[ad_1]
ಪರಿವಿಡಿ:
ಸಾಮಾನ್ಯ ಅಧ್ಯಯನ ಪತ್ರಿಕೆ 2:
1. ಸಾರ್ವಜನಿಕ ಲೆಕ್ಕಪತ್ರ ಸಮಿತಿ (PAC).
2. WHO ಜಾಗತಿಕ ಕ್ಷಯರೋಗ ಕಾರ್ಯಕ್ರಮ.
3. ಆಸಿಯಾನ್ ರಕ್ಷಣಾ ಮಂತ್ರಿಗಳ ಸಭೆ ಪ್ಲಸ್ (ADMM-Plus).
ಸಾಮಾನ್ಯ ಅಧ್ಯಯನ ಪತ್ರಿಕೆ 3:
1. ಚೆನ್ನೈ-ಕನ್ಯಾಕುಮಾರಿ ಕೈಗಾರಿಕಾ ಕಾರಿಡಾರ್ (CKIC).
2. ಒಳನಾಡಿನ ಹಡಗುಗಳ(ಶಿಪ್ಪಿಂಗ್) ಮಸೂದೆ.
3. ಡೀಪ್ ಓಷನ್ ಮಿಷನ್ ಪ್ರಾರಂಭಿಸಲು ಸಿದ್ಧವಾದ ಭಾರತ.
ಪೂರ್ವಭಾವಿ ಪರೀಕ್ಷೆಗೆ ಸಂಬಂಧಿಸಿದ ವಿದ್ಯಮಾನಗಳು:
1. ಜಿಐ ಪ್ರಮಾಣೀಕರಿಸಿದ ಜಲ್ಗಾಂವ್ ಬಾಳೆಹಣ್ಣು.
2. ಬ್ರಿಕ್ಸ್ ನೆಟ್‌ವರ್ಕ್ ವಿಶ್ವವಿದ್ಯಾಲಯ.
3. ಎಲ್ಲಾ ರಾಷ್ಟ್ರೀಯ ಹೆದ್ದಾರಿ ಯೋಜನೆಗಳಿಗೆ ಡ್ರೋನ್ ಸಮೀಕ್ಷೆ ಕಡ್ಡಾಯ.
4. ನ್ಯಾಷನಲ್ ಮ್ಯಾರಿಟೈಮ್ ಹೆರಿಟೇಜ್ ಕಾಂಪ್ಲೆಕ್ಸ್ (ಎನ್ಎಂಹೆಚ್ಸಿ).
5. ಆದಿಪ್ರಶಿಕ್ಷನ್ (ತರಬೇತಿ) ಪೋರ್ಟಲ್.
6. ವಿವಾಟೆಕ್.
ಸಾಮಾನ್ಯ ಅಧ್ಯಯನ ಪತ್ರಿಕೆ : 2
ವಿಷಯಗಳು: ಸಂಸತ್ತು ಮತ್ತು ರಾಜ್ಯ ಶಾಸಕಾಂಗಗಳು – ರಚನೆ, ಕಾರ್ಯವೈಖರಿ, ವ್ಯವಹಾರದ ನಡಾವಳಿಗಳು, ಅಧಿಕಾರಗಳು ಮತ್ತು ಸವಲತ್ತುಗಳು ಮತ್ತು ಇವುಗಳಿಂದ ಉಂಟಾಗುವ ಸಮಸ್ಯೆಗಳು.
ಸಾರ್ವಜನಿಕ ಲೆಕ್ಕಪತ್ರ ಸಮಿತಿ (PAC):
(Public Accounts Committee)
ಸಂದರ್ಭ:
ಸಂಸತ್ತಿನ ಸಾರ್ವಜನಿಕ ಲೆಕ್ಕಪತ್ರ ಸಮಿತಿ (Public Accounts Committee- PAC)ಯು, ಮುಂದಿನ ವರ್ಷಕ್ಕೆ ತನ್ನ ಕಾರ್ಯಸೂಚಿಯನ್ನು ನಿಗದಿಪಡಿಸಿದೆ.
ಒಮ್ಮತದ ಕೊರತೆಯಿಂದಾಗಿ, ‘ಲಸಿಕೆ ಉತ್ಪಾದನೆ ಮತ್ತು ವಿತರಣೆ’ ಎಂಬ ವಿಷಯವನ್ನು ಸಾರ್ವಜನಿಕ ಲೆಕ್ಕಪತ್ರ ಸಮಿತಿಯ ಈ ವರ್ಷದ ಕಾರ್ಯಸೂಚಿಯಲ್ಲಿ (agenda) ಸೇರಿಸಲಾಗಿಲ್ಲ.
ಸಮಿತಿಯ ನಿಯಮಗಳ ಪ್ರಕಾರ, ಒಂದು ವಿಷಯದ ಬಗ್ಗೆ ಎಲ್ಲ ಸದಸ್ಯರಲ್ಲಿ ಒಮ್ಮತವಿಲ್ಲದಿದ್ದರೆ, ಆ ವಿಷಯವನ್ನು ಚರ್ಚಿಸಲಾಗುವುದಿಲ್ಲ.
ಸಾರ್ವಜನಿಕ ಲೆಕ್ಕಪತ್ರ ಸಮಿತಿ ಕುರಿತು:
- ಸಾರ್ವಜನಿಕ ಲೆಕ್ಕಪತ್ರ ಸಮಿತಿಯನ್ನು ವಾರ್ಷಿಕವಾಗಿ ರಚಿಸಲಾಗುತ್ತದೆ. ಇದರಲ್ಲಿ ಗರಿಷ್ಠ ಸದಸ್ಯರ ಸಂಖ್ಯೆ 22 ಆಗಿದ್ದು, ಈ ಪೈಕಿ 15 ಸದಸ್ಯರನ್ನು ಲೋಕಸಭೆಯಿಂದ ಮತ್ತು 7 ಸದಸ್ಯರನ್ನು ರಾಜ್ಯಸಭೆಯಿಂದ ಆಯ್ಕೆ ಮಾಡಲಾಗುತ್ತದೆ.
- ಸಮಿತಿಯ ಸದಸ್ಯರ ಅಧಿಕಾರ ಅವಧಿ ಒಂದು ವರ್ಷ.
- ಸಮಿತಿಯ ಅಧ್ಯಕ್ಷರನ್ನು ಲೋಕಸಭೆಯ ಸ್ಪೀಕರ್ ನೇಮಕ ಮಾಡುತ್ತಾರೆ. 1967 ರಿಂದ,ಪ್ರತಿಪಕ್ಷದ ಸದಸ್ಯರನ್ನು ಸಮಿತಿಯ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗುತ್ತದೆ.
- ಕಂಟ್ರೋಲರ್ ಮತ್ತು ಆಡಿಟರ್ ಜನರಲ್ (CAG) ಯ ಲೆಕ್ಕಪರಿಶೋಧನಾ ವರದಿಯನ್ನು ಸಂಸತ್ತಿನಲ್ಲಿ ಮಂಡಿಸಿದ ನಂತರ ಅದನ್ನು ಪರಿಶೀಲಿಸುವುದು ಇದರ ಮುಖ್ಯ ಕಾರ್ಯವಾಗಿದೆ.
ಐತಿಹಾಸಿಕ ಹಿನ್ನೆಲೆ:
ಸಾರ್ವಜನಿಕ ಲೆಕ್ಕಪತ್ರ ಸಮಿತಿಯು ಸದನದ ಸಮಿತಿಗಳಲ್ಲಿ ಅತ್ಯಂತ ಹಳೆಯದು. ಮೊಂಟಾಗು-ಚೆಲ್ಮ್ಸ್ಫೋರ್ಡ್ ಸುಧಾರಣೆಗಳ ಹಿನ್ನೆಲೆಯಲ್ಲಿ ಸಾರ್ವಜನಿಕ ಲೆಕ್ಕಪತ್ರ ಸಮಿತಿಯನ್ನು ಮೊದಲು 1921 ರಲ್ಲಿ ರಚಿಸಲಾಯಿತು.
ಸಾರ್ವಜನಿಕ ಲೆಕ್ಕಪತ್ರ ಸಮಿತಿಯ ಮಿತಿಗಳು:
- ವಿಶಾಲವಾಗಿ ಹೇಳುವುದಾದರೆ, ಇದು ನೀತಿ ನಿರೂಪಣೆ ಪ್ರಶ್ನೆಗಳಲ್ಲಿ ಹಸ್ತಕ್ಷೇಪ ಮಾಡಲು ಸಾಧ್ಯವಿಲ್ಲ.
- ಖರ್ಚು ಮಾಡಿದ ನಂತರವೇ ಇದು ಇವುಗಳನ್ನು ಮೇಲ್ವಿಚಾರಣೆ ಮಾಡಬಹುದು. ಖರ್ಚನ್ನು ಮಿತಿಗೊಳಿಸುವ ಅಧಿಕಾರ ಇದಕ್ಕೆ ಇಲ್ಲ.
- ಇದು ದಿನನಿತ್ಯದ ಆಡಳಿತದ ವ್ಯವಹಾರಗಳಲ್ಲಿ ಹಸ್ತಕ್ಷೇಪ ಮಾಡಲು ಸಾಧ್ಯವಿಲ್ಲ.
- ಸಮಿತಿ ಮಾಡಿದ ಶಿಫಾರಸುಗಳು ಕೇವಲ ಸಲಹಾತ್ಮಕ ರೂಪದಲ್ಲಿರುತ್ತವೆ. ಈ ಶಿಫಾರಸುಗಳನ್ನು ಸಚಿವಾಲಯಗಳು ಸಹ ನಿರ್ಲಕ್ಷಿಸಬಹುದು.
- ಇದಕ್ಕೆ ಇಲಾಖೆಗಳ ವೆಚ್ಚವನ್ನು ನಿರ್ಬಂಧಿಸುವ ಅಧಿಕಾರವಿಲ್ಲ.
- ಇದು ಕೇವಲ ಕಾರ್ಯಕಾರಿ ಸಂಸ್ಥೆಯಾಗಿದ್ದು ಯಾವುದೇ ಆದೇಶಗಳನ್ನು ಹೊರಡಿಸುವ ಅಧಿಕಾರವನ್ನು ಹೊಂದಿಲ್ಲ. ಸಂಸತ್ತು ಮಾತ್ರ ಅದರ ಸಂಶೋಧನೆಗಳ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಳ್ಳಬಹುದು.
ವಿಷಯಗಳು: ಆರೋಗ್ಯ, ಶಿಕ್ಷಣ, ಸಾಮಾಜಿಕ ವಲಯ / ಸೇವೆಗಳ ಅಭಿವೃದ್ಧಿ ಮತ್ತು ನಿರ್ವಹಣೆಗೆ ಸಂಬಂಧಿಸಿದ ಮಾನವ ಸಂಪನ್ಮೂಲ ಸಂಬಂಧಿತ ವಿಷಯಗಳು.
WHO ಜಾಗತಿಕ ಕ್ಷಯರೋಗ ಕಾರ್ಯಕ್ರಮ:
(WHO Global Tuberculosis Programme)
ಸಂದರ್ಭ:
ಇತ್ತೀಚೆಗೆ, ವಿಶ್ವ ಆರೋಗ್ಯ ಸಂಸ್ಥೆಯ ಜಾಗತಿಕ ಕ್ಷಯರೋಗ ಕಾರ್ಯಕ್ರಮವು (WHO Global Tuberculosis Programme) ಕ್ಷಯರೋಗ ತಡೆಗಟ್ಟುವಿಕೆಯನ್ನು ತ್ವರಿತ ಗೊಳಿಸಲು ‘ಜಾಗತಿಕ ಅಭಿಯಾನ’ ವಾದ ಗ್ಲೋಬಲ್ ಡ್ರೈವ್ ಟು ಸ್ಕೆಲ ಅಪ್ ಟಿಬಿ ಪ್ರಿವೆನ್ಶನ್ (Global Drive to Scale up TB Prevention) ಅನ್ನು ವರ್ಚುವಲ್ ಸ್ವರೂಪದಲ್ಲಿ ಉನ್ನತ ಮಟ್ಟದ ಕಾರ್ಯಕ್ರಮವನ್ನು ಆಯೋಜಿಸಿದೆ.
ಈ ವಿಶೇಷ ಉನ್ನತ ಮಟ್ಟದ ಘಟನೆಯ ಉದ್ದೇಶವು ದೇಶ ಮತ್ತು ಜಾಗತಿಕ ಮಟ್ಟದಲ್ಲಿ ಕ್ಷಯರೋಗ ತಡೆಗಟ್ಟುವ ಕಾರ್ಯತಂತ್ರಗಳನ್ನು ವೇಗಗೊಳಿಸಲು ಅಗತ್ಯವಾದ ಕ್ರಮಗಳನ್ನು ಚರ್ಚಿಸುವುದು, ಟಿಬಿ ತಡೆಗಟ್ಟುವ ಚಿಕಿತ್ಸೆಯ 2022 ರ ವಿಶ್ವಸಂಸ್ಥೆಯ ಉನ್ನತ ಮಟ್ಟದ ಸಭೆಯ ಗುರಿಯನ್ನು ಸಾಧಿಸುವತ್ತ ಮುಂದುವರಿಯುವುದಾಗಿದೆ.
ಕ್ಷಯರೋಗ (ಟಿಬಿ) ಎಂದರೇನು?
- ಟಿಬಿ ಅಥವಾ ಕ್ಷಯವು ಬ್ಯಾಸಿಲಸ್ ಮೈಕೋಬ್ಯಾಕ್ಟೀರಿಯಂ ಟ್ಯೂಬರ್ಕ್ಯುಲೋಸಿಸ್ (Bacillus Mycobacterium tuberculosis)ಎಂಬ ಬ್ಯಾಕ್ಟೀರಿಯಂನಿಂದ ಉಂಟಾಗುವ ಸಾಂಕ್ರಾಮಿಕ ರೋಗವಾಗಿದೆ.
- ಇದು ಸಾಮಾನ್ಯವಾಗಿ ಶ್ವಾಸಕೋಶದ ಮೇಲೆ (pulmonary TB) ಪರಿಣಾಮ ಬೀರುತ್ತದೆ, ಆದರೆ ಇದು ಮಾನವ ದೇಹದ ಇತರ ಭಾಗಗಳ ಮೇಲೂ ಪರಿಣಾಮ ಬೀರುತ್ತದೆ.
- ಶ್ವಾಸಕೋಶದ ಕ್ಷಯದಿಂದ ಬಳಲುತ್ತಿರುವ ವ್ಯಕ್ತಿಯ ಕೆಮ್ಮುವ ಅಥವಾ ಇನ್ನಾವುದೇ ವಿಧಾನದಿಂದ ಗಾಳಿಯ ಮೂಲಕ ಈ ರೋಗ ಹರಡುತ್ತದೆ.
ಈ ನಿಟ್ಟಿನಲ್ಲಿ ಭಾರತ ನಡೆಸುತ್ತಿರುವ ಪ್ರಯತ್ನಗಳು:
- ಟಿಬಿಯನ್ನು ಕೊನೆಗೊಳಿಸಲು ಭಾರತವು ತನ್ನ ಸಂಪೂರ್ಣ ಅನುದಾನಿತ ರಾಷ್ಟ್ರೀಯ ಕಾರ್ಯತಂತ್ರದ ಯೋಜನೆಯನ್ನು ಆಕ್ರಮಣಕಾರಿಯಾಗಿ ಜಾರಿಗೊಳಿಸುತ್ತಿದೆ.
- ಭಾರತದಲ್ಲಿ, ಕಳೆದ ಕೆಲವು ವರ್ಷಗಳಲ್ಲಿ 50 ಮಿಲಿಯನ್ ಜನರಿಗೆ ಚಿಕಿತ್ಸೆ ನೀಡಲಾಗಿದೆ.
- ಟಿಬಿ ತಡೆಗಟ್ಟುವ ಚಿಕಿತ್ಸೆಯ (TB preventive treatment- TPT) ರಾಷ್ಟ್ರಮಟ್ಟದ ಚಟುವಟಿಕೆಗಳನ್ನು ವೇಗಗೊಳಿಸಲು ಭಾರತ ಬದ್ಧವಾಗಿದೆ.
- ವಿಶ್ವಸಂಸ್ಥೆಯ ಉನ್ನತ ಮಟ್ಟದ ಸಭೆಯ (UN High-Level Meeting- UNHLM) ಗುರಿಗಳನ್ನು ಪೂರೈಸುವುದು ಭಾರತದ ಪ್ರಯತ್ನವಾಗಿದೆ, ಇದರ ಅಡಿಯಲ್ಲಿ ಉಳಿದ 18 ತಿಂಗಳಲ್ಲಿ, ಜಾಗತಿಕವಾಗಿ, ಕ್ಷಯರೋಗಕ್ಕೆ 40 ದಶಲಕ್ಷ ಜನರಿಗೆ ಚಿಕಿತ್ಸೆ ನೀಡಬೇಕಾಗಿದ್ದರೆ 30 ದಶಲಕ್ಷ ಜನರಿಗೆ ಟಿಬಿ ತಡೆಗಟ್ಟುವ ಚಿಕಿತ್ಸೆಯನ್ನು ನೀಡಬೇಕಾಗಿದೆ.
- 2020 ರಲ್ಲಿ ರೂಪಿಸಲಾದ ರಾಜ್ಯಗಳು ಮತ್ತು ಜಿಲ್ಲೆಗಳ ಉಪ-ರಾಷ್ಟ್ರೀಯ ಪ್ರಮಾಣೀಕರಣ ಕಾರ್ಯಕ್ರಮ: ಈ ಉಪಕ್ರಮವು ‘ಟಿಬಿ ಮುಕ್ತ ಸ್ಥಿತಿಯತ್ತ ಪ್ರಗತಿ’ ಕುರಿತು ವಿವಿಧ ವಿಭಾಗಗಳ ಅಡಿಯಲ್ಲಿ ಜಿಲ್ಲೆಗಳು / ರಾಜ್ಯಗಳು / ಕೇಂದ್ರಾಡಳಿತ ಪ್ರದೇಶಗಳನ್ನು ಗುರುತಿಸುತ್ತದೆ, ಇದು ಟಿಬಿಯ ಸಂಭವಿಸುವಿಕೆಯ ಕುಸಿತದ ಮೈಲುಗಲ್ಲುಗಳೊಂದಿಗೆ ಗುರುತಿಸಲ್ಪಡುತ್ತದೆ. ಅದಕ್ಕೆ ಅನುಗುಣವಾಗಿ ಅಳೆಯಲಾಗುತ್ತದೆ.
ಭಾರತದ ವಾರ್ಷಿಕ ಕ್ಷಯರೋಗ ವರದಿ 2020:
- 2019 ರಲ್ಲಿ ಸುಮಾರು 24.04 ಲಕ್ಷ ಟಿಬಿ ರೋಗಿಗಳನ್ನು ಗುರುತಿಸಲಾಗಿದೆ. ಇದು 2018 ರ ವರ್ಷಕ್ಕೆ ಹೋಲಿಸಿದರೆ ಟಿಬಿ ರೋಗಿಗಳಲ್ಲಿ 14% ಹೆಚ್ಚಳವಾಗಿದೆ.
- 2017 ರಲ್ಲಿ ಟಿಬಿ ರೋಗಿಗಳ 10 ಲಕ್ಷಕ್ಕೂ ಹೆಚ್ಚು ಅಜ್ಞಾತ ಪ್ರಕರಣಗಳು ಕಂಡುಬಂದಿದ್ದರೆ, ಈಗ ಇದು 2.9 ಲಕ್ಷಕ್ಕೆ ಇಳಿದಿದೆ.
- ಖಾಸಗಿ ವಲಯದಲ್ಲಿ 35% ಹೆಚ್ಚಳದೊಂದಿಗೆ,78 ಲಕ್ಷ ಟಿಬಿ ರೋಗಿ ಗಳನ್ನು ಗುರುತಿಸಿಲಾಗಿದೆ.
- ಕ್ಷಯರೋಗದಿಂದ ಬಳಲುತ್ತಿರುವ ಮಕ್ಕಳ ಪ್ರಮಾಣವು 2018 ರಲ್ಲಿ ಇದ್ದ 6% ರಿಂದ 2019 ರಲ್ಲಿ 8% ಕ್ಕೆ ಏರಿದೆ.
- ಎಲ್ಲಾ ಪತ್ತೆಹಚ್ಚಲ್ಪಟ್ಟ ಟಿಬಿ ರೋಗಿಗಳ ಎಚ್‌ಐವಿ ಪರೀಕ್ಷೆಯನ್ನು 2018 ರಲ್ಲಿ 67% ರಿಂದ 2019 ರಲ್ಲಿ 81% ಕ್ಕೆ ಹೆಚ್ಚಿಸಲಾಗಿದೆ.
- ಚಿಕಿತ್ಸಾ ಸೇವೆಗಳ ವಿಸ್ತರಣೆಯು ಅಧಿಸೂಚಿತ ಕ್ಷಯ ರೋಗಿಗಳ ಚಿಕಿತ್ಸೆಯ ಯಶಸ್ಸಿನ ದರದಲ್ಲಿ 12% ರಷ್ಟು ಸುಧಾರಣೆಗೆ ಕಾರಣವಾಗಿದೆ. 2018 ರ ದರ 69% ಆಗಿದ್ದರೆ, 2019 ರಲ್ಲಿ 81% ರಷ್ಟಾಗಿದೆ.
ವಿಷಯಗಳು: ಪ್ರಮುಖ ಅಂತರರಾಷ್ಟ್ರೀಯ ಸಂಸ್ಥೆಗಳು, ಏಜೆನ್ಸಿಗಳು ಮತ್ತು ವೇದಿಕೆಗಳು, ಅವುಗಳ ರಚನೆ, ಮತ್ತು ಆದೇಶ.
ಆಸಿಯಾನ್ ರಕ್ಷಣಾ ಮಂತ್ರಿಗಳ ಸಭೆ ಪ್ಲಸ್ (ADMM-Plus):
(ASEAN Defence Ministers’ Meeting Plus (ADMM-Plus)
ಸಂದರ್ಭ:
ಇತ್ತೀಚೆಗೆ, 8 ನೇ ಆಸಿಯಾನ್ ರಕ್ಷಣಾ ಮಂತ್ರಿಗಳ ಸಭೆ ನಡೆಯಿತು. ಈ ವರ್ಷ ADMM-Plus ಫೋರಂ ನ ಅಧ್ಯಕ್ಷತೆಯನ್ನು ಬ್ರೂನಿ ವಹಿಸಿದೆ ಕಾರಣ ಬ್ರೂನಿ ಈ ವರ್ಷ ಆಸಿಯಾನ್ ಗುಂಪಿನ ಅಧ್ಯಕ್ಷ ಕೂಡ ಆಗಿದೆ.
ADMM-Plus ಬಗ್ಗೆ:
ಆಸಿಯಾನ್ ರಕ್ಷಣಾ ಮಂತ್ರಿಗಳ ಸಭೆಯ (ASEAN Defence Ministers’ Meeting- ADMM) ಮುಕ್ತ ಮತ್ತು ಹೊರನೋಟದ ಮಾರ್ಗದರ್ಶಿ ಸೂತ್ರಗಳಿಗೆ ಅನುಗುಣವಾಗಿ, 2007 ರಲ್ಲಿ ಸಿಂಗಾಪುರದಲ್ಲಿ ನಡೆದ ADMM ನ ಎರಡನೇ ಸಭೆಯಲ್ಲಿ ಎಡಿಎಂಎಂ ಪ್ಲಸ್ ಸ್ಥಾಪನೆಗಾಗಿ ಕಾನ್ಸೆಪ್ಟ್ ಪೇಪರ್ (Concept Paper) ಅನ್ನು ಅಂಗೀಕರಿಸಲಾಯಿತು.
ಈ ಪ್ರದೇಶದಲ್ಲಿ ಶಾಂತಿ, ಸ್ಥಿರತೆ ಮತ್ತು ಅಭಿವೃದ್ಧಿಗೆ ಭದ್ರತೆ ಮತ್ತು ರಕ್ಷಣಾ ಸಹಕಾರವನ್ನು ಬಲಪಡಿಸಲು ಆಸಿಯಾನ್ ಮತ್ತು ಅದರ ಸಂವಾದ ಪಾಲುದಾರ ರಾಷ್ಟ್ರಗಳಿಗೆ ಎಡಿಎಂಎಂ-ಪ್ಲಸ್ (ADMM-Plus) ಒಂದು ವೇದಿಕೆಯಾಗಿದೆ.
- ಎಡಿಎಂಎಂ ಪ್ಲಸ್‌ನ ಸಂವಾದ ಪಾಲುದಾರರಲ್ಲಿ ಆಸ್ಟ್ರೇಲಿಯಾ, ಚೀನಾ, ಭಾರತ, ಜಪಾನ್, ನ್ಯೂಜಿಲೆಂಡ್, ದಕ್ಷಿಣ ಕೊರಿಯಾ, ರಷ್ಯಾ ಮತ್ತು ಯುನೈಟೆಡ್ ಸ್ಟೇಟ್ಸ್ ಸೇರಿವೆ. ಇವುಗಳನ್ನು ಒಟ್ಟಾಗಿ “ಪ್ಲಸ್ ದೇಶಗಳು” ಎಂದು ಕರೆಯಲಾಗುತ್ತದೆ.
- ಹೆಚ್ಚಿನ ಸಂವಾದ ಮತ್ತು ಪಾರದರ್ಶಕತೆಯ ಮೂಲಕ ಸದಸ್ಯ ರಾಷ್ಟ್ರಗಳ ರಕ್ಷಣಾ ಸಂಸ್ಥೆಗಳ ನಡುವೆ ಪರಸ್ಪರ ನಂಬಿಕೆಯನ್ನು ಉತ್ತೇಜಿಸುವುದು ಇದರ ಉದ್ದೇಶವಾಗಿದೆ.
ಈ ಕಾರ್ಯವಿಧಾನದ ಅಡಿಯಲ್ಲಿ ಪ್ರಾಯೋಗಿಕ ಸಹಕಾರದ ಕ್ಷೇತ್ರಗಳು:
- ಈ ಹೊಸ ಕಾರ್ಯವಿಧಾನದಡಿಯಲ್ಲಿ, ರಕ್ಷಣಾ ಕ್ಷೇತ್ರದಲ್ಲಿ ಈ ಕೆಳಗಿನ ಐದು ಸಹಕಾರ ಕ್ಷೇತ್ರಗಳನ್ನು ಒಪ್ಪಲಾಗಿದೆ: ಕಡಲ ಭದ್ರತೆ, ಭಯೋತ್ಪಾದನೆ ನಿಗ್ರಹ, ಮಾನವೀಯ ನೆರವು ಮತ್ತು ವಿಪತ್ತು ಪರಿಹಾರ, ಶಾಂತಿಪಾಲನೆ ಮತ್ತು ಮಿಲಿಟರಿ ಔಷಧ.
- 2013 ರಲ್ಲಿ, ಸಹಕಾರ ಕ್ಷೇತ್ರಗಳಲ್ಲಿ ‘ಹ್ಯುಮಾನಿಟೇರಿಯನ್ ಮೈನ್ ಆಕ್ಷನ್’ (Humanitarian Mine Action) ಎಂಬ ಹೊಸ ಆದ್ಯತೆಯ ಪ್ರದೇಶವನ್ನು ಒಪ್ಪಲಾಯಿತು.
ಸಾಮಾನ್ಯ ಅಧ್ಯಯನ ಪತ್ರಿಕೆ : 3
ವಿಷಯಗಳು: ಮೂಲಸೌಕರ್ಯ: ಇಂಧನ, ಬಂದರುಗಳು, ರಸ್ತೆಗಳು, ವಿಮಾನ ನಿಲ್ದಾಣಗಳು, ಇತ್ಯಾದಿಗಳು.
ಚೆನ್ನೈ-ಕನ್ಯಾಕುಮಾರಿ ಕೈಗಾರಿಕಾ ಕಾರಿಡಾರ್ (CKIC):
(Chennai–Kanyakumari Industrial Corridor (CKIC)
ಸಂದರ್ಭ:
ಸಾರಿಗೆ ಸಂಪರ್ಕವನ್ನು ಸುಧಾರಿಸಲು ಮತ್ತು ತಮಿಳುನಾಡಿನ ಚೆನ್ನೈ-ಕನ್ಯಾಕುಮಾರಿ ಕೈಗಾರಿಕಾ ಕಾರಿಡಾರ್ (Chennai–Kanyakumari Industrial Corridor CKIC) ಯಲ್ಲಿ ಕೈಗಾರಿಕಾ ಅಭಿವೃದ್ಧಿಗೆ ಅನುಕೂಲವಾಗುವಂತೆ ಏಷ್ಯನ್ ಅಭಿವೃದ್ಧಿ ಬ್ಯಾಂಕ್ (Asian Development Bank ADB) ಮತ್ತು ಭಾರತ ಸರ್ಕಾರ ಇತ್ತೀಚೆಗೆ $ 484 ಮಿಲಿಯನ್ ಸಾಲಕ್ಕೆ ಸಹಿ ಹಾಕಿವೆ.
ಸಿಕೆಐಸಿ ಭಾರತದ ಪೂರ್ವ ಕರಾವಳಿ ಆರ್ಥಿಕ ಕಾರಿಡಾರ್ (East Coast Economic Corridor- ECEC) ನ ಭಾಗವಾಗಿದ್ದು, ಇದು ಪಶ್ಚಿಮ ಬಂಗಾಳದಿಂದ ತಮಿಳುನಾಡಿನವರೆಗೆ ವ್ಯಾಪಿಸಿದೆ.
‘ಕೈಗಾರಿಕಾ ಕಾರಿಡಾರ್’ ಎಂದರೇನು?
- ಕೈಗಾರಿಕಾ ಕಾರಿಡಾರ್ ಮೂಲತಃ ಬಹು-ಮಾದರಿ ಸಾರಿಗೆ ಸೇವೆಗಳನ್ನು ಒಳಗೊಂಡಿರುವ ಕಾರಿಡಾರ್ ಆಗಿದ್ದು ಅದು ರಾಜ್ಯಗಳ ಮೂಲಕ ಮುಖ್ಯ ಜೀವನಾಡಿಯಂತೆ ಹಾದುಹೋಗುವ ಪ್ರಮುಖ ಹೆದ್ದರಿಯಾಗಿದೆ. ಅಥವಾ ಕೈಗಾರಿಕಾ ಕಾರಿಡಾರ್, ಮೂಲತಃ, ರಾಜ್ಯಗಳ ಮೂಲಕ ಮುಖ್ಯ ರಸ್ತೆಯಾಗಿ ಹಾದುಹೋಗುವ ಬಹು-ಮಾದರಿ ಸಾರಿಗೆ ಸೇವೆಗಳನ್ನು ಒಳಗೊಂಡಿರುವ ಕಾರಿಡಾರ್ ಆಗಿದೆ.
- ಕೈಗಾರಿಕಾ ಕಾರಿಡಾರ್‌ಗಳು ಒಟ್ಟಾರೆಯಾಗಿ ಉದ್ಯಮ ಮತ್ತು ಮೂಲಸೌಕರ್ಯಗಳ ನಡುವೆ ಪರಿಣಾಮಕಾರಿ ಐಕ್ಯತೆಯನ್ನು ನಿರ್ಮಿಸುವ ಮೂಲಕ ಆರ್ಥಿಕ ಮತ್ತು ಸಾಮಾಜಿಕ ಅಭಿವೃದ್ಧಿಗೆ ಕಾರಣವಾಗುತ್ತವೆ.
ಕೈಗಾರಿಕಾ ಕಾರಿಡಾರ್‌ಗಳು ವಿಶ್ವ ದರ್ಜೆಯ ಮೂಲಸೌಕರ್ಯಗಳನ್ನು ರಚಿಸುತ್ತವೆ, ಅವುಗಳೆಂದರೆ:
- ವೇಗದ ಸಾರಿಗೆ–ಸಂಪರ್ಕ ಜಾಲ–ರೈಲು ಮತ್ತು ರಸ್ತೆ.
- ಅತ್ಯಾಧುನಿಕ ಸರಕು ನಿರ್ವಹಣಾ ಸಾಧನಗಳೊಂದಿಗೆ ಬಂದರುಗಳು.
- ಆಧುನಿಕ ವಿಮಾನ ನಿಲ್ದಾಣಗಳು.
- ವಿಶೇಷ ಆರ್ಥಿಕ ವಲಯಗಳು / ಕೈಗಾರಿಕಾ ಪ್ರದೇಶಗಳು.
- ಲಾಜಿಸ್ಟಿಕ್ ಉದ್ಯಾನವನಗಳು / ಸಾಗಣೆ ಕೇಂದ್ರಗಳು (ಟ್ರಾನ್ಸ್‌ಶಿಪ್ಮೆಂಟ್ ಹಬ್).
- ಕೈಗಾರಿಕಾ ಅಗತ್ಯಗಳನ್ನು ಪೂರೈಸುವ ಕಡೆಗೆ ಗಮನ ಕೇಂದ್ರೀಕರಿಸಿದ ಜ್ಞಾನ ಉದ್ಯಾನಗಳು.
- ಟೌನ್‌ಶಿಪ್‌ಗಳು / ರಿಯಲ್ ಎಸ್ಟೇಟ್ ನಂತಹ ಪೂರಕ ಮೂಲಸೌಕರ್ಯ.
ಕೈಗಾರಿಕಾ ಕಾರಿಡಾರ್‌ಗಳ ಪ್ರಾಮುಖ್ಯತೆ:
ಒಳನಾಡು ಪ್ರದೇಶಗಳು ಮತ್ತು ಬಂದರುಗಳೊಂದಿಗೆ ಕೈಗಾರಿಕಾ ಹಬ್‌ಗಳ ವರ್ಧಿತ ಸಂಪರ್ಕವು, ವಿಶೇಷವಾಗಿ ಜಾಗತಿಕ ಉತ್ಪಾದನಾ ಜಾಲ ಮತ್ತು ಜಾಗತಿಕ ಮೌಲ್ಯ ಸರಪಳಿಗಳಲ್ಲಿ, ಭಾರತೀಯ ಉತ್ಪಾದನೆಯ ಭಾಗವಹಿಸುವಿಕೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ, ಇದರಿಂದಾಗಿ ಈ ಕಾರಿಡಾರ್‌ನಲ್ಲಿ ಉದ್ಯೋಗ ಸೃಷ್ಟಿಯಾಗುತ್ತದೆ.
ಸಾರಿಗೆ ಅಭಿವೃದ್ಧಿಗಾಗಿ ಈ ಕೆಳಗಿನ ಹನ್ನೊಂದು ಕೈಗಾರಿಕಾ ಕಾರಿಡಾರ್ ಯೋಜನೆಗಳನ್ನು ಭಾರತ ಸರ್ಕಾರವು ಗುರುತಿಸಿದೆ ಮತ್ತು ಅಂಗೀಕರಿಸಿದೆ:
- ದೆಹಲಿ ಮುಂಬೈ ಇಂಡಸ್ಟ್ರಿಯಲ್ ಕಾರಿಡಾರ್ (DMIC)
- ಚೆನ್ನೈ ಬೆಂಗಳೂರು ಕೈಗಾರಿಕಾ ಕಾರಿಡಾರ್ (CBIC)
- ಕೊಯಮತ್ತೂರಿನಿಂದ ಕೊಚ್ಚಿಗೆ CBIC ವಿಸ್ತರಣೆ
- ಅಮೃತಸರ ಕೋಲ್ಕತಾ ಕೈಗಾರಿಕಾ ಕಾರಿಡಾರ್ (AKIC)
- ಹೈದರಾಬಾದ್ ನಾಗ್ಪುರ ಕೈಗಾರಿಕಾ ಕಾರಿಡಾರ್ (HNIC)
- ಹೈದರಾಬಾದ್ ವಾರಂಗಲ್ ಇಂಡಸ್ಟ್ರಿಯಲ್ ಕಾರಿಡಾರ್ (HWIC)
- ಹೈದರಾಬಾದ್ ಬೆಂಗಳೂರು ಕೈಗಾರಿಕಾ ಕಾರಿಡಾರ್ (HBIC)
- ಬೆಂಗಳೂರು ಮುಂಬೈ ಇಂಡಸ್ಟ್ರಿಯಲ್ ಕಾರಿಡಾರ್ (BMIC)
- ಹಂತ 1 ರಲ್ಲಿ ಈಸ್ಟ್ ಕೋಸ್ಟ್ ಎಕನಾಮಿಕ್ ಕಾರಿಡಾರ್ (ECEC), ವೈಜಾಗ್ ಚೆನ್ನೈ ಇಂಡಸ್ಟ್ರಿಯಲ್ ಕಾರಿಡಾರ್ (VCIC)
- ಒಡಿಶಾ ಆರ್ಥಿಕ ಕಾರಿಡಾರ್ (OEC)
- ದೆಹಲಿ ನಾಗ್ಪುರ ಕೈಗಾರಿಕಾ ಕಾರಿಡಾರ್ (DNIC)
ಈ ಹನ್ನೊಂದು ಕೈಗಾರಿಕಾ ಕಾರಿಡಾರ್ ಯೋಜನೆಗಳನ್ನು ರಾಷ್ಟ್ರೀಯ ಕೈಗಾರಿಕಾ ಕಾರಿಡಾರ್ ಅಭಿವೃದ್ಧಿ ಮತ್ತು ಅನುಷ್ಠಾನ ಟ್ರಸ್ಟ್ (NICDIT) ಮೂಲಕ ಅನುಷ್ಠಾನಕ್ಕೆ ತರಲಾಗುವುದು.
ವಿಷಯಗಳು: ಮೂಲಸೌಕರ್ಯ: ಇಂಧನ, ಬಂದರುಗಳು, ರಸ್ತೆಗಳು, ವಿಮಾನ ನಿಲ್ದಾಣಗಳು, ಇತ್ಯಾದಿಗಳು.
ಒಳನಾಡಿನ ಹಡಗುಗಳ(ಶಿಪ್ಪಿಂಗ್) ಮಸೂದೆ:
(Inland Vessels Bill)
ಸಂದರ್ಭ:
ಇತ್ತೀಚೆಗೆ, ಕೇಂದ್ರ ಕ್ಯಾಬಿನೆಟ್ 2021 ರ ಒಳನಾಡಿನ ಹಡಗು ಮಸೂದೆಗೆ (Inland Vessels Bill, 2021) ಅನುಮೋದನೆ ನೀಡಿದೆ. ಈ ಮಸೂದೆ ‘ಒಳನಾಡಿನ ಹಡಗು ಕಾಯ್ದೆ’, 1917 ಅನ್ನು ಬದಲಾಯಿಸುತ್ತದೆ.
- ಒಳನಾಡಿನ ಹಡಗುಗಳ ಸುರಕ್ಷತೆ, ಭದ್ರತೆ ಮತ್ತು ನೋಂದಣಿಯನ್ನು ನಿಯಂತ್ರಿಸಲು ಈ ಮಸೂದೆಯಲ್ಲಿ ಅವಕಾಶ ಕಲ್ಪಿಸಲಾಗಿದೆ.
ಮಸೂದೆಯ ಪ್ರಮುಖ ಅಂಶಗಳು:
- ‘ಒಳನಾಡಿನ ಹಡಗು ಮಸೂದೆ’ಯಲ್ಲಿ, ವಿವಿಧ ರಾಜ್ಯಗಳು ಮಾಡಿದ ಪ್ರತ್ಯೇಕ ನಿಯಮಗಳ ಬದಲಾಗಿ, ಇಡೀ ದೇಶಕ್ಕೆ ಏಕೀಕೃತ ಕಾನೂನಿಗೆ ಅವಕಾಶ ಕಲ್ಪಿಸಲಾಗಿದೆ.
- ಪ್ರಸ್ತಾವಿತ ಕಾನೂನಿನಡಿಯಲ್ಲಿ ನೀಡಲಾದ ನೋಂದಣಿ ಪ್ರಮಾಣಪತ್ರವು ಎಲ್ಲಾ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಮಾನ್ಯವಾಗಿರುತ್ತದೆ ಮತ್ತು ರಾಜ್ಯಗಳಿಂದ ಯಾವುದೇ ಪ್ರತ್ಯೇಕ ಅನುಮತಿ ಪಡೆಯುವ ಅಗತ್ಯವಿರುವುದಿಲ್ಲ.
- ಎಲೆಕ್ಟ್ರಾನಿಕ್ ಪೋರ್ಟಲ್‌ನಲ್ಲಿ ಹಡಗು, ಹಡಗು ನೋಂದಣಿ ಮತ್ತು ಸಿಬ್ಬಂದಿ ವಿವರಗಳನ್ನು ರೆಕಾರ್ಡಿಂಗ್(ದಾಖಲು) ಮಾಡಲು ಕೇಂದ್ರ ದತ್ತಾಂಶವನ್ನು ರಚಿಸಲು ಮಸೂದೆ ಅವಕಾಶ ಒದಗಿಸುತ್ತದೆ.
- ಮಸೂದೆಯಡಿಯಲ್ಲಿ, ಯಾಂತ್ರಿಕವಾಗಿ ಮುಂದೂಡಲ್ಪಟ್ಟ ಎಲ್ಲಾ ಹಡಗುಗಳನ್ನು ನೋಂದಾಯಿಸುವುದು ಕಡ್ಡಾಯಗೊಳಿಸಲಾಗಿದೆ. ಯಾಂತ್ರಿಕವಾಗಿ ಮುಂದೂಡದ ಎಲ್ಲಾ ಹಡಗುಗಳನ್ನು ಜಿಲ್ಲಾ, ತಾಲ್ಲೂಕು ಅಥವಾ ಪಂಚಾಯತ್ ಅಥವಾ ಗ್ರಾಮ ಮಟ್ಟದಲ್ಲಿ ನೋಂದಾಯಿಸಬೇಕಾಗುತ್ತದೆ.
ಭಾರತದಲ್ಲಿ ‘ಒಳನಾಡಿನ ಜಲ ಸಾರಿಗೆ’:
(Inland Water Transport-IWT)
- ಭಾರತದಲ್ಲಿ ಸಂಚರಿಸಬಹುದಾದ ಜಲಮಾರ್ಗಗಳ ಉದ್ದ ಸುಮಾರು 14,500 ಕಿ.ಮೀ., ಮತ್ತು ನದಿಗಳು, ಕಾಲುವೆಗಳು, ಹಿನ್ನೀರು(Backwaters), ಕೊಲ್ಲಿಗಳು ಇತ್ಯಾದಿಗಳನ್ನು ಒಳಗೊಂಡಿದೆ.
- ಒಳನಾಡಿನ ಜಲ ಸಾರಿಗೆ (IWT) ಇಂಧನ-ದಕ್ಷ ಮತ್ತು ಪರಿಸರ ಸ್ನೇಹಿ ಸಾರಿಗೆ ವಿಧಾನವಾಗಿದೆ.
- ರಾಷ್ಟ್ರೀಯ ಜಲಮಾರ್ಗ ಕಾಯ್ದೆ 2016 ರ ಪ್ರಕಾರ 111 ಜಲಮಾರ್ಗಗಳನ್ನು ರಾಷ್ಟ್ರೀಯ ಜಲಮಾರ್ಗ (National Waterways- NWs) ಎಂದು ಘೋಷಿಸಲಾಗಿದೆ.
- ಒಳನಾಡಿನ ಜಲಮಾರ್ಗ ಪ್ರಾಧಿಕಾರ (IWAI), ವಿಶ್ವಬ್ಯಾಂಕ್‌ನ ತಾಂತ್ರಿಕ ಮತ್ತು ಆರ್ಥಿಕ ಸಹಾಯದಿಂದ, ಗಂಗಾದ ಹಲ್ಡಿಯಾ-ವಾರಣಾಸಿ ವಿಸ್ತಾರದಲ್ಲಿ (ರಾಷ್ಟ್ರೀಯ ಜಲಮಾರ್ಗ (NW) -1) ಹಡಗು ಸಾಮರ್ಥ್ಯವನ್ನು ಹೆಚ್ಚಿಸಲು ಸುಮಾರು ₹.18 ಕೋಟಿ ವೆಚ್ಚದಲ್ಲಿ ಜಲ್ ಮಾರ್ಗ ವಿಕಾಸ್ ಯೋಜನೆ (JMVP) ಜಾರಿಗೆ ತರುತ್ತಿದೆ.
ವಿಷಯಗಳು: ವಿಜ್ಞಾನ ಮತ್ತು ತಂತ್ರಜ್ಞಾನ- ಬೆಳವಣಿಗೆಗಳು ಮತ್ತು ಅವುಗಳ ಅನ್ವಯಗಳು ಮತ್ತು ದೈನಂದಿನ ಜೀವನದಲ್ಲಿ ಅವುಗಳ ಪರಿಣಾಮಗಳು ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಭಾರತೀಯರ ಸಾಧನೆಗಳು; ತಂತ್ರಜ್ಞಾನದ ದೇಶೀಕರಣ ಮತ್ತು ಹೊಸ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸುವುದು.
ಡೀಪ್ ಓಷನ್ ಮಿಷನ್ ಪ್ರಾರಂಭಿಸಲು ಸಿದ್ಧವಾದ ಭಾರತ:
(Deep Ocean Mission)
ಸಂದರ್ಭ:
ಇತ್ತೀಚೆಗೆ, ಕೇಂದ್ರ ಸಚಿವ ಸಂಪುಟವು ದೀರ್ಘಕಾಲದಿಂದ ಬಾಕಿ ಇರುವ ‘ಡೀಪ್ ಓಷನ್ ಮಿಷನ್’ಗೆ ಅನುಮೋದನೆ ನೀಡಿದೆ.
ಈ ಮಿಷನ್ ಕುರಿತು:
‘ಡೀಪ್ ಓಷನ್ ಮಿಷನ್’ (Deep Ocean Mission) ಅಡಿಯಲ್ಲಿ, 35 ವರ್ಷಗಳ ಹಿಂದೆ ಇಸ್ರೋ ಪ್ರಾರಂಭಿಸಿದ ಬಾಹ್ಯಾಕಾಶ ಪರಿಶೋಧನೆಗೆ ಹೋಲುವಂತಹ ಆಳವಾದ ಸಾಗರವನ್ನು ಅನ್ವೇಷಿಸಲು ಪ್ರಸ್ತಾಪಿಸಲಾಗಿದೆ.
ಆಳವಾದ ಸಮುದ್ರ ಗಣಿಗಾರಿಕೆ, ಸಾಗರ ಹವಾಮಾನ ಬದಲಾವಣೆ ಸಲಹಾ ಸೇವೆಗಳು, ನೀರೊಳಗಿನ ವಾಹನಗಳು ಮತ್ತು ನೀರೊಳಗಿನ ರೊಬೊಟಿಕ್ಸ್‌ಗೆ ಸಂಬಂಧಿಸಿದ ತಂತ್ರಜ್ಞಾನಗಳ ಮೇಲೆ ಈ ಮಿಷನ್ ಗಮನ ಹರಿಸಲಿದೆ.
5 ವರ್ಷಗಳ ಅವಧಿಯಲ್ಲಿ ಹಂತಹಂತವಾಗಿ ಈ ಅಭಿಯಾನದ ಅನುಷ್ಠಾನಕ್ಕೆ ಅಂದಾಜು 4,077 ಕೋಟಿ ರೂ. ವೆಚ್ಚವಾಗಲಿದೆ.
ಈ ಮಹತ್ವಾಕಾಂಕ್ಷೆಯ ಬಹು-ಸಾಂಸ್ಥಿಕ ಕಾರ್ಯಾಚರಣೆಯನ್ನು ಅನುಷ್ಠಾನಗೊಳಿಸಲು ಭೂ ವಿಜ್ಞಾನ ಸಚಿವಾಲಯವು (MoES) ನೋಡಲ್ ಸಚಿವಾಲಯವಾಗಿರುತ್ತದೆ.
ಕಾರ್ಯಾಚರಣೆಯ ಪ್ರಮುಖ ಅಂಶಗಳು:
- ಈ ಆಳ ಸಮುದ್ರದ ಅನ್ವೇಷಣೆ ಅಭಿಯಾನವು ಈ ಕೆಳಗಿನ ಆರು ಪ್ರಮುಖ ಅಂಶಗಳನ್ನು ಒಳಗೊಂಡಿದೆ:
- ಆಳ ಸಮುದ್ರ ಗಣಿಗಾರಿಕೆ ಮತ್ತು ಮಾನವಸಹಿತ ಜಲಾಂತರ್ಗಾಮಿ ತಂತ್ರಜ್ಞಾನಗಳ ಅಭಿವೃದ್ಧಿ: ಮೂರು ಜನರನ್ನು ಸಮುದ್ರದಲ್ಲಿ 6,000 ಮೀಟರ್ ಆಳಕ್ಕೆ ಕೊಂಡೊಯ್ಯಲು ವೈಜ್ಞಾನಿಕ ಸಂವೇದಕಗಳು ಮತ್ತು ಉಪಕರಣಗಳನ್ನು ಹೊಂದಿರುವ ಮಾನವಸಹಿತ ಜಲಾಂತರ್ಗಾಮಿ ನೌಕೆಯನ್ನು ಅಭಿವೃದ್ಧಿಪಡಿಸಲಾಗುವುದು. ಮಧ್ಯ ಹಿಂದೂ ಮಹಾಸಾಗರದ ಈ ಆಳದಲ್ಲಿ ಪಾಲಿಮೆಟಾಲಿಕ್ ಗಂಟುಗಳನ್ನು ಗಣಿಗಾರಿಕೆ ಮಾಡಲು ಸಮಗ್ರ ಗಣಿಗಾರಿಕೆ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಗುವುದು.
- ಸಾಗರ ಹವಾಮಾನ ಬದಲಾವಣೆ ಸಲಹಾ ಸೇವೆಗಳ ಅಭಿವೃದ್ಧಿ.
- ಆಳ ಸಮುದ್ರದ ಜೀವವೈವಿಧ್ಯತೆಯ ಪರಿಶೋಧನೆ ಮತ್ತು ಸಂರಕ್ಷಣೆಗಾಗಿ ತಾಂತ್ರಿಕ ಆವಿಷ್ಕಾರಗಳು: ಸೂಕ್ಷ್ಮ ಜೀವಿಗಳು ಸೇರಿದಂತೆ ಆಳ ಸಮುದ್ರದ ಸಸ್ಯ ಮತ್ತು ಪ್ರಾಣಿಗಳ ಜೈವಿಕ ನಿರೀಕ್ಷೆ ಮತ್ತು ಆಳ ಸಮುದ್ರದ ಜೈವಿಕ ಸಂಪನ್ಮೂಲಗಳ ಸುಸ್ಥಿರ ಬಳಕೆಯ ಕುರಿತ ಅಧ್ಯಯನಗಳು.
- ಆಳ ಸಮುದ್ರ ಸಮೀಕ್ಷೆ ಮತ್ತು ಪರಿಶೋಧನೆ: ಹಿಂದೂ ಮಹಾಸಾಗರದ ಮಧ್ಯ-ಸಾಗರದ ರೇಖೆಗಳ ಉದ್ದಕ್ಕೂ ಭೂಮಿಯ ಹೊರಪದರ ದಿಂದ ರೂಪಗೊಂಡ ಅಮೂಲ್ಯ ಲೋಹಗಳು ಮೂಲವಾಗಿರುವ ಜಲವಿದ್ಯುತ್ ಸಲ್ಫೈಡ್ ಖನಿಜಗಳ ಸಂಭಾವ್ಯ ತಾಣಗಳನ್ನು ಕಂಡುಹಿಡಿಯುವುದು ಮತ್ತು ಗುರುತಿಸುವುದು ಈ ಘಟಕದ ಪ್ರಾಥಮಿಕ ಉದ್ದೇಶವಾಗಿದೆ.
- ಸಾಗರದಿಂದ ಶಕ್ತಿ ಮತ್ತು ಸಿಹಿನೀರು: ಕಡಲಾಚೆಯ ಸಾಗರ ಉಷ್ಣ ಶಕ್ತಿ ಪರಿವರ್ತನೆ (OTEC) ಡಸಲೀಕರಣ ಘಟಕಗಳಿಗೆ ವಿವರವಾದ ಎಂಜಿನಿಯರಿಂಗ್ ವಿನ್ಯಾಸವನ್ನು ಅಧ್ಯಯನ ಮಾಡಲು ಮತ್ತು ತಯಾರಿಸಲು ವಿವರವಾದ ಸಿದ್ಧತೆ.
- ಸಾಗರ ಜೀವಶಾಸ್ತ್ರಕ್ಕಾಗಿ ಸುಧಾರಿತ ಸಾಗರ ಕೇಂದ್ರಗಳು: ಸಾಗರ ಜೀವಶಾಸ್ತ್ರ ಮತ್ತು ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ಮಾನವ ಸಾಮರ್ಥ್ಯ ಮತ್ತು ಉದ್ಯಮವನ್ನು ಅಭಿವೃದ್ಧಿಪಡಿಸುವುದು ಈ ಘಟಕದ ಉದ್ದೇಶವಾಗಿದೆ. ಈ ಘಟಕವು ಆನ್-ಸೈಟ್ ಬಿಸಿನೆಸ್ ಇನ್ಕ್ಯುಬೇಟರ್ ಸೌಲಭ್ಯಗಳ ಮೂಲಕ ಸಂಶೋಧನೆಯನ್ನು ಕೈಗಾರಿಕಾ ಅಪ್ಲಿಕೇಶನ್ ಮತ್ತು ಉತ್ಪನ್ನ ಅಭಿವೃದ್ಧಿಯಾಗಿ ಪರಿವರ್ತಿಸುತ್ತದೆ.
ಪ್ರಾಮುಖ್ಯತೆ:
ಈ ಮಿಷನ್ ಭಾರತದ ವಿಶಾಲವಾದ ವಿಶೇಷ ಆರ್ಥಿಕ ವಲಯ ಮತ್ತು ಖಂಡಾವರಣ ಪ್ರದೇಶದಲ್ಲಿ ಪರಿಶೋಧನೆ ಪ್ರಯತ್ನಗಳನ್ನು ಹೆಚ್ಚಿಸಲು ಉತ್ತೇಜನ ನೀಡುತ್ತದೆ.
ಈ ಯೋಜನೆಯು ಮಧ್ಯ ಹಿಂದೂ ಮಹಾಸಾಗರ ಜಲಾನಯನ ಪ್ರದೇಶದಲ್ಲಿ(Central Indian Ocean Basin- CIOB) ಸಂಪನ್ಮೂಲಗಳನ್ನು ಬಳಸಿಕೊಳ್ಳುವ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸಲು ಭಾರತಕ್ಕೆ ಅನುವು ಮಾಡಿಕೊಳ್ಳುತ್ತದೆ.
ಸಂಭಾವ್ಯತೆ:
ಮಧ್ಯ ಹಿಂದೂ ಮಹಾಸಾಗರ ಜಲಾನಯನ ಪ್ರದೇಶದಲ್ಲಿ (CIOB) ಪಾಲಿಮೆಟಾಲಿಕ್ ಗಂಟುಗಳ (Polymetallic nodules- PMN) ಪರಿಶೋಧನೆಗಾಗಿ ಭಾರತಕ್ಕೆ ವಿಶ್ವಸಂಸ್ಥೆಯ ಇಂಟರ್ನ್ಯಾಷನಲ್ ಸೀ ಬೆಡ್ ಪ್ರಾಧಿಕಾರವು (UN International Sea Bed Authority for exploration) 75,000 ಚದರ ಕಿಲೋಮೀಟರ್ ಹಂಚಿಕೆ ಮಾಡಿದೆ.
- ಮಧ್ಯ ಹಿಂದೂ ಮಹಾಸಾಗರದ ಜಲಾನಯನ ಪ್ರದೇಶದಲ್ಲಿ ಕಬ್ಬಿಣ, ಮ್ಯಾಂಗನೀಸ್, ನಿಕಲ್ ಮತ್ತು ಕೋಬಾಲ್ಟ್‌ನಂತಹ ಲೋಹಗಳ ನಿಕ್ಷೇಪವಿದೆ.
- ಈ ಬೃಹತ್ ಮೀಸಲು ಪ್ರದೇಶದಲ್ಲಿನ ಕೇವಲ 10% ಭಾಗವನ್ನು ಮಾತ್ರ ಬಳಸಿಕೊಳ್ಳುವ ಮೂಲಕ, ಭಾರತವು ಮುಂದಿನ 100 ವರ್ಷಗಳವರೆಗೆ ತನ್ನ ಇಂಧನ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು ಎಂದು ಅಂದಾಜಿಸಲಾಗಿದೆ.
PMN ಎಂದರೇನು?
- ಪಾಲಿ-ಮೆಟಾಲಿಕ್ ಗಂಟುಗಳು (nodules) (ಇದನ್ನು ಮ್ಯಾಂಗನೀಸ್ ಗಂಟುಗಳು ಎಂದೂ ಕರೆಯುತ್ತಾರೆ) ಆಲೂಗೆಡ್ಡೆ ಆಕಾರದ ಮತ್ತು ಹೆಚ್ಚಾಗಿ ರಂಧ್ರಯುಕ್ತವಾಗಿರುತ್ತದೆ. ವಿಶ್ವ ಸಾಗರಗಳಲ್ಲಿನ ಆಳ ಸಮುದ್ರದ ತಳಗಳಲ್ಲಿ ಅವು ಹೇರಳವಾಗಿ ಕಂಡುಬರುತ್ತವೆ.
- ಸಂಯೋಜನೆ: ಮ್ಯಾಂಗನೀಸ್ ಮತ್ತು ಕಬ್ಬಿಣದ ಜೊತೆಗೆ, ಪಾಲಿ-ಮೆಟಾಲಿಕ್ ಗಂಟುಗಳಲ್ಲಿ ನಿಕಲ್, ತಾಮ್ರ, ಕೋಬಾಲ್ಟ್, ಸೀಸ, ಮಾಲಿಬ್ಡಿನಮ್, ಕ್ಯಾಡ್ಮಿಯಮ್, ವೆನಾಡಿಯಮ್, ಟೈಟಾನಿಯಂ ಇರುತ್ತವೆ, ಇವುಗಳಲ್ಲಿ ನಿಕಲ್, ಕೋಬಾಲ್ಟ್ ಮತ್ತು ತಾಮ್ರವನ್ನು ಆರ್ಥಿಕ ಮತ್ತು ಕಾರ್ಯತಂತ್ರದ ಪ್ರಾಮುಖ್ಯತೆ ಎಂದು ಪರಿಗಣಿಸಲಾಗುತ್ತದೆ.
ಸಾಮಾನ್ಯ ಅಧ್ಯಯನ ಪತ್ರಿಕೆ : 3
GI ಪ್ರಮಾಣೀಕರಿಸಿದ ಜಲ್ಗಾಂವ್ ಬಾಳೆಹಣ್ಣು:
- ಜಲ್ಗಾಂವ್ ಬಾಳೆಹಣ್ಣಿಗೆ 2016 ರಲ್ಲಿ ಜಿಐ ಪ್ರಮಾಣೀಕರಣ ನೀಡಲಾಯಿತು, ಮತ್ತು ಇದನ್ನು ಮಹಾರಾಷ್ಟ್ರದ ನಿಸರ್ಗ ರಾಜಾ ಕೃಷಿ ವಿಜ್ಞಾನ ಕೇಂದ್ರ (KVK) ಜಲ್ಗಾಂವ್ ಹೆಸರಿನಲ್ಲಿ ನೋಂದಾಯಿಸಲಾಗಿದೆ.
- ವಿಶ್ವದ ಒಟ್ಟು ಉತ್ಪಾದನೆಯಲ್ಲಿ ಸುಮಾರು 25% ಪಾಲನ್ನು ಹೊಂದಿರುವ ಭಾರತವು ವಿಶ್ವದಲ್ಲೇ ಅತಿ ಹೆಚ್ಚು ಬಾಳೆಹಣ್ಣುಗಳನ್ನು ಉತ್ಪಾದಿಸುವ ಪ್ರಮುಖ ರಾಷ್ಟ್ರವಾಗಿದೆ.
- ಆಂಧ್ರಪ್ರದೇಶ, ಗುಜರಾತ್, ತಮಿಳುನಾಡು, ಮಹಾರಾಷ್ಟ್ರ, ಕೇರಳ, ಉತ್ತರ ಪ್ರದೇಶ, ಬಿಹಾರ ಮತ್ತು ಮಧ್ಯಪ್ರದೇಶಗಳು ದೇಶದ ಬಾಳೆಹಣ್ಣಿನ ಒಟ್ಟು ಉತ್ಪಾದನೆಯಲ್ಲಿ 70% ಕ್ಕಿಂತ ಹೆಚ್ಚು ಕೊಡುಗೆ ನೀಡುತ್ತವೆ.
ಬ್ರಿಕ್ಸ್ ನೆಟ್‌ವರ್ಕ್ ವಿಶ್ವವಿದ್ಯಾಲಯ:
- ಬ್ರಿಕ್ಸ್ ನೆಟ್‌ವರ್ಕ್ ವಿಶ್ವವಿದ್ಯಾಲಯವು ಐದು ಬ್ರಿಕ್ಸ್ ಸದಸ್ಯ ರಾಷ್ಟ್ರಗಳ ಉನ್ನತ ಶಿಕ್ಷಣ ಸಂಸ್ಥೆಗಳ ಒಕ್ಕೂಟವಾಗಿದೆ.
- ಅದರ ಸ್ಥಾಪನೆಯ ಉದ್ದೇಶವು ಸಾಮಾನ್ಯವಾಗಿ ಶೈಕ್ಷಣಿಕ ಸಹಕಾರವನ್ನು,ವಿಶೇಷವಾಗಿ ಸಂಶೋಧನೆ ಮತ್ತು ನಾವೀನ್ಯತೆ ಕ್ಷೇತ್ರದಲ್ಲಿ ಹೆಚ್ಚಿಸುವುದು.
- IIT ಬಾಂಬೆ ಬ್ರಿಕ್ಸ್ ನೆಟ್‌ವರ್ಕ್ ವಿಶ್ವವಿದ್ಯಾಲಯದ ಭಾರತದ ಪ್ರಮುಖ ಸಂಸ್ಥೆಯಾಗಿದೆ.
ಎಲ್ಲಾ ರಾಷ್ಟ್ರೀಯ ಹೆದ್ದಾರಿ ಯೋಜನೆಗಳಿಗೆ ಡ್ರೋನ್ ಸಮೀಕ್ಷೆ ಕಡ್ಡಾಯ:
- ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯದ ಅಧೀನದಲ್ಲಿರುವ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು ಅಭಿವೃದ್ಧಿ, ನಿರ್ಮಾಣ, ಕಾರ್ಯಾಚರಣೆ ಮತ್ತು ನಿರ್ವಹಣೆಯ ಎಲ್ಲಾ ಹಂತಗಳಲ್ಲಿ ರಾಷ್ಟ್ರೀಯ ಹೆದ್ದಾರಿ ಯೋಜನೆಗಳ ಮಾಸಿಕ ವಿಡಿಯೋ ರೆಕಾರ್ಡಿಂಗ್‌ಗಾಗಿ ಡ್ರೋನ್‌ಗಳನ್ನು ಬಳಸುವುದನ್ನು ಕಡ್ಡಾಯಗೊಳಿಸಿದೆ.
- ಗುತ್ತಿಗೆದಾರರು ಮತ್ತು ರಿಯಾಯಿತಿದಾರರು (Concessionaires) ಮೇಲ್ವಿಚಾರಣಾ ಸಲಹೆಗಾರರ ತಂಡದ ನಾಯಕನ ಸಮ್ಮುಖದಲ್ಲಿ ಡ್ರೋನ್ ವೀಡಿಯೊವನ್ನು ರೆಕಾರ್ಡ್ ಮಾಡಲಿದ್ದಾರೆ ಮತ್ತು ಪ್ರಸ್ತುತ ಮತ್ತು ಹಿಂದಿನ ತಿಂಗಳುಗಳ ತುಲನಾತ್ಮಕ ಯೋಜನೆಯ ವೀಡಿಯೊಗಳನ್ನು NHAI ಪೋರ್ಟಲ್ ‘ಡಾಟಾ ಲೇಕ್’ ನಲ್ಲಿ ಅಪ್‌ಲೋಡ್ ಮಾಡುತ್ತಾರೆ.
ನ್ಯಾಷನಲ್ ಮ್ಯಾರಿಟೈಮ್ ಹೆರಿಟೇಜ್ ಕಾಂಪ್ಲೆಕ್ಸ್ (NMHC):
ಗುಜರಾತ್‌ನ ಲೋಥಾಲ್‌ನಲ್ಲಿನ ‘ರಾಷ್ಟ್ರೀಯ ಕಡಲ ಪರಂಪರೆ ಸಂಕೀರ್ಣದ (National Maritime Heritage Complex– NMHC) ಅಭಿವೃದ್ಧಿಯಲ್ಲಿ ಸಹಕಾರ’ ಕುರಿತು ಕೇಂದ್ರ ಬಂದರು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯ ಮತ್ತು ಸಂಸ್ಕೃತಿ ಸಚಿವಾಲಯ ಗಳು ತಿಳುವಳಿಕೆ ಪತ್ರಕ್ಕೆ ಸಹಿ ಹಾಕಿವೆ.
- ಪ್ರಾಚೀನ ಕಾಲದಿಂದ ಆಧುನಿಕ ಕಾಲದವರೆಗೆ ಭಾರತದ ಕಡಲ ಪರಂಪರೆಯನ್ನು ಪ್ರದರ್ಶಿಸುವ ಮೂಲಕ NMHC ಯನ್ನು ಅಂತರರಾಷ್ಟ್ರೀಯ ಪ್ರವಾಸಿ ತಾಣವಾಗಿ ಅಭಿವೃದ್ಧಿಪಡಿಸಲಾಗುವುದು.
- ಕ್ರಿ.ಪೂ 2400 ರ ಹಿಂದಿನ ಪ್ರಾಚೀನ ಸಿಂಧೂ ಕಣಿವೆ ನಾಗರಿಕತೆಯ ಪ್ರಮುಖ ಪ್ರಾಚೀನ ನಗರಗಳಲ್ಲಿ ಲೋಥಾಲ್ ಒಂದಾದ ಲೋಥಾಲ್ ಅನ್ನು ಪ್ರದರ್ಶಿಸುವುದು NMHCಯ ವಿಶಿಷ್ಟ ಲಕ್ಷಣವಾಗಿದೆ.
ಆದಿಪ್ರಶಿಕ್ಷನ್ (ತರಬೇತಿ) ಪೋರ್ಟಲ್:
ಬುಡಕಟ್ಟು ಸಂಶೋಧನಾ ಸಂಸ್ಥೆಗಳು (TRIs), ಸಚಿವಾಲಯದ ವಿವಿಧ ವಿಭಾಗಗಳು, ರಾಷ್ಟ್ರೀಯ ಬುಡಕಟ್ಟು ವಿದ್ಯಾರ್ಥಿ ಶಿಕ್ಷಣ ಸೊಸೈಟಿ (NESTS), ಬುಡಕಟ್ಟು ವ್ಯವಹಾರಗಳ ಸಚಿವಾಲಯ ಮತ್ತು ರಾಷ್ಟ್ರೀಯ ಬುಡಕಟ್ಟು ಸಂಶೋಧನಾ ಸಂಸ್ಥೆ ಕೇಂದ್ರಗಳಿಂದ ಧನಸಹಾಯ ಪಡೆದ ಅತ್ಯುತ್ತಮ ಕೇಂದ್ರಗಳ ವಿವಿಧ ವಿಭಾಗಗಳು ನಡೆಸಿದ ಎಲ್ಲಾ ತರಬೇತಿ ಕಾರ್ಯಕ್ರಮಗಳ ಭಂಡಾರವಾಗಿದೆ ಆದಿಪ್ರಶಿಕ್ಷನ್ ಪೋರ್ಟಲ್ (ADI PRASHIKSHAN portal).
ವಿವಾಟೆಕ್:
(VivaTech)
- ವಿವಾಟೆಕ್ ಯುರೋಪಿನ ಅತಿದೊಡ್ಡ ಡಿಜಿಟಲ್ ಮತ್ತು ಸ್ಟಾರ್ಟಪ್ (ಆರಂಭಿಕ) ಕಾರ್ಯಕ್ರಮಗಳಲ್ಲಿ ಒಂದಾಗಿದೆ. 2016 ರಿಂದ, ಇದನ್ನು ಪ್ರತಿ ವರ್ಷ ಪ್ಯಾರಿಸ್‌ನಲ್ಲಿ ಆಯೋಜಿಸಲಾಗುತ್ತದೆ.
- ಇದನ್ನು ಪ್ರಮುಖ ಜಾಹೀರಾತು ಮತ್ತು ಮಾರುಕಟ್ಟೆ ಸಂಘಟಕರಾದ ಪಬ್ಲಿಸಿಸ್ ಗ್ರೂಪ್ ಮತ್ತು ಫ್ರೆಂಚ್ ಮಾಧ್ಯಮ ಸಮೂಹವಾದ ಲೆಸ್ ಎಕೋಸ್ ಜಂಟಿಯಾಗಿ ಆಯೋಜಿಸಿದ್ದಾರೆ.
- ಇದು ತಂತ್ರಜ್ಞಾನ ನಾವೀನ್ಯತೆ ಮತ್ತು ಆರಂಭಿಕ ಪರಿಸರ ವ್ಯವಸ್ಥೆಯಲ್ಲಿ ಮಧ್ಯಸ್ಥಗಾರರನ್ನು ಒಟ್ಟುಗೂಡಿಸುತ್ತದೆ. ಈ ಕಾರ್ಯಕ್ರಮವು, ಪ್ರದರ್ಶನಗಳು, ಪ್ರಶಸ್ತಿಗಳು, ಗುಂಪು ಚರ್ಚೆಗಳು ಮತ್ತು ಆರಂಭಿಕ ಸ್ಪರ್ಧೆಗಳನ್ನು ಒಳಗೊಂಡಿದೆ.
[ad_2]