹಾಕಲಾಗಿತ್ತು. ನಿರ್ಣಯದ ಪರವಾಗಿ 93 ದೇಶಗಳು ಮತ ಹಾಕಿದವು. ನಿರ್ಣಯದ ವಿರುದ್ಧವಾಗಿ 24 ದೇಶಗಳು ಮತ ಹಾಕಿದವು. 
2. ಭಾರತವೂ ಸೇರಿ 58 ದೇಶಗಳು ಮತದಾನದಿಂದ ದೂರ ಉಳಿದವು. 

 

ಉಕ್ರೇನ್ ವಿಷಯದಲ್ಲಿ ಭಾರತದ ನಿಲುವು:

ಫೆಬ್ರವರಿ 24 ರಂದು ಉಕ್ರೇನ್‌ನಲ್ಲಿ ರಷ್ಯಾದ ಮಿಲಿಟರಿ ಕಾರ್ಯಾಚರಣೆಗಳು ಪ್ರಾರಂಭವಾದಾಗಿನಿಂದ ‘ಮಾನವ ಹಕ್ಕುಗಳ ಮಂಡಳಿ’ಯಲ್ಲಿ ಭಾರತದ ಸ್ಥಾನವು ವಿಶ್ವಸಂಸ್ಥೆ ಮತ್ತು ಬಹುಪಕ್ಷೀಯ ಸಂಸ್ಥೆಗಳಿಗೆ ಗೈರುಹಾಜರಿಯ ಸರಮಾಲೆಯನ್ನು ಸೇರಿಸುತ್ತದೆ.ಆದರೆ ಉಕ್ರೇನ್‌ನಲ್ಲಿ ರಷ್ಯಾದ ಮಿಲಿಟರಿ ದಾಳಿಯ ಉಲ್ಬಣಗೊಳ್ಳುವಿಕೆಯ ದೃಷ್ಟಿಯಿಂದ,ಮಾಸ್ಕೋವನ್ನು ಟೀಕಿಸುವ ನಿರ್ಣಯಗಳ ಪರವಾಗಿ ಹೆಚ್ಚು ಹೆಚ್ಚು ದೇಶಗಳು ಮತ ಚಲಾಯಿಸುತ್ತಿವೆ.

 

ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯ ಕುರಿತು:

‘ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿ’ (UN Human Rights Council- UNHRC) ಅನ್ನು 2006 ರಲ್ಲಿ ಮರುಸಂಘಟಿಸಲಾಯಿತು, ಅದರ ನಿಕಟಪೂರ್ವ ಸಂಘಟನೆಯಾದ ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಆಯೋಗ (UN Commission on Human Rights)ದ ‘ವಿಶ್ವಾಸಾರ್ಹತೆಯ ಕೊರತೆಯನ್ನು’ ನಿವಾರಿಸಲು UNHRCಯು ಸಹಾಯ ಮಾಡುತ್ತದೆ.

 

ಮಾನವ ಹಕ್ಕುಗಳ ಹೈ ಕಮಿಷನರ್ (Office of the High Commissioner for Human Rights -OHCHR) ಕಚೇರಿಯು ಮಾನವ ಹಕ್ಕುಗಳ ಮಂಡಳಿಯ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸುತ್ತದೆ.

 

ಪ್ರಧಾನ ಕಛೇರಿ: ಸ್ವಿಟ್ಜರ್ಲೆಂಡ್‌ನ ಜಿನೀವಾದಲ್ಲಿದೆ.

 

ಸಂಯೋಜನೆ:

 

1. ಪ್ರಸ್ತುತ, ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿ (UNHRC) 47 ಸದಸ್ಯರನ್ನು ಹೊಂದಿದೆ, ಮತ್ತು ಇಡೀ ವಿಶ್ವದ ಭೌಗೋಳಿಕ ಪ್ರಾತಿನಿಧ್ಯವನ್ನು ಖಚಿತಪಡಿಸಿಕೊಳ್ಳಲು ವಾರ್ಷಿಕ ಆಧಾರದ ಮೇಲೆ ಸ್ಥಾನಗಳನ್ನು ಹಂಚಿಕೆ ಮಾಡಲಾಗುತ್ತದೆ.
2. ಪ್ರತಿ ಸದಸ್ಯರನ್ನು ಮೂರು ವರ್ಷಗಳ ಅವಧಿಗೆ ಆಯ್ಕೆ ಮಾಡಲಾಗುತ್ತದೆ.
3. ಒಂದು ದೇಶಕ್ಕೆ ಒಂದು ಸ್ಥಾನವನ್ನು ಗರಿಷ್ಠ ಎರಡು ಬಾರಿ ಸತತವಾಗಿ ಹೊಂದಲು ಅವಕಾಶವಿದೆ. ಅಂದರೆ 2 ಕ್ಕಿಂತ ಹೆಚ್ಚು ಬಾರಿ ಸತತವಾಗಿ ಆಯ್ಕೆಯಾಗಲು ಅವಕಾಶವಿಲ್ಲ. 

 

ಕಾರ್ಯಗಳು:

1. ಮಂಡಳಿಯು, ವಿಶ್ವಸಂಸ್ಥೆಯ ಎಲ್ಲಾ 193 ಸದಸ್ಯ ರಾಷ್ಟ್ರಗಳ ‘ಸಾರ್ವತ್ರಿಕ ಆವರ್ತಕ ವಿಮರ್ಶೆ’ (Universal Periodic Review- UPR) ಮೂಲಕ ಮಾನವ ಹಕ್ಕುಗಳಿಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಕಡ್ಡಾಯವಲ್ಲದ ನಿರ್ಣಯಗಳನ್ನು ಹೊರಡಿಸುತ್ತದೆ.
2. ಇದು ನಿರ್ದಿಷ್ಟ ದೇಶಗಳಲ್ಲಿನ ಮಾನವ ಹಕ್ಕುಗಳ ಉಲ್ಲಂಘನೆಗಾಗಿ ತಜ್ಞರ ಮೂಲಕ ತನಿಖೆಯ ಪ್ರಗತಿಯನ್ನು ನೋಡಿಕೊಳ್ಳುತ್ತದೆ.

 

ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯ ಮುಂದೆ ಇರುವ ಸವಾಲುಗಳು ಮತ್ತು ಸುಧಾರಣೆಗಳ ಅವಶ್ಯಕತೆ:

1. ‘ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಮಂಡಳಿಯ ಸದಸ್ಯ ರಾಷ್ಟ್ರಗಳಾದ ಸೌದಿ ಅರೇಬಿಯಾ, ಚೀನಾ ಮತ್ತು ರಷ್ಯಾಗಳ ಮಾನವ ಹಕ್ಕುಗಳ ದಾಖಲೆಗಳು ಮಂಡಳಿಯ ಉದ್ದೇಶ ಮತ್ತು ಧ್ಯೇಯಕ್ಕೆ ಹೊಂದಿಕೆಯಾಗುವುದಿಲ್ಲ, ಇದರಿಂದಾಗಿ ವಿಮರ್ಶಕರು ಪರಿಷತ್ತಿನ ಪ್ರಸ್ತುತತೆಯನ್ನು ಪ್ರಶ್ನಿಸುತ್ತಾರೆ.
2. UNHRC ಯಲ್ಲಿ ಅನೇಕ ಪಾಶ್ಚಿಮಾತ್ಯ ದೇಶಗಳು ಭಾಗವಹಿಸುತ್ತಿದ್ದರೂ, ಅವರು ಮಾನವ ಹಕ್ಕುಗಳ ತಿಳುವಳಿಕೆಯನ್ನು ತಪ್ಪಾಗಿ ಅರ್ಥೈಸಿಕೊಳ್ಳುತ್ತಿದ್ದಾರೆ.
3. UNHRC ಯ ಕಾರ್ಯವೈಖರಿಗೆ ಸಂಬಂಧಿಸಿದಂತೆ ಅದರ ಆದೇಶಗಳನ್ನು ಪಾಲಿಸದಿರುವುದು ಗಂಭೀರ ವಿಷಯವಾಗಿದೆ.
4. ಅಮೆರಿಕದಂತಹ ಪ್ರಬಲ ರಾಷ್ಟ್ರಗಳ ಭಾಗವಹಿಸುವಿಕೆ ಯ ಕೊರತೆ. 

 

ಪ್ರಸ್ತುತದ ಕಳವಳ:

ಮತದಾನದಿಂದ ದೂರವಿರುವ ಭಾರತದ ನಿರ್ಧಾರವು ಯಾವುದೇ ರಾಷ್ಟ್ರದ ಪರವಾಗಿ ಅಥವಾ ವಿರುದ್ಧವಾಗಿಲ್ಲ, ಆದರೆ ಅದು ತನ್ನದೇ ಆದ ರಾಷ್ಟ್ರೀಯ ಹಿತಾಸಕ್ತಿಯಿಂದ ಕೂಡಿದೆ ಎಂದು ಕೆಲವರು ಹೇಳುತ್ತಾರೆ.

 

1. ಆದಾಗ್ಯೂ, ಈ ನಿರ್ಧಾರಗಳನ್ನು ಹೆಚ್ಚಿನ ಭಾರತೀಯ ವ್ಯಾಖ್ಯಾನಕಾರರು ‘ಕೆಟ್ಟ ಪರಿಸ್ಥಿತಿಯನ್ನು ಉತ್ತಮಗೊಳಿಸುವ’ ಅಥವಾ ಕೆಟ್ಟ ಪರಿಸ್ಥಿತಿಯಿಂದ ಲಾಭ ಮಾಡಿಕೊಳ್ಳುವ  ಪ್ರಯತ್ನವೆಂದು ಹೇಳಿದ್ದಾರೆ.
2. ನಮ್ಮ ಅತಿದೊಡ್ಡ ಶಸ್ತ್ರಾಸ್ತ್ರ ಪೂರೈಕೆದಾರರಾಗಿ, ರಷ್ಯಾ ವಿಶ್ವಾಸಾರ್ಹ ಮಿತ್ರರಾಷ್ಟ್ರವಾಗಿದೆ. 1971 ರಲ್ಲಿ ಬಾಂಗ್ಲಾದೇಶದ ರಚನೆಯನ್ನು ಉಲ್ಲೇಖಿಸದೆ ಕಾಶ್ಮೀರ ವಿಷಯದ ಬಗ್ಗೆ ವಿಶ್ವಸಂಸ್ಥೆಯಲ್ಲಿ ರಷ್ಯಾ ಭಾರತವನ್ನು ಸಮರ್ಥಿಸಿಕೊಂಡಿದೆ ಎಂದು ಅವರು ಹೇಳುತ್ತಾರೆ.
3. ಇದರ ಹೊರತಾಗಿ, ರಷ್ಯಾ ವಿರುದ್ಧ ಮತ ಚಲಾಯಿಸುವುದರಿಂದ ರಷ್ಯಾ ಚೀನಾಕ್ಕೆ ಹತ್ತಿರವಾಗುವ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ, ಇದರಿಂದ ದೇಶದ ಭದ್ರತೆಗೆ ಸಂಬಂಧಿಸಿದ ಅಪಾಯವು ಹಲವು ಪಟ್ಟು ಹೆಚ್ಚಾಗುತ್ತದೆ.

 

ಭಾರತವು ರಷ್ಯಾದ ಮೇಲೆ ಏಕೆ ಸಂಪೂರ್ಣವಾಗಿ ಅವಲಂಬಿತವಾಗಬಾರದು?

ಮೇಲಿನ ವಾದಗಳು ಮೂರು ದಶಕಗಳ ಹಿಂದೆ ಶೀತಲ ಸಮರದ ಅಂತ್ಯ ಮತ್ತು 20 ವರ್ಷಗಳ ಹಿಂದೆ ವ್ಲಾಡಿಮಿರ್ ಪುಟಿನ್ ಅವರು ಪ್ರವರ್ಧಮಾನಕ್ಕೆ ಬರುವುದಕ್ಕಿಂತ ಮುಂಚಿನವು. 

 

ಇನ್ನೂ ಹೆಚ್ಚು ಆತಂಕಕಾರಿಯಾಗಿ, ಮೇಲಿನ ವಾದಗಳು ಭಾರತದ ಸ್ವಂತ ರಾಷ್ಟ್ರೀಯ ಭದ್ರತಾ ಹಿತಾಸಕ್ತಿಗಳ ಕಡೆಗೆ ನಿರ್ಣಾಯಕತೆಯನ್ನು ಬಹಿರಂಗಪಡಿಸುತ್ತವೆ, ಇದು ಕಾಲಾನಂತರದಲ್ಲಿ ನಮಗೆ ಮತ್ತಷ್ಟು ಹಾನಿಯನ್ನುಂಟುಮಾಡುತ್ತದೆ.

 

1. ಹೌದು, ರಷ್ಯಾ ನಮ್ಮ ಅತಿದೊಡ್ಡ ಶಸ್ತ್ರಾಸ್ತ್ರ ಪೂರೈಕೆದಾರ ಮತ್ತು ನಾವು ಅದರ ವಿರುದ್ಧ ಮತ ಚಲಾಯಿಸಿದರೆ ನಮ್ಮ ಶಸ್ತ್ರಾಸ್ತ್ರ ಸರಬರಾಜುಗಳ ಮೇಲೆ ಪರಿಣಾಮ ಬೀರುತ್ತದೆ ಎಂಬುದು ನಿಜ. ಆದಾಗ್ಯೂ, ರಷ್ಯಾ ಇನ್ನು ಮುಂದೆ ವಿಶ್ವಾಸಾರ್ಹ ಶಸ್ತ್ರಾಸ್ತ್ರ ಪೂರೈಕೆದಾರರಾಗಿಲ್ಲ; ಪುಟಿನ್ ಅಧಿಕಾರಕ್ಕೆ ಬಂದ ನಂತರ ಅದರ ವಿಶ್ವಾಸಾರ್ಹತೆ ಎಂದಿಗೂ ಸಾಬೀತಾಗಿಲ್ಲ.
2. ರಷ್ಯಾದಿಂದ ಶಸ್ತ್ರಾಸ್ತ್ರ ಪೂರೈಕೆಯು ಆಗಾಗ್ಗೆ ವಿಳಂಬವಾಗುತ್ತದೆ ಮತ್ತು ಬೆಲೆಗಳನ್ನು ಹೆಚ್ಚಿಸಲು ಪುಟಿನ್ ‘ವಿಳಂಬ ಟ್ರಿಕ್’ ಅನ್ನು ಬಳಸಿದ್ದಾರೆ ಮತ್ತು ಕೆಲವೊಮ್ಮೆ ಬೆಲೆಗಳನ್ನು ದ್ವಿಗುಣಗೊಳಿಸಿದ್ದಾರೆ. ಇದಕ್ಕೆ ವ್ಯತಿರಿಕ್ತವಾಗಿ, ರಫೇಲ್ ಜೆಟ್‌ಗಳ ಫ್ರೆಂಚ್ ವಿತರಣೆಗಳು ರಷ್ಯಾಗೆ ತುಲನಾತ್ಮಕವಾಗಿ ಹೋಲಿಸಿದಾಗ ಸಾಕಷ್ಟು ಶೀಘ್ರವಾಗಿವೆ.
3. ಪುಟಿನ್ ನಮಗೆ ಸಹಾಯ ಮಾಡುವುದು ದೂರದ ಮಾತಾಯಿತು, ಭಾರತದ ವಿರುದ್ಧ ಚೀನಾದ ಅನೇಕ ಆಕ್ರಮಣಕಾರಿ ಕೃತ್ಯಗಳಿಗೆ ಪುಟಿನ್ ಕಣ್ಣು ಮುಚ್ಚಿ ಕುಳಿತಿದ್ದಾರೆ.
4. 2019 ಮತ್ತು 2020 ರಲ್ಲಿ UNSC ಯಲ್ಲಿ ಚೀನಾ ಕಾಶ್ಮೀರ ವಿಷಯವನ್ನು ಎತ್ತಿದಾಗ, ರಷ್ಯಾ ನಮಗೆ ಸ್ವಲ್ಪ ಕೂಡ ಸಹಾಯ ಮಾಡಲಿಲ್ಲ. ಆ ಸಮಯದಲ್ಲಿ ಅಮೇರಿಕಾ ಮತ್ತು ಯುರೋಪಿಯನ್ ದೇಶಗಳು – ತಮ್ಮದೇ ಆದ ಮಾನವ ಹಕ್ಕುಗಳ ಸಿದ್ಧಾಂತಗಳಿಗೆ ವಿರುದ್ಧವಾಗಿ – ನಮಗೆ ಸಹಾಯ ಮಾಡಿದವು. 

 

---

ಪ್ರಿಲಿಮ್ಸ್‌ಗೆ ಸಂಬಂಧಿಸಿದ ಸಂಗತಿಗಳು:

---

 

ಏಷ್ಯಾದ ಅತಿ ದೊಡ್ಡ ಕೊಳಚೆ ನೀರು ಸಂಸ್ಕರಣಾ ಘಟಕ:

(Asia’s Largest Sewage Treatment Plant)

 

1. ಓಖ್ಲಾ ಕೊಳಚೆ ನೀರು ಸಂಸ್ಕರಣಾ ಘಟಕವು ಯಮುನಾ ಶುದ್ಧೀಕರಣ ಪ್ರಕ್ರಿಯೆಯಲ್ಲಿ ಪ್ರಮುಖ ಪಾತ್ರ ವಹಿಸುವ ನಿರೀಕ್ಷೆಯಿದೆ.
2. ಇದು ದೆಹಲಿಯಲ್ಲಿದೆ.
3. ಈ ವರ್ಷದ ಡಿಸೆಂಬರ್‌ನಲ್ಲಿ ಇದು ಪೂರ್ಣಗೊಂಡಾಗ ಏಷ್ಯಾದಲ್ಲೇ ಅತಿದೊಡ್ಡ ಕೊಳಚೆ ನೀರು ಸಂಸ್ಕರಣಾ ಘಟಕವಾಗಲಿದೆ.

 

ವಿಶ್ವ ಆರೋಗ್ಯ ದಿನ:

 

ಪ್ರತಿ ವರ್ಷ ಏಪ್ರಿಲ್ 7 ರಂದು ವಿಶ್ವ ಆರೋಗ್ಯ ದಿನವನ್ನು ಆಚರಿಸಲಾಗುತ್ತದೆ.

 

1. 1948 ರ ಏಪ್ರಿಲ್ 7 ರಂದು ವಿಶ್ವ ಆರೋಗ್ಯ ಸಂಸ್ಥೆಯ (WHO) ಸ್ಥಾಪನೆಯನ್ನು ಸ್ಮರಿಸಲು ಇದನ್ನು ಇಂದು ಆಚರಿಸಲಾಗುತ್ತದೆ.
2. ಇದರ ಕಲ್ಪನೆಯನ್ನು 1948 ರಲ್ಲಿ ಮೊದಲ ಆರೋಗ್ಯ ಅಸೆಂಬ್ಲಿಯಲ್ಲಿ ಕಲ್ಪಿಸಲಾಯಿತು ಮತ್ತು ಇದು 1950 ರಲ್ಲಿ ಜಾರಿಗೆ ಬಂದಿತು.
3. 2022 ರ ಥೀಮ್: ನಮ್ಮ ಗ್ರಹ, ನಮ್ಮ ಆರೋಗ್ಯ (Our Planet Our Health).

 

ಅಶ್ವಿನಿ ವೈಷ್ಣವ ಸಮಿತಿ:

 

1. ಭಾರತದಲ್ಲಿ ಸೆಮಿಕಂಡಕ್ಟರ್ ತಯಾರಿಕೆಗೆ ಸಲಹಾ ಸಮಿತಿಯನ್ನು ರಚಿಸಲಾಗಿದೆ.
2. ಈ ಸಮಿತಿಯ ಅಧ್ಯಕ್ಷತೆಯನ್ನು ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಮಂತ್ರಿಗಳಾದ ಅಶ್ವಿನಿ ವೈಷ್ಣವ್ ವಹಿಸಲಿದ್ದಾರೆ.
3. ಸಮಿತಿಯು ಉದ್ದೇಶಗಳನ್ನು ರಚನಾತ್ಮಕ, ಪರಿಣಾಮಕಾರಿ ಮತ್ತು ಕಾರ್ಯತಂತ್ರದ ರೀತಿಯಲ್ಲಿ ನಡೆಸುತ್ತದೆ ಮತ್ತು ಭಾರತ ಸೆಮಿಕಂಡಕ್ಟರ್ ಮಿಷನ್ (ISM) ಕಾರ್ಯನಿರ್ವಾಹಕರಿಗೆ ಅಗತ್ಯ ಮಾರ್ಗದರ್ಶನವನ್ನು ನೀಡುತ್ತದೆ.

 

ಇಂಟರ್ನ್ಯಾಷನಲ್ ಎನರ್ಜಿ ಏಜೆನ್ಸಿ (IEA):

 

1. ಅಂತಾರಾಷ್ಟ್ರೀಯ ಇಂಧನ ಸಂಸ್ಥೆಯು (IEA) ಅಂತರ್ ಸರ್ಕಾರಿ ಸ್ವಾಯತ್ತ ಸಂಸ್ಥೆಯಾಗಿದ್ದು ಇದನ್ನು ಆರ್ಥಿಕ ಸಹಕಾರ ಮತ್ತು ಅಭಿವೃದ್ಧಿಗಾಗಿನ ಸಂಘಟನೆಯ (Organisation of Economic Cooperation and Development- OECD) ಫ್ರೇಮ್ವರ್ಕ್ ಪ್ರಕಾರ ಇದನ್ನು 1974 ರಲ್ಲಿ ಸ್ಥಾಪಿಸಲಾಯಿತು.
2. ಅದರ ಕಾರ್ಯೋದ್ದೇಶವು ಮುಖ್ಯವಾಗಿ ನಾಲ್ಕು ಪ್ರಮುಖ ಕ್ಷೇತ್ರಗಳ ಮೇಲೆ ಕೇಂದ್ರೀಕರಿಸಿದೆ: ಇಂಧನ ಸುರಕ್ಷತೆ, ಆರ್ಥಿಕ ಅಭಿವೃದ್ಧಿ, ಪರಿಸರ ಜಾಗೃತಿ ಮತ್ತು ಜಾಗತಿಕ ಭಾಗವಹಿಸುವಿಕೆ.
3. ಇದರ ಪ್ರಧಾನ ಕಚೇರಿಯು ( ಸಚಿವಾಲಯ) ಫ್ರಾನ್ಸ್‌ನ ಪ್ಯಾರಿಸ್‌ನಲ್ಲಿದೆ.

 

ಅದರ ಪಾತ್ರಗಳು ಮತ್ತು ಕಾರ್ಯಗಳು:

1. 1973-1974ರ ತೈಲ ಬಿಕ್ಕಟ್ಟಿನ ಸಂದರ್ಭದಲ್ಲಿ ಅದರ ಸದಸ್ಯರಿಗೆ ಪ್ರಮುಖ ತೈಲ ಪೂರೈಕೆ ಅಡಚಣೆ ಗಳಿಗೆ ಸ್ಪಂದಿಸಲು ಅಂತರರಾಷ್ಟ್ರೀಯ ಇಂಧನ ಏಜೆನ್ಸಿಯನ್ನು ಸ್ಥಾಪಿಸಲಾಯಿತು. ಅದು ಇಂದಿಗೂ ತನ್ನ ಪಾತ್ರವನ್ನು ನಿರ್ವಹಿಸುತ್ತಿದೆ.
2. ಜಾಗತಿಕವಾಗಿ ಪ್ರಮುಖ ಇಂಧನ ಪ್ರವೃತ್ತಿಗಳನ್ನು ಪತ್ತೆಹಚ್ಚುವುದು ಮತ್ತು ವಿಶ್ಲೇಷಿಸುವುದು, ಬಲವಾದ ಇಂಧನ ನೀತಿಗಳನ್ನು ಉತ್ತೇಜಿಸುವುದು ಮತ್ತು ಬಹುರಾಷ್ಟ್ರೀಯ ಇಂಧನ ತಂತ್ರಜ್ಞಾನ ಸಹಕಾರವನ್ನು ಉತ್ತೇಜಿಸಲು ಅಂತರರಾಷ್ಟ್ರೀಯ ಇಂಧನ ಸಂಸ್ಥೆ (IEA) ಆದೇಶವು ಕಾಲಾನಂತರದಲ್ಲಿ ವಿಸ್ತರಿಸಿದೆ. 

 

IEA ಸಂಯೋಜನೆ ಮತ್ತು ಸದಸ್ಯತ್ವದ ಅರ್ಹತೆ:

 

Composition and eligibility:

 

ಅಂತರರಾಷ್ಟ್ರೀಯ ಇಂಧನ ಸಂಸ್ಥೆ ಪ್ರಸ್ತುತ 30 ಸದಸ್ಯ ರಾಷ್ಟ್ರಗಳು ಮತ್ತು ಎಂಟು ಪಾಲುದಾರ ರಾಷ್ಟ್ರಗಳನ್ನು ಒಳಗೊಂಡಿದೆ. ಸದಸ್ಯರಾಗಲು, ದೇಶವೊಂದು ಆರ್ಥಿಕ ಸಹಕಾರ ಮತ್ತು ಅಭಿವೃದ್ಧಿ ಸಂಸ್ಥೆ (OECD) ಯಲ್ಲಿ ಸದಸ್ಯರಾಗುವುದು ಕಡ್ಡಾಯವಾಗಿದೆ. ಆದಾಗ್ಯೂ OECD ಯ ಎಲ್ಲಾ ಸದಸ್ಯರು IEA ಸದಸ್ಯರಲ್ಲ.

 

ಅಂತರರಾಷ್ಟ್ರೀಯ ಇಂಧನ ಏಜೆನ್ಸಿಯ ಸದಸ್ಯತ್ವಕ್ಕಾಗಿ ಒಂದು ದೇಶವು ಈ ಕೆಳಗಿನ ಷರತ್ತುಗಳನ್ನು ಪೂರೈಸಬೇಕು:

 

1. ಹಿಂದಿನ ವರ್ಷದ 90 ದಿನಗಳಲ್ಲಿ ಮಾಡಿದ ನಿವ್ವಳ ಆಮದಿಗೆ ಸಮನಾದ ಕಚ್ಚಾ ತೈಲ ಮತ್ತು / ಅಥವಾ ಉತ್ಪನ್ನ ನಿಕ್ಷೇಪಗಳನ್ನು ದೇಶದ ಸರ್ಕಾರವು ಹೊಂದಿರಬೇಕು. ಇವು ನೇರವಾಗಿ ಸರ್ಕಾರದ ಒಡೆತನದಲ್ಲಿಲ್ಲದಿದ್ದರೂ, ಜಾಗತಿಕ ತೈಲ ಪೂರೈಕೆಯಲ್ಲಿನ ಅಡೆತಡೆಯನ್ನು ನಿವಾರಿಸಲು ಇದನ್ನು ಬಳಸಬಹುದು.
2. ದೇಶದಲ್ಲಿ ರಾಷ್ಟ್ರೀಯ ತೈಲ ಬಳಕೆಯನ್ನು 10% ರಷ್ಟು ಕಡಿಮೆ ಮಾಡಲು ‘ಬೇಡಿಕೆ ನಿಯಂತ್ರಣ ಕಾರ್ಯಕ್ರಮ’ ವನ್ನು ಜಾರಿಗೆ ತರಬೇಕು.
3. ರಾಷ್ಟ್ರೀಯ ಆಧಾರಿತವಾಗಿ ಸಂಘಟಿತ ತುರ್ತು ಪ್ರತಿಕ್ರಿಯೆ ಕ್ರಮಗಳನ್ನು (Co-ordinated Emergency Response Measures- CERM) ಜಾರಿಗೆ ತರಲು ಶಾಸನ ಸಂಸ್ಥೆಗಳು ಇರಬೇಕು.
4. ಕೋರಿಕೆಯ ಮೇರೆಗೆ, ದೇಶದ ವ್ಯಾಪ್ತಿಯಲ್ಲಿ ಕೆಲಸ ಮಾಡುವ ಎಲ್ಲಾ ತೈಲ ಕಂಪನಿಗಳು ಮಾಹಿತಿ ನೀಡುತ್ತಿವೆಯೇ ಎಂದು ಖಚಿತಪಡಿಸಿಕೊಳ್ಳಲು ಕಾನೂನು ಕ್ರಮಗಳು ಇರಬೇಕು.
5. ಅಂತರರಾಷ್ಟ್ರೀಯ ಇಂಧನ ಏಜೆನ್ಸಿಯ ಸಾಮೂಹಿಕ ಕ್ರಮಕ್ಕೆ ಅದರ ಕೊಡುಗೆ ನೀಡುವುದನ್ನು ಖಚಿತಪಡಿಸಿಕೊಳ್ಳಲು ದೇಶದಲ್ಲಿ ಕಾನೂನುಗಳು ಅಥವಾ ಕ್ರಮಗಳು ಇರಬೇಕು. 

 

ಅಂತರರಾಷ್ಟ್ರೀಯ ಇಂಧನ ಸಂಸ್ಥೆ ಪ್ರಕಟಿಸುವ ವರದಿಗಳು:

1. ಜಾಗತಿಕ ಇಂಧನ ಮತ್ತು ಇಂಗಾಲದ ಡೈ ಆಕ್ಸೈಡ್ (CO2) ಸ್ಥಿತಿ ವರದಿ.(Global Energy & CO2 Status Report)
2. ವಿಶ್ವ ಇಂಧನ ಮುನ್ನೋಟ.(World Energy Outlook)
3. ವಿಶ್ವ ಇಂಧನ ಅಂಕಿಅಂಶಗಳು.(World Energy Statistics)
4. ವಿಶ್ವ ಇಂಧನ ಸಮತೋಲನ.(World Energy Balances)
5. ಇಂಧನ ತಂತ್ರಜ್ಞಾನದ ದೃಷ್ಟಿಕೋನಗಳು.(Energy Technology Perspectives).